POP 5

Lajmet më të lexuara të 5 minutave të fundit

Sociale

Protesta/ ‘Po qelbemi! S’kemi ujë për të larë, as për të pirë!' Defekt në Ujësjellës, Miloti 10 ditë pa ujë

Prej 10 ditësh në qytezën e Milotit, pjesë e bashkisë së Kurbinit nuk ka asnjë pikë uji në çezma. Banorët protestojnë duke kërkuar nga Shoqëria e Ujësjellës-Kanalizimeve dhe Bashkia si aksionere e shoqërisë të rregullojnë sa më shpejt defektin në rrjetin e ujësjellesit.

Sigurimi i ujit të pijshëm është kthyer në sfidë për qytetarët e Milotit në Bashkinë e Kurbinit. Prej gati 10 ditesh ne çezmat e tyre nuk rrjedh asnjë pike uje. Banorët tregojnë se e blejnë ujin si për të pirë ashtu dhe për t’u larë.

“Populli i Milotit e blen ujin me lek! Disa mbushin në burime, e mbajnë bidonat në krah. Ne jemi në breg të lumit Mat dhe s’kemi ujë. Është turp! U bënë 10 ditë! Po qelbemi për një pikë ujë! Pa ujë njeriu mbaron, vdes!”, thanë ata.

Kjo situatë përsëritet shpeshherë, pasi burimi ka shterruar dhe rrjeti i ujësjellësit është i amortizuar. Banoret e qytezës së Milotit dhe fshatrave përreth kërkojnë zgjidhje nga Shoqëria e Ujësjellës - Kanalizimeve dhe Bashkia Kurbin, si aksionere e kësaj shoqërie.

“E blejmë 10 mijë lek (të vjetra) një bot. Po vuajmë shumë se s’kemi as një pikë ujë, as për tu larë as për të pirë. I bëjmë thirrje Qeverisë dhe Bashkisë të na sjellë ujin”, thanë më tej.

Ujësjellësi nuk iu përgjigj interesimit tonë, ndërsa Bashkia e Kurbinit e pranon problematikën por nuk ka zgjidhje imediate, pasi ndërtimi i depos së re dhe investimi në rrjetin e ujësjellësit ka kosto të lartë.

R.D/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se protestat mund ta forcojnë pozicion politik të PD-së?

Lajme të tjera



×

Lajmi i fundit

Kaosi i PD në Kuvend, ministri Balla në Report Tv: Horrin bëjeni diku tjetër, po i shërbeni interesit të Berishës! S'ka qeveri teknike, synojmë mbi 84 mandate

Kaosi i PD në Kuvend, ministri Balla në Report Tv: Horrin bëjeni diku tjetër, po i shërbeni interesit të Berishës! S'ka qeveri teknike, synojmë mbi 84 mandate

3 Tetor, 18:03