Familjet e Unazës së Madhe kanë filluar bashkëpunimin me Bashkinë e Tiranës dhe Autoritetin Rrugor Shqiptar për t’u zhvendosur në banesat sociale në Shkozë apo për të përfituar shpronësimin ose bonusin e qirasë për tre vite. Nga Asambleja e Forumit të Gruas Socialiste të Tiranës, Veliaj theksoi se sot disa prej familjeve të Unazës u strehuan në banesa sociale.
“Falë zonjave dhe zonjushave të të gjitha dikastereve, protesta ndoshta më e dhunshme, më vulgare, me parti politike që shtyjnë vetëm sherr, mllef, kapsolla, sot u arrit që të bëhej një progres që nuk ishte bërë në kaq ditë. Nga 50 familje që kishin aplikuar në ARRSH sot u administruan 70 dosje. Gratë dhe zonjat e këtij qyteti zgjidhën në 3 orë 1/3 e problematikës më të madhe. E njëjta gjë për skuadrën e Bashkisë, nga 59 dosje të atyre që s’kanë asnjë letër sot, kopsitën dosjet e tyre 23 familje, thuajse gjysma.
Në 3 orë gratë e këtij qyteti i dhanë dum dhe çuan përpara për zgjidhje një nga problematikat dhe dramat më banale që mund të kemi parë në kohët e fundit”, tha Veliaj. Ai u bëri thirrje banorëve të zonës së Unazës së Madhe që të mos bien pre dhe të përdoren politikisht nga opozita. Veliaj nënvizoi se banorët e Astirit që preken nga ndërtimi i Unazës së Re nuk duhet të bëjnë hesapet e kryetarit të PD-së, Lulzim Basha. “Ju falenderoj me gjithë zemër, nënat, amvisat, gratë, zonjat e shtëpisë në të gjithë zonën e Astirit dhe Unazës së Re se arritën të kuptonin që fëmijët e tyre nuk mund të jenë mish për top për parti, krerët e të cilave i kanë rregulluar punët e tyre, një shtëpi në Tiranë, një shtëpi në Laknas, një shtëpi në Holandë.
Ata i kanë rregulluar punët e tyre. Thirrja ime për banorët është: mos bëni hesapet e Lulit, ai i ka rregulluar punët e veta, bëni hesapet tuaja, t’u dalë mirë llogaria juve; nëse u takon prona, të merrni paratë, nëse keni nevojë për asistencë, të merrni një shtëpi, nëse doni qira, u japim qira, por vetëm bëni llogarinë e fëmijëve dhe të familjeve tuaja, jo të politikanëve që i kanë rregulluar punët e tyre”, tha ai, teksa listoi edhe një sërë programesh të ndryshme sociale që Bashkia e Tiranës ua ofron të gjithë banorëve të cilët preken nga ndërtimi i Unazës së Madhe. “Për atë që ka pronë, të paguhet çfarë i takon, për atë që s’ka asnjë letër, të marrë ndihmë sociale, për atë që ndoshta nuk e do ndihmën sociale, do të marrë një bonus qiraje”, tha Veliaj.
Kryebashkiaku nënvizoi se PD dhe Basha nuk ofrojnë besim tek qytetarët, pasi sikundër edhe në shumë raste të mëparshme, ai i ka lënë ata në baltë. Ai deklaroi se PD ka një Kryetar partie që çdo gjë e ka kthyer në pazar. “Thirrja për ta është: Luli ju la në baltë! Partia Socialiste dhe Edi Rama nuk ka lënë asnjë njeri në baltë, nga dita e parë që kemi nisur këtë punë dhe çdo ditë që punojmë me këtë mision! E patë Lulin me Kukësin? Ku është sot? Ju la në baltë! E patë Lulin te çadra? Ku është sot? I la në baltë, i përdori e i la në baltë! E patë Lulin te Teatri? Ku është sot për Teatrin? I la në baltë! Miqtë e mi, në dallim nga ne, ata vetë kanë një Kryetar partie që çdo gjë e ka kthyer në pazar.
Unë kam punuar në Bashkinë e Tiranës, një pjesë e kolegëve kanë punuar në Bashkinë e Tiranës, u bë 3 vjet që punojmë aty dhe kemi parë se 80% të tenderave të Bashkisë së Tiranës merren nga “Victoria Invest”, firma e Lul Bashës. Nuk po i hyj në hak, është një nga 3 fituesit e rrugës, pyetja është: Si nuk e përmend asnjëherë? Pra, pasi e merr pazarin e vet, thotë: Duhet bërë dhe një protestë tani, të shkojmë për sy e faqe dhe do Zoti harrohet siç u harrua Kukësi, Teatri, çadrat”, deklaroi ai. Veliaj u ndal edhe në rastin e plagosjes së efektives së Policisë së Shtetit, Ina Nuka, e cila humbi gishtat pas sulmit nga militantët.
Teksa i uroi efektives Nuka shërim të shpejtë, Veliaj tha se protestat organizohen nga opozita për përfitime politike. “Sot dua të çojmë të gjithë bashkë një përshëndetje për Ina Nukën, për policen e mrekullueshme që shërbeu në sulmin e parë të agresionit! Dua t’i pyes: A janë krenar sot për atë që bënë? Hodhën në erë gishtat e një vajze të re, a janë krenarë për këtë? Ç’punë ka dikush që vjen nga Burreli të protestojë këtu, për një projekt lokal të Tiranës?”, tha kryebashkiaku Veliaj Ai theksoi se PS është forca më progresive në vend, ndryshe nga PD e cila është simbol i zaptimit dhe i paligjshmërisë.
“Jam shumë i lumtur që zonjat socialiste sot i kanë dhënë fuqi partisë më progresive që ka pasur ndonjëherë. PS vazhdon të rrijë aty ku ka qenë. Nuk vuan nga tahmaja, të marrë diçka që nuk i takon. Ata edhe partinë e zaptojnë, mjafton të shikoni hapësirën përballë, duket si një koncensionar “Range Rover”-ash. Partia që flet tërë ditën për varfërinë e ka mbushur parkimin sikur shet makina të përdorura. E kuptoni se përfaqësojmë dy botë të ndryshme? Kemi një parti që do punën, progresin, barazinë, kurse përballë një parti që zapton”, tha ai.
Komente
Lajme të tjera
-
Protesta e Astirit/ Balliu pranë Gjykatës së Tiranës: Të bashkohen çështjet në një të vetme, qytetarët po arrestohen nga dëshmitë e efektivëve
21 Dhjetor 2020, 12:44 -
Shtyhet seanca për çështjen e 'Unazës së Re'/ Balliu: Unë s'rri t'i bie samarit, por gomarit dhe ai është Rama! Ka bërë koalicion me COVID-in, e ka vendin te '313'
4 Nëntor 2020, 12:00 -
Banorët e Unazës së Re ndjesë Klevis Balliut: Të kishin zili, Basha të të fusë në listë për deputet
8 Tetor 2020, 10:54 -
Veliaj sfidon Bashën: Pse s’më hedh në gjyq kur them se e le protestën në Astir për makinën 130 mijë euro?
4 Tetor 2020, 19:28 -
Ofendoi policët, shoqërohet në polici 'protagonisti' i protestës së 'Astirit': Nuk trembemi, bëhemi më të fortë
3 Tetor 2020, 20:55 -
Veliaj tjetër akuzë Bashës: Premtove harakiri te Unaza, pse e le protestën? A more një makinë 130 mijë euro nga një nga kontraktorët? (VIDEO)
2 Tetor 2020, 18:51 -
Veliaj akuza të rënda Bashës: Mbylle protestën e rrugës së Kombit dhe Astirit në këmbim të 4 vilave, u pasurove bashkë me kunatin
1 Tetor 2020, 22:03 -
Dosja/ Prokurori Petrit Hysa dy akuza Klevis Balliut, ja dëshmitarët kundër ish-deputetit të PD për bllokimin e rrugëve
18 Prill 2020, 14:37
-
Gjykata Penale e Tiranës kalon dosjen për gjykim/ Balliu dhe 12 banorë të Astirit merren të pandehur (VIDEO)
2 Mars 2020, 13:27 -
PD: Ja foto se si u shpëtua nga shembja shtëpia e prokurores në Astir, 'shpërbleu' Veliajn duke e 'falur' për pishat
19 Shkurt 2020, 11:15 -
Sinjalizime për aksion nga IKMT-ja, Balliu te 'Astiri': I siguroj banorët që PD-ja nuk tërhiqet
17 Shkurt 2020, 08:19
Po cfare hesap Luli o Erion. Luli dhe Monika u futen ne kete proteste si 7-ta ne 13-te. Nuk dergohet robi me tulle ne dore per te kryqezuar banuesin, me ose pa leje, mer jahu. E drejta e strehes eshte nevoje jetesore o byrazer. S’ka te beje as Luli as Lulishtja. Pervec kesaj mer jahu, 200 euro nje cm rruge o lal? C’ka brenda asfalti? Vje me pjeshke e me tallava siper e? M’qafsh....a e mendon se nuk do jesh ndonjehere kryetar bashkie? Si mendon se do te te kujtoje Tirana? Ti flet per paje Tirane mer daje dhe le shije te ithte. Mos harro qe Tirana s’ka me shume se 5 mbiemra dhe Veliaj nuk eshte nje nga to. Pjesa tjeter jane te rene ne Tirane, per ate i thone Tirena!
Përgjigju