POP 5

Lajmet më të lexuara të 5 minutave të fundit

Bota

Protestat kundër regjimit në Iran, 75 të vrarë e të paktën 450 të arrestuar! Mbyllet interneti në gjithë vendin

Të paktën 450 persona janë arrestuar në Mazandaran, një provincë veriore të Iranit, gjatë 10 ditëve të fundit të protestave, sipas kryeprokurorit të provincës

Protestat kundër regjimit në Iran, 75 të vrarë e të paktën 450 të arrestuar! Mbyllet interneti në gjithë vendin

Pamje nga protestat në Iran

Të paktën 450 persona janë arrestuar në Mazandaran, një provincë veriore të Iranit, gjatë 10 ditëve të fundit të protestave, sipas kryeprokurorit të provincës.

Protestat e shkaktuara nga vdekja në paraburgimin policor të 22-vjeçares Mahsa Amini janë përhapur në të gjithë vendin. Protestuesit janë përballur me mbyllje të internetit dhe me dhunë nga autoritetet policore.

Numri zyrtar i të vdekurve në trazira është 41, ndërsa grupet e të drejtave të njeriut thonë se numri i vërtetë është më shumë se 75.

Amnesty International tha se të paktën katër fëmijë ishin vrarë nga forcat shtetërore që nga fillimi i protestave. Organizata përshkruan një “model rrëqethës” të “qitjes së qëllimshme dhe të paligjshme të municioneve të drejtpërdrejta ndaj protestuesve”.

Heba Morayef, drejtoresha e Amnesty-së për Lindjen e Mesme dhe Afrikën e Veriut, tha: "Rritja e numrit të vdekjeve është një tregues alarmant se sa i pamëshirshëm ka qenë sulmi i autoriteteve ndaj jetës njerëzore nën errësirën e mbylljes së internetit."

Zyrtarët iranianë thanë të hënën se më shumë se 1200 njerëz ishin arrestuar ndërsa rrjeti kundër protestave u zgjerua. Demonstruesit dolën përsëri në rrugë të hënën mbrëma në Teheran dhe gjetkë, thanë dëshmitarët për Agence France-Presse.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02