Sulmet me gurë ndaj policisë, protestuesit e kanë cilësuar si një veprim normal. Në ditën e 7-të të protestës, teksa janë mbledhur para Ministrisë së Arsimit, një protestues i maskuar tha për mikrofonin e Report Tv se kërkesa e vetme e tyre është dorëheqja e kryeministrit Edi Rama.

“Kërkesa e vetme është dorëheqja. Tani që ai do të flasi është tepër vonë. Unë e kam lënë gjimnazin për të punuar. Gjimnazi është humbje kohe. Rama na ka neglizhuar për tre muaj. Ai vet e nisi luftën dhe ne shumë mirë bëjmë që i qëllojmë me gurë”, tha ai.

“Kërkojë drejtësi. Pa drejtësi nuk ka Shqipëri”, tha një qytetar.

“Kam ardhur këtu vetë me lekët e mia”, tha një tjetër.

Një tjetër protestues i maskuar (student) tha se kishin lajmëruar mësuesit për bojkotimin e mësimit. Ai shton se ata kanë marrë mbështetje.

“Po protestojmë si studenta, që shkollën ta marrim jo me mik por me meritokraci. I kemi dërguar mesazh zyshave se do të bojkotojmë mësimin. Na kanë thënë na përfaqësoni sa më mirë”, tha protestuesi.

Ndërkohë gjimnazistët të cilët janë bërë pjesë e protestave, thonë se janë gati të përballen me pasojat, me të cilat i ka paralajmëruar kryeministri Edi Rama. Ata thonë se nuk pyesin asnjeri për të drejtat e tyre dhe se Rama po sheh vetëm interesin e tij.

"Për të drejtat tona kemi dalë se janë rrahur shumë njerëz. Drejtoria na ka thënë mos të dalim, por ne nuk i pyesim. Le të kemi pasoja, Rama le të mbajë pasojat e veta me këtë shtet që ka bërë. një ditë Rama ka për të rënë”, tha një nxënës i shkollës Isa Boletini.

“Kemi dalë për të drejtat tona, s’kemi arsim. Boll kemi duruar, Rama duhet të japë dorëhqjen", tha një protestuese.

“Jam 14 vjeç. Rama mendon vetëm për vete”, tha i mituri.

“Dje ishte ditëlindja ime e 15-të. E përjetova protestën me keqardhje. Gjysmën e të afërmëve i kemi në emigrim”, tha një tjetër.

lajm ne perditesim...

Rendit zhvillimet sipas orarit:
Ora 12:43
Protestuesi: Gjimnazi është humbje kohe! E nisën vetë luftën, mirë ia bëjmë që i qëllojmë policët me gura

1792406539_protestatkunderqeverise.png

 Teksa janë mbledhur para Ministrisë së Arsimit, një protestues tha për Report Tv se kërkesa e vetme e tyre është dorëheqja e Ramës.

Ndërsa e cilësoi gjimnazin si humbje kohe, protestuesi e cilësoi si një akt të mirë, sulmet ndaj efektivëve.

“Kërkesa e vetme është dorëheqja. Tani që ai do të flasi është tepër vonë. Unë e kam lënë gjimnazin për të punuar. Gjimnazi është humbje kohe. Rama na ka neglizhuar për tre muaj. Ai vet e nisi luftën dhe ne shumë mirë bëjmë që i qëllojmë me gurë”

Xh.K/Shqiptarja.com