TIRANE- Një protestë e një grupi të rinjsh para Ambasadës Greke në Tiranë që kishte si motiv vrasjen barbare në burgjet helene të shqiptarit Kudret Kume allias Ilia Kareli, është bërë shkak për dënimin e dy të rinjve nga Tirana. Vendimi për dënimin e Fatjon Koka dhe Indrit Sullaj është dhënë në 8 korrik nga gjykata e kryeqytetit, e cila ka shpallur fajtorë dy të pandehurit për akuzën e “Organizimit dhe pjesmarrjes në grumbullime dhe manifestime të paligjshme”, duke i dënuar ata me 500 mijë lek të vjetra. Mirëpo për shkak të pranimit të akuzës dhe gjykimit të shkurtuar kjo gjobë është ulur në 330 mijë lek të vjetra.