12 persona janë arrestuar në Itali, pas protestave të dhunshme mbrëmjen e djeshme në Romë, kundër pasaportave të vaksinave. Ndër të arrestuarit gjithashtu Roberto Fiore dhe Giuliamo Castellino, përkatësisht drejtuesi kombëtar dhe udhëheqësi i Romës në partinë “Forza Nuova”. Demonstruesit vërshuan në rrugë drejt qendrës së kryeqytetit italian, dhe policia u kundërpërgjigj me ujë dhe gaz lotsjellës.

Pas përplasjeve të dhunshme, disa efektivë të policisë u plagosën, por pa e ndërprerë shërbimin.  Selia e sindikatës italiane të punës u sulmua, ndërsa protestuesit e dhunshëm arritën të thyente dyert e selisë së sindikatës para se policia të arrinte t’i ndalte demonstruesit.

Protestuesit u përballën me automjete të blinduara dhe me një furgon të vendosur para derës së selisë së qeverisë, si një barrierë e fundit parandaluese.

Në rrugë, të gatshëm për t'u përballur me policët kishte njerëz me fytyra të zbuluara, burra dhe gra në moshë, e që bërtisnin me zemërim, dhe pothuajse indiferentë ndaj ujit me presion që shpërndante policia.

Një vit më parë, kur u njoftuan mbyllje të reja për valën e dytë të pandemisë, protesta e tregtarëve u infiltrua nga ekstremistët politikë që donin të përfitonin nga mundësia për të vendosur policinë në vështirësi, ndërsa kësaj here sikurse shkruajnë mediat italiane, duket krejt ndryshe

 

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Mars, 08:12

    Rritja e çmimit të ushqimeve, a duhet të marrë masa qeveria për të mbrojtur konsumatorët?

Lajme të tjera