POP 5

Lajmet më të lexuara të 5 minutave të fundit

Kronikë

Protestë për ujrat e zeza në Durrës, banorët e ish-Kënetës: Gjatë verës vjen erë e padurueshme (VIDEO)

Ujërat e zeza, të derdhura në kanalet kulluese, në zonën e ish-Kenetes në Durrës janë kthyer në një shqetësim mjaft të madh për banorët e rrugës"Gjergj Balshaj". Të ndodhur në këtë situatë, ata janë ngritur në protestë. 

DURRËS- Me pretendimin se Bashkia e Durrësit nuk ka bërë asnjë ndërhyrje për të përmirësuar sistemimin e kanalizimeve të ujërave të zeza, banorët e rrugës "Gjergj Balshaj" në zonën e ish Kënetës janë ngritur në protestë.

Përveçse banesat e tyre nuk janë të lidhura me kolektorët e qytetit, ata shprehen se edhe ujërat e zeza derdhen në kanalet kulluese para pronave të tyre, duke bërë që era e keqe të jetë e padurueshme. Situata rëndohet edhe më tepër me rritjen e temperaturave.

“Vijnë dy kolektorë kryesor. Nga Porto Romano dhe Konservimi. Derdhen këtu. I lutemi Bashkisë dhe qeverisë që ujërat e zeza ti çojnë në kolektorin kryesor. Nuk dalim dot në derë. Jemi më shumë se 300 familje. E kemi ngritur kaq herë si problem dhe nuk na kanë dhënë zgjidhje. Të marrin masa që mos të vdese populli nga malarja e infeksionet e tjera”, tha një banor.

“Ju po e shikoni vetë realitetin e këtij komuniteti. Të bëjnë kanalin. Kjo na intereson. 20 Vjet këtu rrimë. I lutem qeverisë të vejë dorë se po na marrin shpirtin. Këtu nuk rrihet. Është skandal. Nuk kanë ku të shkojnë se nuk ka kolektor”, u shpreh një tjetër.

“Duhet të bëhet sa më shpejt. Mushkonjat të mbysin. Do na vije malarja”, tha një tjetër.

Në mbështetje të tyre ishte edhe kryetari i Partisë Demokratike për Durrësin, Ferdinand Xhaferraj.

“Qytetarët kanë kërkesën më normale të mundshme. Të rregullohet kanali. Ky është Durrësi turistik i vitit 2021. Kanë 20 vite që drejtojnë bashkinë dhe 8 vite qeverinë dhe ja ku janë. Shikoni si është gjendja këtu. Gjithçka flet vetë”, tha kryetari i PD Durrës, Ferdinand Xhaferraj.

Të pyetur për këtë problematikë, Bashkia e Durrësit nuk ka pranuar që të prononcohet.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Shkurt, 23:15

    A është veprim i duhur nga SPAK arrestimi i Veliajt 3 muaj para zgjedhjeve?

Lajme të tjera



×

Lajmi i fundit

Arrestimi i Veliajt, reagon Spiropali: Nuk mund të shkelet me këmbë prezumimi i pafajësisë! Ndal linçimit publik, drejtësia të lihet e pavarur

Arrestimi i Veliajt, reagon Spiropali: Nuk mund të shkelet me këmbë prezumimi i pafajësisë! Ndal linçimit publik, drejtësia të lihet e pavarur

11 Shkurt, 22:59