POP 5

Lajmet më të lexuara të 5 minutave të fundit

Sport

Prova e zjarrtë, Inter luan ndeshjen e fundit në Serie A, kundër Torinos me sponsor të ri! Sonte edhe Empoli-Lazio

Inter do ketë sonte provën e zjarrtë para finales së Champions League, pasi do luajë ndeshjen e fundit në kampionat kundër Torinos me një sponsor të ri në fanellë. Sakaq për herë të fundit këtë sezon do zbresë në fushë Lazio, që luan në transfertë kundër Empolit.

Inter do të jetë ndër skuadrat e para me emër në futbollin italian që mbyll sonte sezonin në Seria A, pasi zikaltërit do luajnë në transfertë kundër Torinos. Objektivin minimal të besuarit e Inzaghit e kanë arritur, duke u kulaifikuar në Champions League për sezonin e ardhshëm, por sonte do kërkojnë gjithësesi të mos humbin, me qëllim për të ruajtur vendin e tretë në renditje.

Interit i duhet një pikë për të mbyllur këtë çështje pavarësisht rezultatit që do të marrë Milani i vendit të katërt të dielën kundër Veronas. Duke qenë se zikaltërit po përgatiten edhe për finalen e Champions League të shtunën e ardhshme kundër Manchester City-t sot pritet të ketë shumë ndryshime në formacion.

Në portë kapiteni Handanovic pritet të luajë ndeshjen e fundit si zikaltër, ndërsa në mbrojtje Dambrozio pritet të mbështet nga Acerbi dhe De Vrij. Ende e paqartë se kush do jetë nga karahët, por gjasat janë që Bellanova dhe Gosens të marrin vendin e Di Marco-s dhe Dumfries. Në mesfushë Calhanoglu dhe Brozovic do përbëjnë treshen më Gagliardinin, ndërsa në sulm titullarë do jenë Lukaku dhe Lautaro. Vlen të theksohet se Skriniar është kthyer pjesë e skuadrës pas 3 muajve, ndërsa Mkihtaryan nuk është grumbulluar. Për Interin kjo është një provë gjenerale para finales së Champions League, ndërsa së fundmi zikaltërit kanë zbuluar edhe sponsorin e ri. Paramount+ do japë 10 mln euro për dy ndeshjet e fundit të sezonit.

Ndërkohë po sonte Lazio që ka blinder vendin e dytë do të mbyllë sezonin kundër Empolit, ndërsa të premten Fiorentina fitoi 1-3 në transfertë kundër Sassuolo-s. Për ‘vjolët’ ishte gjithashtu një provë e fortë para finales së Conference League kundër West Ham.

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54