Prrenjas/ U përplas me makinë nga shoferi i dehur, 24-vjeçarja ndërron jetë pas 5 ditësh në koma! Arrestohet shoferi

Prrenjas/ U përplas me makinë nga shoferi i dehur, 24-vjeçarja ndërron jetë pas 5 ditësh në koma! Arrestohet shoferi

ELBASAN – Ka ndërruar jetë 24 vjeçarja,e cila më 8 prill të këtij viti, u përplas nga një makinë nën drejtimin e një shoferi që sipas policisë rezultoi i dehur, në aksin Prrenjas- Qafë Thanë.

E reja u përplas së bashku me 3 persona të tjerë,të cilët po qëndronin në këmbë para një servisi dhe po prisnin që makina e tyre të riparohej.

Report Tv mëson se e reja ndërroi jetë pas 5 ditësh në koma.

Blutë njoftojnë se Jetmir Daci, shoferi i cili humbi kontrollin e makinës dhe përplasi 4 persona, duke shkaktuar së fundmi dhe vdekjen e 24-vjeçares, është arrestuar ditën e sotme.

Përmes një komunikate zyrtare blutë njoftojnë se 44-vjeçari nga Dibra akuzohet për veprën penale "Shkelja e rregullave të qarkullimit rrugor".

“Në vijim të veprimeve të thelluara hetimore dhe procedurale të kryera për zbardhjen e rrethanave të aksidentit të ndodhur më datë 08.04.2024, në aksin rrugor "Prrenjas-Qafë Thanë”, ku si pasojë mbetën të dëmtuar 4-shtetas, specialistët e Sektorit të Policisë Rrugore kanë ndaluar me iniciativë shtetasin J. D., 44 vjeç, banues në Peshkopi, për veprën penale "Shkelja e rregullave të qarkullimit rrugor",-njofton policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ATSH: 14/04/2024 07:58

    Trafiku si ne Kabul . Kafsheri. Vetem zoti i mbron njerzit . Turp per qeveritaret 10 vjet ne pushtet e nuk jane te zote as te disiplinojne trafikun e jo me te bejne shtet . Ku e kane shtetin qe premtuan ? Deshtak e te pa afte qe nuk meritoni asgje . Ngushellime familjes , e tmershme !

    Përgjigju
  • Iris: 14/04/2024 03:20

    Dhe jo vetem qe nuk u arrestua ate dite,por dhe tani qe e arrestuan,akuza eshte absolutisht qesharake dhe jo e plote:/Shkelje e rregullave te qerkullimit rrugor/! Nje akuze e tille eshte per ata qe bejne shkelje,por nuk shkaktojne aksident.Akuza e sakte per kete duhet te ishte:1-Shkelje e rregullave te qarkullimit rrugor.2-Ngarje makine nen influence.3-Plagosje me dashje si pasoje e aksidentit per tre personat e plagosur.4-Vrasje me dashje si pasoje e aksidentit per vajzen qe humbi jeten.E theksova /me dashje/sepse ka ngare makinen nen influence edhe pse e dinte qe nuk duhej dhe shkaktoi aksidentin.Po kush t'i beje keto akuza?Te vdekurit?! Dhe pastaj ankohen njerezit pse shkelesit e kriminelet ja hedhin paq e lirohen menjehere! Si te mos lirohen kur akuza eshte vetem /Shkelje rregullash qarkullimi/!!

    Përgjigju
  • zeni: 13/04/2024 20:55

    Deri sa shoferi ishte i dehur perse nuk u arestua ne vend por u prit deri sa vdiq e aksidentuara.

    Përgjigju
    • Landi: 14/04/2024 07:19

      Pune Taulant Balla!!

    • Lala: 13/04/2024 23:17

      Se Mund te dilte me lek e ta mbyllte me zarf normalisht.pun shqiptareve mo

  • Sondazhi i ditës:

    A ka qenë Vettingu i gjyqtarëve e prokurorëve proces i besueshëm?



×

Lajmi i fundit

Lufta në Ukrainë e samiti i Paqes, Zelensky i telefonon Ramës

Lufta në Ukrainë e samiti i Paqes, Zelensky i telefonon Ramës