PS, kontroll live i votës dhe
rezultatit, Çuçi: Transparencë
Socialistët kanë nisur instalimin e një sistemi kontrolli të rezultatit të zgjedhjeve, që do të bëjë publik dhe në kohë reale procesin e numërimit hap pas hapi deri në rezultatin përfundimtar. Çuçi thotë se kjo do të garantojë transparencën për shqiptarët.
TIRANE - Socialistët janë duke instaluar sistemin kompjuterik në të gjitha qarqet dhe në selinë qëndrore, për të monitoruar hap pas hapi procesin e numërimit të votave deri në shpalljen e rezultatit. Një proces që do të bënte transparente para publikut tërë këtë garë të rëndësishme, duke dhënë në kohë reale votimin për secilën parti, hap pas hapi pa lënë asnjë mundësi për manipulim.
Fillimi e instalimit të tërë kësaj infrastrukture në të gjitha qendrat e qarqeve ku janë të ngritura grupet e numërimit e deri në selinë qëndrore të PS ku do të jetë vendosur dhe distributori kryesor që do të japë rezultatin hap pas hapi për të gjitha qarqet në vend.
Ndërkohë që kandidati për deputet, njëherësh ish-kreu i KQZ Ilirjan Celibashi ka bërë me dije shkurt se ka filluar ky proces, ka qënë nënsekretari për çështjet Zgjedhore në PS, Bledar Çuçi ai që ka thënë se PS përmes këtij procesi, në përfundim e sipër do të bëjë atë që KQZ nuk e ka bërë deri më tani e as që ka ndërmend ta bëjë, transparencën e rezultatit gjatë gjithë procesit.
“Sistemi online do të vendoset, në mënyrë që transparencën e procesit që mungon nga KQZ, ta garantojmë ne për publikun. PS do të angazhohet që të garantojë transparencen e rezultatit të zgjedhjeve të 23 qershorit gjatë gjithë procesit të numërimit, të cilin do ta bëjë me dije në kohë reale dhe hap pas hapi për publikun dhe median.
PS po merret me vendosjen e këtij sistemi që do të garantojë këtë transparencë”, ka deklaruar për gazetën “Shqiptarja.com”, Bledar Çuçi. Një proces i tillë mësohet se në vija të përgjithshme është aplikuar nga një institucion i pavarur dhe në zgjedhjet e vitit 2009, por atëherë pjesërisht.
Ndërkohë që këtë radhë mësohet se me këtë proces do merret vetë PS, e cila do të japë rezultatin fletë pas flete votimit për 12 qarqet e vendit, dhe një përmbledhje të rezultatit në rang kombëtar minutë pas minute duke e reflektuar këtë proces online për publikun dhe gazetarët, përmes instalimit të një adrese të veçantë në internet.
Kjo do të shmangte dhënien e rezultateve të manipuluara sikurse pretendon PS nga ana e KQZ, e cila thuhet se vonesat në reflektimin e rezultateve në sitin e saj zyrtar e bën qëllimisht për të dhënë kohë për rrumbullakosjen e rezultatit. Një proces të tillë e ka paralajmëruar pikërisht ish-kreu i KQZ Celibashi ditë më parë, teksa është shprehur për instalimin e këtij sistemi.
Sipas tij, tashmë është duke konsoliduar skemën e administrimit dhe të mbikqyrjes, apo kontrollit të procesit të votimit deri në shpalljen e rezultatit. Ndërkohë një sistem i tillë i instaluar monitorimi e publikimi i rezultatit të zgjedhjeve, do të operojë paralel me atë të KQZ, ku pritet të ketë përplasje mes mazhorancës dhe opozitës socialiste në lidhje me këtë operacion.
Shkrimi u botua sot në gazetën Shqiptarja.com (print) 17.06.2013
Redaksia Online
(b.m/shqiptarja.com)
Sondazhi i ditës:
A respektohen të drejtat e punëtorëve në Shqipëri?
-
Po
23.7%
-
Jo
19.6%
-
Nuk e di
56.7%
Vota total: 10678
Lajme të tjera
-
Auditimi i fondeve për 2022/ KQZ gjobit 108 parti politike! PD e PS nga 60 mijë lekë gjobë, ‘shpëton’ Partia e Lirisë
9 Prill, 17:02
-
20 mijë qytetarë nuk dalin dot nga banesa për të votuar, KQZ: Merrni masa ligjore, dërgoni kutitë e votimit në shtëpi
3 Prill, 13:29
-
Larg debatit për Himarën, Celibashi për Report Tv: Për ne çështja mbaroi me shpalljen e rezultatit! Apel politikës: Jeni vonë për votën e diasporës
29 Mars, 15:39
-
Eduard Zaloshnja: Vetëm në 3.88% të qendrave të votimit s’funksionoi teknikisht identifikimi elektronik, por u krye ai fizik
14 Mars, 14:50
-
KQZ: Identifikimi elektronik dështoi në 12% të qendrave të votimit
13 Mars, 22:19
-
Shmanget përplasja me grupin e Rithemelimit, nesër mblidhet online Komisioni i Reformës Zgjedhore! Në seancë dëgjimore KQZ
26 Shkurt, 14:42
-
Rithemelimi pa lekë, partitë politike marrin 345 mln lekë nga buxheti i shtetit për vitin 2024! ‘Torta’ ndahet mes PS-së dhe PD-së
20 Shkurt, 12:11
-
Fondet vjetore, 345 mln lekë për partitë për vitin 2024! ‘Torta’ ndahet mes PS-së dhe PD-së, Rithemelimi mbetet pa financim
16 Shkurt, 15:08
-
Fondet e fushatës, KAS pranon pjesërisht kërkesën e 2 partive politike
12 Shkurt, 15:20
-
I dënuar me burg për trafik droge, KQZ i thotë 'JO' kandidaturës së këshilltarit të PDIU-së në Shijak
2 Shkurt, 13:24
-
Reforma Zgjedhore, Celibashi thirrje partive: Realizoni ndryshimet sa më shpejt! S’ka votim elektronik në 5 qarqe nëse s'keni konsensus deri në fund të shkurtit
31 Janar, 11:23
-
'Berisha nuk ekziston', Celibashi letër partive për reformën zgjedhore: Adresoni ‘herësin’ e votën e emigrantëve! Përgjigje brenda shkurtit nëse zgjerohet votimi elektronik
15 Janar, 13:42