POP 5

Lajmet më të lexuara të 5 minutave të fundit

Arkiva

PS: ODIHR konfirmon, KQZ në
shkelje flagrante të ligjit

Partia Socialiste ka vlerësuar sot, raportin paraprak të OSBE-ODIHR-it për pasqyrimin me vërtetësi të problemeve serioze dhe shkeljeve të ligjit në fushatën e 23 qershorit.
Rama në Vlorë: Vota për Malajn shkon për Saliun
"Janë bërë krime me kalimin e pronës, s'do tolerohen"
PS: ODIHR konfirmon, KQZ në<br />shkelje flagrante të ligjit
TIRANË –  Partia Socialiste ka vlerësuar sot, raportin paraprak të OSBE-ODIHR-it për pasqyrimin me vërtetësi të problemeve serioze dhe shkeljeve të ligjit në fushatën e 23 qershorit. PS-ka e ka veçuar këtë raport dukshëm nga raportet e zgjedhjeve të mëparshme, si të qartë dhe pa ekuivoke, që i dokumenton qartë shkeljet flagrante të ligjit dhe cenimin e standarteve zgjedhore.

Nënkryetari i Çështjeve Zgjedhore në PS, Koli Bele, ka deklaruar sot nga selia e PS-së se në raport thuhet shprehimisht se “KQZ-ja funksionon vetëm me katër anëtarë, gjë e cila pengon aftësinë e saj në administrimin e zgjedhjeve në përputhje me ligjin; KQZ-ja ka miratuar me shumicë të thjeshtë prej katër votash, akte normative të cilat kërkojne pesë vota si dhe ka shmangur miratimin e vendimeve të nevojshme, ashtu siç e kërkon ligji;  Kolegji Zgjedhor mori përsipër përgjegjësinë e KQZ-së duke caktuar numrin e Zonave të Administrimit Zgjedhor, në kundërshtim më ligjin”.

Gjithashtu, në raport thuhet se “në 7 mars, Gjykata Kushtetuese vendosi të refuzojë juridiksionin në lidhje me ankimin e PS-së ndaj vendimit të të parlamentit në lidhje me shpërndarjen e mandateve, megjithëse vendimet e parlamentit nuk mund të rishikohen nga Kolegji Zgjedhor ose nga ndonjë gjykatë tjetër; Parlamenti liroi nga detyra anëtarin e KQZ-së të propozuar nga LSI-ja, në një kohe qe neni 18 i Kodit Zgjedhor, nuk e lejon këtë rikompozim nga parlamentit.”

BELE: RAPORTI POHON PËRURIMIN E PROJEKTEVE TË REJA PËR FUSHATE

Bele përmendi pikat e raportit ku thuhet se “aktivitete zyrtare qeveritare  janë përdorur për qëllime fushate. Përurimi i rrugëve të reja dhe prezantimi i projekteve në lidhje me infrastrukturën, janë shoqëruar me slogane dhe flamuj të fushatës së PD-së. Faqja zyrtare e Kryeministrit mbulon aktivitetet e fushatës, që ai ndjek; gjithashtu, Misioni i OSBE/ODIHR-it ka takuar disa ish-punonjës të administratës, të cilët janë pushuar nga puna pasi nuk kanë pranuar të marrin pjese në tubime elektorale ose të sigurojnë mbështetje për partinë në pushtet. Sa më sipër por edhe të tjera, janë konstatimet e misionit të vëzhguesve të ODIHR, të cilat përveçse vërtetojnë denoncimet publike që PS ka bërë gjatë muajve të fundit, janë një këmbanë alarmi për cënimin e standarteve zgjedhore, kusht i panegociushëm për proceset integruese të vendit”.

Bele e përfundoi deklaratën e tij duke garantuar se “PS do vazhdojë të informoje partnerët dhe misionet ndërkombëtare  si dhe të denoncojë publikisht e dokumentojë cdo shkelje të ligjit gjatë fushatës zgjedhore.”

Redaksia online
(ar.sh/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57