PS rritet me 8% në 4 javë fushatë për këshillin në Shkodër, por shumicë mbetet ‘Bashkë Fitojmë’! Rritet edhe PSD e Doshit

Shkodra është e vetmja nga bashkitë e mëdha ku koalicioni i Berishës dhe Metës pritet të marrë më shumë vende në Këshillat Bashkiakë. Të pyetur nga Instituti “Piepoli”48-52% e qytetarëve në këtë bashki thonë se do të votojnë koalicionin “Bashkë Fitojmë” që në fletën e votimit do të përfaqësohet me emrin e Ilir Metës, ndërsa PS merr 36-40% të votave duke u rritur ndjeshëm nga matjet e fundit me rreth 8% të votave (sondazhi  i datës 12 prill nxirrte PS 28-32%). Mbështetja për logon zyrtare të PD tkurret në 3-7% nga 6-10% që ishte 4 javë më parë.  Në Shkodër, PSD e Tom Doshit ka një rritje të ndjeshme krahasuar me matjet e rreth një muaji më parë, duke arritur 3-5% të votave sipas sondazhit të Piepoli. Partitë e tjera si PDIU në këtë bashki nuk I kalojnë 2%.

Lajmi kryesor:

Sondazhi Piepoli/ PS fiton 5 nga 6 bashki të mëdha, rikonfirmohen kryebashkiakët në Tiranë, Durrës, Elbasan, Lezhë e Korçë! Në Shkodër Beci rikuperon 8%, tani 'beteja' e fortë

K.T./Shqiptarja.com

TAG:
• Shkoder