Në Konventën që Monika Kryemadhi thirri që javën e shkuar, pa lënë i shoqi presidencën, por që u mblodh në vetëm një seancë të shpejtë, kishte shumë pak LSI.
Kjo qoftë nga njerëzit, ku mungonin emra dhe personazhe politikë të njohur të strukturave të partisë së tretë në vend, duke përfshirë deputetë e ish-deputetë, kishte shumë pak LSI në simbole e parulla, e natyrisht kishte shumë pak LSI në frymë.
Partia që krijoi Ilir Meta në vitin 2004-n si një forcë politike e së majtës me koncept të fortë “socialist” realisht ishte perënduar me kohë, ndoshta që në vitin 2009, kur bëri aleancë me Sali Berishën.
Megjithatë, ajo çka ndodhi në konventë, ishte një nga zhvillimet më të çuditshme dhe të pandodhura sin ë realitetet e partive politike shqiptare këto 30 vjet, por që nuk duhet të ketë as precedent në asnjë vend të botës.
Një sallë e mbushur, e quajtur Konventë, pas një prezantimi nga zëdhënësi i Ilir Metës, e më pas fjalimi i protagonistit, fshin të gjithë historinë politike dhe ndryshon logo, simbol e emër. Pa një program, ide, sqarim, apo prezantim të ekipit drejtues të forcës së re politike.
Si formë, ajo që ndodhi dje ishte një poshtërim i të gjithë atyre që kanë besuar apo janë angazhuar në Lëvizjen Socialiste për Integrim, e si përmbajtje, kishte shumë pak të tillë, përveç retorikës tashmë të njohur të Ilir Metës që nga Presidenca. Ku përmenden shpesh fjalët “vdekje”, “liri”, që më shumë duken si fraza frojdjane që dalin nga subkoshienca, ku mjaft shohin ankthin e mungesës së lirisë, e natyrisht pasigurinë e jetës. Këtë atmosferë frojdjane e shikon qartësisht edhe në simbolin e partisë së re; “Partisë së Lirisë”, ku një formë e patrajtësuar mirë me ngjyrën e zezë në rrethin e kuq i ngjan edhe një lakuriqi nate, edhe një boomerang austrialian, apo mund të merret edhe si një bombardues strategjik B52 që hedh bomba mbi Malin me Gropa.
Ajo formë e zezë, i ngjan figurave që psikologu ja jep pacientëve të tij për të dhënë një kuptim të saj, e ku asnjëri nuk ka të njëjtin mendim, po secili shikon diçka të ndryshme.
Atmosferë frojdiane ka shumë në morinë e gjesteve dhe frazave që dalin nga goja e Ilir Metës, por politikë natyrisht ka pak. Ajo që është e rëndësishme dhe që përbën ngjarje politike në këtë rast është zhdukja e dhunshme e LSI-së, krijesës së tij politike që e bëri që të jetë ose kingmaker, ose aktori i tretë në lojë, që në shumicën e rasteve ka pasur një rol shumë të rëndësishëm politik.
Por ajo LSI që ka krijuar Ilir Meta nuk ekziston më, edhe nuk mund të ngrihet, ajo trupë 100 mijë votuesish e 25 prillit 2021, ka shumë gjasa që të mos bashkohet e harmonizohet sërish për Ilir Metën. E kjo është parë si nga sondazhet publike që janë botuar në media, por më shumë edhe në ato jo publike që i kanë dhe i bëjnë aktorët e rëndësishëm politik në vend. Natyrisht edhe Ilir Meta.
Ndaj po krijon një parti ku të mbledhë elementë të orbitës së Partisë Demokratike, që kanë origjinë fluide;prej partive të vogla nacionaliste, e deri tek element të tjerë konspiracionistë, që në diskurs ushqejnë urrejtje e mllef ndaj Edi Ramës dhe mazhorancës socialiste.
Natyrisht në vota, këto grupime fluide dhe pa një bazë politike nuk do të kenë aspak efekt, por Ilir Metës duket se nuk i duhen vota, por njerëz dhe turma dhe grupime sa më radikale dhe të vendosura. Ndaj dhe përdor shpesh fjalën “liri” dhe “vdekje”, e natyrisht ndaj dhe i dha fundin LSI-së brenda 24 orësh!
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
Privatizuan 13 mijë metra katrorë tokë shtet tek Gjiri i Lalzit, me letra false, arrestohet ish-kreu i Kadastrës së Durrësit! Ardian Kona, i afërm i Kryemadhit! U zbulua nga përgjimet (EMRAT)
20 Nëntor, 16:38 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10
Per ta rivirgjeruar pasi e shkerdheu se bashku me Ramen qe e beri momstren qe kemi sot.
Përgjigju