SHBA bazë ushtarake në Shqipëri? Xhaçka në 'Repolitix': Nuk ka asnjë plan të afërt

“Erion Veliaj ka të gjitha meritat për të qenë kandidati i ardhshëm i Tiranës”. Kështu u shpreh ministrja e Mbrojtjes, Olta Xhaçka në emisionin “Repolitix” në Report Tv. 

E pyetur nëse Veliaj ka suportin e strukturave të PS për të qenë sërish në garë për mandatin e dytë në krye të Bashkisë së Tiranës, Xhaçka tha se ai ka mbështetjen e qytetarëve për punën e palodhur gjatë këtyre 4-viteve. 

Z.Veliaj, sipas të gjitha sondazheve, sipas mbështetjes që ka nga qytetarët, punën e vet të palodhur, i ka të gjitha arsyet dhe meritat për të qenë kandidati i ardhshëm i Tiranës. 

Olta Xhaçka, ministre e Mbrojtjes

Ndërsa e pyetur për zërat e mediave pranë opozitës që flasin për një krisje të marrëdhënieve mes Veliajt dhe Ramës, Xhaçka tha se “gjithçka është thashethemnajë mediatike”. 

Kryeministri Edi Rama paralajmëroi nga Asambleja e Partisë Socialiste javën e kaluar se në shtator do ketë ndryshime në qeveri dhe gjatë kësaj periudhe anëtarët e kabinetit janë në provë. 

Ministrja e Mbrojtjes, Olta Xhaçka tha në “Repolitix” se çdo ministër ka një kontratë me kryeministrin me objektiva për t’u arritur. Nëse kjo kontratë me pritshmëri nuk përmbushet, tha Xhaçka,  atëherë asnjë ministër nuk ka e të sigurt vendin në kabinet. 

Kryeministri s’di të ma ketë bërë ndonjëherë këtë detyrë fushë me lule. Nuk është e lehtë oler një vend që ka shumë pamundësi, për një buxhet që është shumë më pak sesa do donim të ishte për ato sfida emergjente për shoqërinë tonë. Duhet të bëjmë maksimumin si të besuar në këto detyra për të përmbushur pritshmëritë që kanë votuesit. Mua nuk më bën habi kjo retorikë e kryeministrit, sa herë e dëgjojmë na duket sikur dëgjojmë një gjë të re. 

Kemi kaluar disa fushata llogaridhënie në zgjedhje dhe deri te kabineti. Kemi një kontratë, gjithsecili prej nesh para kryeministrit me objektiva ambicioze për të arritur, e kemi marrë atë kontratë, për të shpërblyer besimin e madh dhe për të bërë atë punë që shqiptarët presin. 

Olta Xhaçka, ministre e Mbrojtjes

A ndjeheni në presion nga këto fjalë të kryeministrit? 
Ai ka përgjegjësinë, ka lidhur një kontratë me kabinetin e vet, ne jemi të përzgjedhurit e tij. Nëse jemi të paaftë për të çuar përpara vizionin e tij, dikush tjetër duhet ta bëjë. Ndjehem në presion çdo ditë, si të gjithë kolegët e mi, por jo kundrejt kryeministrit, por përgjegjësia që për të çuar përpara Shqipërinë. Ky është presioni.  

Po punën e kryeministrit kush e gjykon?
Punë n e tij e gjykojnë votuesit, për objektivat programorë, ku do ta çojë vendin, aspiratat e integrimit, si do ta zhvillojmë këtë vend më shumë, si do rrisim ekonominë më shpejt, si do rrisim vendet e punës. Kryeministri është personi nën lupën e të gjithëve. Nëse fati jonë si ministër apo si deputetë është nonkosenguencë përpara aspiratave të shqiptarëve. 

S’jeni e shqetësuar se kryeministri mund t’iu shkarkojë në shtator?
Unë mbështes këtë kryeministër për arsyet e duhura. Dhe arsyet e duhura nuk janë ambicie e imja personale, por për të bërë më të mirën për Shqipërinë dhe shqiptarët. 

Ministrja e Mbrojtjes, Olta Xhaçka, ka folur për rikthimin e kolonel Dritan Demiraj në Forcat e Armatosura. Në emisionin ‘Repolitix’, në Report Tv, Xhaçka tha se në FA ka një rregull të fortë, që është zbatimi i ligjit, ndja dhe për Demirajn ka një vendim gjykate.

Sipas saj, në momentin e rikthimin në FA Demiraj ka bërë betimin, duke u zhveshur nga ngjyrat politike, ndërsa sa i takon pozicionit që ai do të marrë në FA, ministrja deklaroi se kjo do të jetë e përshtatshme për gradën e tij.

Kolonel Dritan Demiraj, ai është rikthyer në FA, cfarë ka ndodhur, reflektuat vendimin e gjykatës apo i hapët dyert?
Ka një rregull të fortë në FA, që është zbatimi i ligjit. Ka një vendim gjykate, në FA është e detyruar të mos i zbatosh. Nuk ekziston konflikti politik në FA. Kolonel Demiraj duhet të kthehet në FA, kur ka një vendim të prerë gjykate. Kur ai bën betimin për t’i shërbyer atdheut është zhveshur nga ngjyrat politike. Jemi aty për një mision shumë më të lartë.

Ka qenë përfaqësues i një partie politike, s’ka problem?
Nuk përbën asnjë problem, përderisa nuk ka qenë efektiv i FA. Ushtarakët tanë janë të zhveshur nga ngjyrat politike.

Keni komunikuar me të?
Jo, nuk kam komunikuar.

Pozicioni i tij në ushtri?
Kjo është pjesë e Shtabit të Përgjithshëm, ai do të bëjë një detyrë që është e përshtatshme për gradën e tij.