POP 5

Lajmet më të lexuara të 5 minutave të fundit

Psikologët 'fiktivë' në shkolla/ Majlinda Keta: Duhet riparë procesi i përzgjedhjes, roli i tyre nuk shihet si prioritet

Roli i psikologut të shkollave 9-vjeçare dhe gjimnazeve ka një rëndësi të veçantë, por në vendin tonë nuk shikohet me prioritet. Në shumë shkolla të vendit në pozicionin e psikologut janë të punësuar njerëz jashtë profilit,e për pasojë ata çedojnë në punën e tyre.

Duke marrë shkas edhe nga ngjarja e abuzimit me adoleshente në Kavajë për këtë temë ka folur për Report TV pedagogia Majlinda Keta, e cila shprehet se ka shumë probleme në mënyrën e përzgjedhjes  së psikologëve në shkolla dhe punës që ata bëjnë nëpër këto institucione.

A vallë vijon ky standard i rekruatimit më të mirë të mundshëm të një psikologu shkollor. Druaj se humbja e marrëdhënieve të konfidencës në këtë rast dhe në shumë ngjarje brenda shkollave nuk na sjell llojin e njeriut që e ka pasion  këtë lloj pune.

Majlinda Keta, pedagoge në FSHS-së

Një tjetër problematikë në të cilën është ndalur Keta, është edhe kurikula në fakultetin e shkencave sociale në degën e psikologjisë.

Ajo shprehet se është e nevojshme një rishikim i literaturës në këtë degë , në mënyrë që vetë psikologët të jenë më të qartë për detyrat e tyre.

Në ka një pikë delikate, duhet  të jetë konsiderimi  i prodhimit të këtyre psikologëve të tillë shkollor që duhet të jetë reflektimi i dytë pas kësaj ngjarje. Fakultetet që prodhojnë psikologun shkollor, duhet të rishohin  kurrikulat se si mund të vijnë instrumentë e edukimit të konfiencës  për elementë të tillë sidomos për të mos shkuar në ngjarje të tilla traumatike.

Majlinda Keta, pedagoge në FSHS-së

Mosha delikate e nxënësve që studiojnë nëpër gjimnaze dhe 9-vjeçare, kërkon që roli i psikologut të trajtohet me seriozitetin e duhur. Problematikat që kanë këto grupmosha kanë nevojë të trajtohen nga profesionistë, pasi rolin e psikologut nuk mund ta bëjë dot askush që nuk e ka formimin e duhur.

Shqiptarja.com dhe Report TV mbi ngjarjen e Kavajës, nisim të zbatojmë heshtjen e shtypit, një praktikë qytetarie, e cila aplikohet çdo herë që e drejta e mbrojtjes së viktimave e tejkalon detyrimin për të informuar.

b.xh.
Komento