Publikohet audio e re e Prigozhin për Wagner: Shumë fitore së shpejti, faleminderit djema

Yevgeny Prigozhin premtoi fitore të reja në front në të ardhmen e afërt për Grupin Wagner në mesazhin e parë audio të lëshuar pas një jave, ndërsa vendndodhja e tij ende nuk dihet.

Kjo është ajo që dëgjohet në një audio të postuar në kanalin Grey Zone , pranë Wagner. Zëri që flet duket se është i Prigozhinit.

Audioja, që zgjati rreth dyzet sekonda, u transmetua nga Gray Zone, por jo nga kanalet e tjera që zakonisht përdoren për të transmetuar mesazhet e Prigozhin, veçanërisht nga ai që konsiderohet zyrtar, Press-Sluzhba Prigozhina, që i përkiste kompanisë së tij.

"Sot thekson në mesazh autori që prezantohet pikërisht si kreu i Wagner ne kemi nevojë për mbështetjen tuaj më shumë se kurrë. Faleminderit për këtë. Dua që të kuptoni se Marshi ynë për Drejtësi kishte për qëllim luftimin e tradhtarëve dhe mobilizimin e shoqërisë sonë. Dhe mendoj se kemi arritur shumë nga kjo. Në të ardhmen e afërt jam i sigurt se do të shihni fitoret tona të radhës në front. Faleminderit djema!"

 

Lajmi kryesor:

Lufta/ Publikohet audio e re që i atribuohet Prigozhin: së shpejti edhe më shumë fitore! Medvedev: Apokalipsi bërthamor është i mundshëm

M.T/Shqiptarja.com

TAG:
• lufta ne ukraine