Pufka brumi të kripura me salmon të tymosur nga zonja Albana

Pufka brumi ​të kripura me salmon të tymosur

Përbërësit:

  • 150 gr salmon të tymosur
  • 250 gr krem djathi ose rikota
  • 100 gr gjalpë
  • 4 vezë
  • 1 lugë bishta qepësh të grira
  • 1 lugë majdanoz të grirë
  • 200 gr miell
  • Ujë
  • Kripë

Përgatitja:

Në një tigan hedhim gjalpin, ujin dhe pak kripë, e largojmë tiganin nga zjarri sapo uji të fillojë të vlojë dhe shtojmë miellin duke e përzier që të mos krijohen kokrriza. Pasi masa ka marrë trajtën e një brumi e vendosim përsëri tiganin në zjarr dhe e përziejmë masën me lugë druri derisa të bëhet e fortë dhe të shkëputet nga anët e tiganit. E largojmë tiganin nga zjarri dhe e lëmë të pushojë për rreth 10 minuta dhe më pas shtojmë vezët një nga një.

Brumin e përgatitur e vendosim në një qeskë dhe formojmë pufka të vogla të cilat i vendosim në një tavë ku kemi shtruar letër pjekje, e kemi lyer me pak gjalpë dhe spërkatur me miell. E vendosim tavën të piqet në furrë të parangrohur në temperaturën 180°C për rreth 20-25 minuta.

Nxjerrim nga furra pufkat dhe i lemë të ftohen, ndërkohë përgatisim mbushjen e salmonit. Punojmë kremin e djathit me majdanozin dhe bishtat e qepëve të grira imët, salmonin e presim në kubikë dhe mbushim pufkat e kremit duke bërë një vrimë në sipërfaqe me një lugë të vogël.

 

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/ Karrige e grushte kokës, sulm brutal ndaj reperit të njohur shqiptar në Greqi

VIDEO/ Karrige e grushte kokës, sulm brutal ndaj reperit të njohur shqiptar në Greqi