Receta

Pulë e mbushur me gështenja nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 11 Nëntor 2022, 10:41 | Përditesimi: 11 Nëntor 2022, 10:42

Pulë e mbushur me gështenja

Përbërësit:

1 pulë
1 kg patate
200 gr mish i grirë
80 gr pançetë
40 gr stika pishe
100 gr gështenja
1 vezë
1 fetë bukë
Gjalpë, vaj ulliri
Kripë, piper

Përgatitja:

LEXO EDHE:
Pulë me oriz në furrë nga zonja Albana

Fillimisht vendosim gështenjat të ziejnë për pak minuta, më pas i qërojmë. Ndërkohë kaurdisim në një tigan mishin e grirë së bashku me pançetën dhe stikat e pishës. E vendosim mishin e grirë, pançetën, stikat e pishës në një tas. Shtojmë gështenjat, një fetë buke të njomur në ujë ose qumësht, vezën, kripën, piperin. E trazojmë mirë masën dhe mbushim pulën, të cilën e vendosim në një tavë ku kemi shtruar një letër kuzhine. Presim patatet në kubikë, i marinojmë më vaj ulliri, kripë, piper dhe i vendosim në tavë. Sipër pulës vendosim copëza gjalpi, e vendosim tavën në furrë të parangrohur fillimisht në temperaturën 180 gradë Celsius për 30 minuta. Herë pas here e spërkasim pulën me gjalpë, më pas rrisim nxehtësinë e furrës në 220 gradë dhe e lëmë pulën të piqet dhe për 20-25 minuta të tjera.