Receta

Pulë me çervish nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 20 Tetor 2022, 11:08 | Përditesimi: 20 Tetor 2022, 11:09

Pulë me çervish
Përbërësit:

1 pulë
100 gr gjalpë
4 lgj miell
2 thelpinj hudhër
1 lgj uthull
Kripë, piper, majdanoz

Përgatitja:
Ndajmë fillimisht pulën në racione dhe e vendosim të ziejë në ujë të ftohtë me pak kripë dhe erëza sipas dëshirës. Pasi mishi ka zjerë e largojmë nga tenxherja dhe kullojmë lëngun. I spërkasim racionet e mishit me pak miell dhe i vendosim të skuqen në një tigan me pak gjalpë. Largojmë mishin nga tigani dhe në po atë yndyrë kaurdisim miellin derisa të zverdhet, më pas e shuajmë me lëngun e pulës dhe e trazojmë që masa mos të kokrrizohet. Në fund shtojmë hudhrat e shtypura dhe pak uthull. E vendosim gatimin në një tavë së bashku me racionet e pulës dhe e lemë në furrë sa të marrë një faqe. Në fund bëjmë një spërkatje me majdanoz të grirë.