POP 5

Lajmet më të lexuara të 5 minutave të fundit

Kronikë

Pullazi: Florenc Hoxha
më kërcënoi me jetë

Pre e dhunës së ushtruar dje nga bashkiakët kundrejt komunitetit rom, ka qenë edhe Florian Pullazi, këshilltar socialist në këshillin bashkiak.
Pre e dhunës së ushtruar dje nga bashkiakët kundrejt komunitetit rom, ka qenë edhe Florian Pullazi, këshilltar socialist në këshillin bashkiak. Në një intervistë të dhënë për "A1Report" ai ka deklaruar se kreu i bashkiakes e ka kërcënuar me jetë, ndaj i ka bërë apel Lulzim Bashës që ta shkarkojë nga detyra. Më poshtë po sjellim një pjesë të intervistës.

Ka pasur dhunë fizike, sepse për dhunë psikologjike dhe verbale na thanë, por nuk kemi pamje filmike?
Unë vetë personalisht isha pjesë e asaj dhune që u bë direkt nga vetë Florenc Hoxha, drejtori i policisë bashkiake, gjë që më bëri të jem këtu sot. Unë jam kërcënuar më jetë nga Florenc Hoxha.

Po pika të tjera grumbullimi janë sulmuar? Do të sulmohen?
Besoj dhe jam i bindur se ky sulm ishte për t'i treguar pikave të tjera që të heshtin. Unë këtu doja të denoncoja një fakt. Nuk arrij ta konceptoj dot situatën që është krijuar, kur sot zoti Florenc Hoxha, së bashku me shoferin e tij, më gjurmojnë nga mbrapa. Ndalova makinën dhe në moment irritimi e sipër, më tha tekstualisht: Do të fus plumbin ballit. Ndërkohë që unë isha duke fotografuar për të marrë disa fakte. Kjo mua më duket absurde dhe nuk kërkoj shpjegime nga Florenc Hoxha, por nga Lulzim Basha.

Je i trembur nga ky kërcënim?
Nuk jam i trembur, por është një situatë që nuk më pëlqen aspak. Qytetari i Tiranës, këshilltari bashkiak të kërcënohet më jetë në 2012, është jo normale.

A e faktoni dot këtë që thoni?
Fatkeqësisht isha i vetëm në makinë. Dhe për këtë arsye nuk do ta denoncoj në prokurori. Unë vetëm Z.Basha do t'i kërkoj takim dhe vetëm ai do të marrë vendimin nëse ky dhe inspektori i zonës do të shkarkohen ose jo.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëveshja Hamas-Izrael, ekip i përbashkët Katar-Egjiptin-SHBA për monitorimin e armëpushimit

Marrëveshja Hamas-Izrael, ekip i përbashkët Katar-Egjiptin-SHBA për monitorimin e armëpushimit

15 Janar, 20:46