POP 5

Lajmet më të lexuara të 5 minutave të fundit

Sociale

3 vite punë e detyruar për mjekët e rinj, debate në komisione! Opozita për tarifën e studimit: Mashtruat, 3-fish më të larta! PS: Kushtetuesja s’e rrëzoi ligjin, kërkoi rregullime

Me debate të ashpra është zhvilluar këtë të hënë diskutimi i ligjit në Komisionin e Edukimit për punësimin me detyrim të mjekëve të rinj, të sapo diplomuar, i rrëzuar pjesërisht nga Gjykata Kushtetuese.  Deputetët opozitarë kërkuan llogari për mospraninë e ministreve, ndërsa zv. ministra e Arsimit sqaroi se drafti i ri plotëson vetëm kërkesa e Kushtetueses

Diskutimet për ligjin e ri për studentët e mjekësisë janë rikthyer këtë të hënë në komisionin e ligjeve dhe atë të edukimi. Në komisionin përgjegjës të Edukimet debatet, herë pas herë edhe me akuza, u përqendruan më së shumti te mënyra se si u përcaktua kostoja vjetore e studimet për studentët.  

‘Deputetët janë mashtruar me shifrat që vunë në dispozicion. Kostoja që sollët ju në relacion ishte 3 fish më të lartë, si i mashtruat ju deputetët, dhe a ishte kjo një truk për të thënë që situate është e rëndë se ne paguajm shumë tek këto. Janë rreth 7 milion lekë, ndërsa 2 milion e 400 mijë lekë në 2024, ndërsa në relacionin tuaj është shumë e lartë, ose lapsus ose për të mashtruar deputetët e kuvendin.’- tha Zhupa.

‘Kostot janë të përllogaritura nga fakulteti.’- u shpreh Erzen Tola, sekretar i Përgjithshëm në MAS.

‘Keni afat deri ditën e nesërme të sillni koston që ju ka vënë UMT në dispozicion, nuk mund te mashtroni.’- tha Zhupa deputete e PD.

‘Nuk është normale të kërkoni një shkresë që nuk është në rendin e ditës.’- u shpreh Kushi deputete e PS.

Për Ministrinë e Arsimit, përmbysja e 2 porosive të Gjykatës Kushtetuese, që lidhen me uljen e viteve të punës së detyruar për studentët e mjekësisë por edhe garantimi i punësimit, e shtojnë edhe më shumë karakterin incentivues të ligjit.

‘Ajo çfarë ne shikojmë në këto propozime të ardhura që janë edhe në ligjin 60/2023, por edhe në ndryshimet që po bëhen brenda 3 muajve nga diplomimi u sigurohet punë, në të kundërt marrin pagesë sa 80% të pagës së një mjeku të familjes, pra këto janë masa incentivuese.’- tha Kapaj, zëvendës ministre Arsimi.

Zv. Ministria Kapaj komentoi edhe propozimin e e studentëve që Mjekësia të bëhet degë prioritare.

‘Duhet të plotësohen një sërë kriteresh që të shpallen degë prioritare. Në Fakultetin e Mjekësisë nuk kemi të bëjmë me rënie të kërkesë nga studentët për të studiuar mjekësi.’- u shpreh Kapaj.

Ashtu si te Edukimi edhe në komisionin e Ligjeve deputetët opozitarë kërkuan praninë e ministreve përgjegjëse për të raportuar ligjin, ndërsa pas debateve diskutimi u shtu për të martën.

Diskutimet në Kuvend rinisën 8 muaj pasi Gjykata Kushtetuese shfuqizoi pjesërisht ligjin për studentët e mjekësisë. Argumenti i Kushtetueses se afati 5 vjetor është jo-proporcional, ka bërë që qeveria të propozojë që ky afat të ulet në 3 vite për ata që fillojnë rishtas, për studentët e vitit të dytë e deri në atë të katërt në 2 vite dhe për studentët e vitit të pestë e të gjashtë në vetëm një 1.

Kliko këtu per të parë dokumentin e plotë

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu