Punësimi i personave me aftësi ndryshe, një sfidë ende në embrion për Shqipërinë

Shoqëria shqiptare nuk është ende e hapur dhe e sensibilizuar për punësimin e personave me aftësi ndryshe. Ndërsa në vendet më të qytetëruara sheh të rinj apo të rritur të shërbejnë apo të punojnë në ndërmarrje shumëkombëshe, në Shqipëri një fenomen i tillë është akoma në embrion. Ambasada Amerikane me aktivitetet e saj përpiqet të hapë rrugën dhe mendjet për të ndihmuar dhe punësuar të rinj apo persona me aftësi të ndryshme.

A e dini se tetori është Muaji i Ndërgjegjësimit për Punësimin e Personave me Aftësi Ndryshe? thuhet në një komunikim të ambasadës SHBA në Tiranë. Për të sjellë në vëmendje rëndësinë e gjithë përfshirjes, Java e Filmit Amerikan u hap me shfaqjen e “Sëim Team”, një dokumentar i vlerësuar me çmime i cili tregon për krijimin e një ekipi noti, të përbërë nga adoleshentë të ndryshëm të spektrit të autizmit. Ndërsa ekipi konkuron për kampionatet shtetërore dhe kombëtare të Lojërave Olimpike Speciale, "Sëim Team" thekson kërkesën e vazhdueshme për përfshirje dhe pavarësi. Regjisorja e filmit Lara Stolman, një shkrimtare, producente dhe regjisore amerikane e vlerësuar me çmime, dhe Roland Hysi Drejtori Kombëtar i Special Olympics Albania, mbajtën një diskutim të hapur me shikuesit pas shfaqjes së filmit. Mësoni më shumë mbi Muajin e Ndërgjegjësimit për Punësimin e Personave me Aftësi Ndryshe dhe temën e këtij viti "Talenti i Duhur, Tani." 

a.m./Shqiptarja.com
Komento