Punime në autostradën Tiranë-Durrës për 25 ditë, ARRSH zbulon si do të devijohet trafiku: Do të punohet me njërën korsi, tjetra do të jetë e lirë

 Punime në autostradën Tiranë-Durrës për 25 ditë, ARRSH zbulon si do të devijohet trafiku: Do të punohet me njërën korsi, tjetra do të jetë e lirë

Autostrada Tiranë-Durrës

Duke nisur nga dita e nesërme, do të ketë punime në të dyja senset e lëvizjes të aksit rrugor Tiranë-Durrës për 25 ditë me radhë. ARRSH njofton se si do të devijohet trafiku.

Nga orët e para të mëngjesit të sotëm, procesi i punës do të nisë nga Ura e Dajlanit në drejtim të Tiranës (deri në mbikalimin e Kasharit). Në mënyrë që të menaxhohet trafiku, është vendosur që punimet të bëhen çdo 500 metra.  Kështu do të bëhet e mundur që njëra korsi lëvizjeje të jetë e lirë ndërsa tjetra të jetë përkosësisht e bllokuar në gjatësinë 500 metra.

Sapo të përfundojë puna në këtë gjatësi, bllokimi do të spostohet në 500m të tjerë për vijimin e punës. Kështu do të veprohet për 25 ditë me radhë.

"Në kuadër të zbatimit të kontratës së mirëmbajtjes, nesër, më datë 19 tetor 2022 në orët e para të mëngjesit do të fillojë rehabilitimi i shtresave asfaltike të aksit rrugor Tiranë–Durrës, proces pune që sipas grafikut të hartuar do të zgjasë 25 ditë për të dyja senset e lëvizjes.

Procesi i punës do të fillojë nga Ura e Dajlanit në drejtim të Tiranës (deri në mbikalimin e Kasharit). Do të punohet me njërën korsi, përkohësisht të bllokuar, për një gjatësi prej 500m, sipas skemave të miratuara të menaxhimit të trafikut në bashkëpunim me Policinë Rrugore.

Njëra korsi lëvizjeje do të jetë e lirë për drejtuesit e mjeteve dhe tjetra do të jetë përkohësisht e bllokuar në një gjatësi prej 500m. Me përfundimin e punës në këtë gjatësi, bllokimi do të spostohet në 500m të tjerë për vijimin e punës.

Me qëllim shmangien e aksidenteve, udhëzojmë drejtuesit e mjeteve, të zbatojnë sinjalistikën rrugore të vendosur në objekt. Kërkojmë mirëkuptimin e përdoruesve të rrugës dhe drejtuesve të mjeteve për këtë ndërhyrje që do të kryhet!" - njofton ARRSH.

Devijimi i trafikut në aksin Tiranë-Durrës, skema e publikuar nga ARRSH.

S.C/A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • hulusiu: 18/10/2022 18:16

    kjo rruge nuk ploteson kriteret per tu quajtur autostrade....nuk ka hyrje -dalje te rregullta...hyhet direkt nga karburanti ne rruge...turp...se mos eshte vetem kjo rruge jashte standarteve...

    Përgjigju
  • Ylli: 18/10/2022 16:29

    Ne te dyja senset???Perdorimi i fjales senses ska kupton ne shqip.E di se Cfare do te thote,ne te dy drejtimet.Nuk kuptoje Pse i perdorin keto fjale qe nuk pershtaten ne shqip.

    Përgjigju
    • Alfons: 18/10/2022 19:22

      O gjuhetar (me noten 5) para se te kritikosh duhet ta dish dhe vete se si quhen ,,nuk quhet ne dy sense as dy drejtime , quhen dy kahet e levizjes .

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Xabi Alonso drejt rinovimit, Liverpool hedh sytë te trajneri portugez

Xabi Alonso drejt rinovimit, Liverpool hedh sytë te trajneri portugez