Kryeministri Edi Rama ka publikuar këtë të mërkurë disa foto nga punimet për ndërtimin e unazës në qytetin e Burrelit.

Kreu i qeverisë thekson se punimet janë drejt përfundimit teksa shton se kjo ndërhyrje do të lehtësojë lëvizjen për drejtuesit e automjeteve

“Drejt përfundimit punimet për ndërtimin e unazës në qytetin e Burrelit, ku po hidhen shtresat e fundit asfaltike, ndërsa kanë përfunduar të gjitha punimet për veprat e artit.

Kjo ndërhyrje do të mundësojë që i gjithë trafiku të kalojë në këtë segment, duke lehtësuar lëvizjen për drejtuesit e automjeteve”, shkroi Rama krah fotove të publikuara.