Ukraina ka hyrë sot në ditën e katërt të pushtimit rus, ndërsa kryeministri Edi Rama ka reaguar duke shpërndarë një thënie të Papa Françeskut.

"Luftërat janë përherë një çmenduri: në luftë humbet gjithçka, në paqe fitohet gjithçka", shkruan Rama në Facebook.

Në Ukrainë vijojnë luftimet intensive në Kiev e po ashtu edhe në disa qytete të tjera.  Forcat ukrainase vazhdojnë të zmbrapsin përpjekjet ruse për të marrë kontrollin e kryeqytetit, për të ndëshkuar Rusinë, BE, SHBA dhe aleatët e tyre do të ndërpresin një numër bankash ruse nga sistemi kryesor ndërkombëtar i pagesave, Swift. Ata gjithashtu do të ngrijnë asetet e bankës qendrore të Rusisë.