Ish-deputeti demokrat Genc Pollo komentoi sot pushtimin e Ukrainës nga Rusia duke u shprehur se Valdimir Putin po rikthen vlerat e shekullit të 19 në shekullin e 21. Pollo tha për ‘Kontrast’ në Report TV se nisur nga lufta e sapo nisur edhe Shqipëria ka nevojë të rishikojë disa qëndrime.
Ai shtoi se liderët e vendeve më të mëdha Perëndimore sot duhet të jenë më të qartë pas kësaj që po ndodh.
“E keqja është sistemi i vlerave të shekullit të 19 që Vladimir Putin i futi në shekullin 21 me dhunë dhe gjakderdhje. Sepse ne pamë mbledhjen e këshillit të tij të sigurisë ku i detyronte shefat e tij të sigurisë të pranonin këtë rrugë. Por për të parë të mirën e vogël tek e keqja e madhe, Evropa dhe Perëndimi nuk u zgjuan kur Rusia pushtoi province të Gjeorgjisë në 2008, apo aneksoi Krimenë në 2014. Shpresoj që sot të jenë të qartë vendimarrësit e shteteve më të fuqishme. Por edhe Shqipëria duhet të rishikojë disa gjëra. Nuk është ajo botë ku do donim të jetonim, por kemi një raport forcash” – tha Pollo.
Për ekspertin e ekonomisë, Adrian Civici, pasojat e luftës Rusi-Ukrainë do të reflektohen edhe në ekonominë e brishtë të Shqipërisë. Për ‘Kontrast’ në Report TV ai tha se pavarësisht garancisë që importuesit e miellit dhe grurit japin për tre muaj rezerva, rritja e çmimit është e pashmangshme.
Civici komentoi edhe kërkesën e Ukrainës që Rusisë t’i bllokohet sistemi SWIFT i bankave. Ai sqaroi se kjo masë drastike do ta paralizonte sistemin bankar të Rusisë, por nuk do të linte pa prekur edhe vetë ekonominë Evropiane.
“Parashikime të zymta në javët në vijim për disa lëndë të para që janë të nevojshme edhe në ekonominë tonë. Rusia është vendi i dytë eksportues i naftës në botë, apo i pari për grurin dhe disa produkte të tjera. Për aq kohë sa tregjet e këtyre ndikohen nga disa situate, direkt reflektohen edhe tek ne. Pavarësisht disa grancive nga importuesit e miellit dhe grurit që dhanë sot se kemi rezerva për 3 muaj, situate e përgjithshme do të jetë e komplikuar. Sepse përveç rritjeve të çmimeve, kjo situatë do të ndikojë edhe në marrëdhëniet tregtare mes vendeve.
Mund të frenohen edhe ato eksporte modeste që ne kemi. Gjithashtu nga ukraina vitet e fundit në Shqipëri vijnë rreth 50 mijë turistë në vit. Edhe ky kontrigjent që mund të mos vijë më do ta prekte sektorin e turizmit dhe ekonominë. Pesha dhe efektet e ekonomisë ruse do të bien edhe në vetë ekonominë europiane dhe do të reflektohen edhe tek ekonomia jonë e brishtë.
Sistemi SWIFT është sistemi që mundëson të gjitha transaksionet ndërkombëtare. Nëse një vend përjashtohet apo i mbyllet sistemi SWIFT, ai nuk ka mundësi të kryejë transaksione me vendet e tjera. Dhe një vend si Rusia që bën miliarda dollarë transaksione do të paralizonte sistemin bankar. Por nëse merret kjo masë do të ketë pasoja edhe për vetë Evropën, por nga ana tjetër për Rusinë do të ketë pasoja shumë të rënda” – tha Adrian Civici për “Kontrast” në Report TV.
Lajme të tjera
-
Meçollari: Rusia s’ka kapacitet të sulmojë, një vend të NATO-s, por nëse merr Ukrainë fiton avantazh
2 Prill, 19:28 -
Erdogan: Turqia, e gatshme të organizojë samitin për paqe mes Moskës dhe Kievit
8 Mars, 21:35 -
Raketa ruse mesazh për Mitsotakis? Publikohen detaje nga vizita e kryeministrit grek në Ukrainë
7 Mars, 15:26 -
Mundësia për të dërguar trupa ushtarake në Ukrainë, Macron-vendeve të NATO-s: Nuk është koha për t’u treguar frikacakë
5 Mars, 20:20 -
Zelensky javën e ardhshme në Tiranë, çelet ekspozita 'Ukraina, një krim lufte', Rama: Në samit liderët nga Evropa Juglindore
22 Shkurt, 19:56 -
Raporti britanik: Rusia po rindërton kapacitete për destabilizuar Evropën! Përmendet edhe Kosova
20 Shkurt, 16:32 -
Lufta në Ukrainë/ Kina: Ne nuk i shesim armë vdekjeprurëse Moskës! Media: Luftëtarët e parë amerikanë F-16 në Kiev në qershor
18 Shkurt, 08:42 -
Lorenc Vangjeli ironi me opozitën: Rama me viagrën e pushtetit në xhep, ata lexojnë në Wikipedia se çfarë është seksi
25 Janar, 18:57 -
Paralajmërimi i fortë i Joe Biden: Nëse ne nuk ndalojmë Rusinë, lufta zhvendoset në vendet e Ballkanit
21 Janar, 18:19 -
Deklaratat e Bashës, Bejko: '10 me yll', do kenë efekt edhe tek Rithemelimi! Vangjeli: Fjala e tij nuk ngjit, njësoj si macja me xhamin
11 Janar, 19:34 -
Shpërthimi i tregut të kriptomonedhave, çfarë po ndodh?
10 Janar, 11:36
-
Ish-presidenti Bamir Topi thirrje ndërkombëtarëve: Të bëjnë presion për reformën në politikë! Nuk pritet ndryshim i vullnetshëm nga mëkatarët
8 Janar, 19:55
