Putin paralajmëron kundërshtarët e Rusisë: Hiqni dorë nga sulmet, do t’u thyhen dhëmbët (VIDEO)

Në përgjigje të kërcënimeve të supozuara armiqtë e Rusisë,  presidenti rus paralajmëroi të enjten se ata që sulmojnë vendin e tij do “t’u hiqen dhëmbët” nga Moska.

Vladimir Putin po fliste në një takim qeveritar kur bëri komentin e fortë duke thënë se armiqtë e Rusisë po kërkonin të “kapnin krahët e saj” sa herë që kombi bëhej më i fortë.

" Gjithmonë ka ndodhur kështu. Sapo Rusia  forcohet ata gjejnë pretekste për të penguar zhvillimin e saj," tha Putin.

LEXO EDHE:
Gaza/ Hamas: Sinwar ka dalë nga tunelet dhe po viziton zonat e luftës! Izraeli falenderon Biden për ndihmën: Aleanca jonë është e hekurt

Ai nuk i përmendi me emra kundërshtarët e vendit, por theksojmë se kjo vjen në një kohë të marrëdhënieve tejet të tensionuara të Rusisë me Perëndimin.

Putini shtoi se “të gjithë duan të na kafshojnë diku ose të na kafshojnë diçka. Por, ata që do ta bëjnë atë, duhet ta dinë që ne do t’u heqim dhëmbët në mënyrë që ata të mos kenë mundësi të kafshojnë”.

“Ishte e qartë dhe çelësi i kësaj është zhvillimi i forcave tona të armatosura. Por unë do të doja të theksoja edhe një herë se ne nuk po shkojmë në rrugën e militarizimit të ekonomisë sonë”, u shpreh ai më tej.

Putin gjithashtu vuri në dukje se përpjekjet e huaja për të mbajtur Rusinë datojnë shekuj me radhë.

Muajt e fundit Rusia është përballur me akuza të shumta nga perëndimi fillimisht për shkak të burgosjes së liderit opozitar rus Alexei Navalny, mënyrën sesi u shtypën protestat pro tij dhe akuzat e SHBA për përfshirje në sulmet kibernetike e kanë tensionuar edhe më shumë situatën.

/r.k./Shqiptarja.com

TAG:
• SHBA
• Rusi
• Putin
• kërcënon