Presidenti rus Vladimir Putin siguroi një mandat tjetër në krye të Kremlinit, pasi fitoi zgjedhjet presidenciale me mbi 87% të votave. Pas fitores ai mbajti një fjalim ku përmendi edhe jë luftë të mundshme mes Rusisë dhe forcave të NATO-s. Për Putin një luftë e tillë është e mundshme dhe do të sillte pashmangshmërisht Luftën e Tretë Botërore.
‘Një konflikt me NATO-n do të na sillte më pranë një lufte botërore’, tha ai pas fitores.
‘Unë mendoj se nuk ka gjasa që dikush të jetë i interesuar për këtë’ shtoi Putin. ‘Kjo nuk është asgjë e mirë’, duke iu referuar fushës së betejës në Ukrainë ku dëgjohet edhe anglisht dhe frëngjisht. ‘Ata po vdesin atje në një numër të madh.’
Putin dha një koment edhe për vdekjen e Navalnyt, një muaj pasi ai ndërroi jetë në koloninë penale në Siberi.
‘Sa për çështjen e zotit Navalnyt, ai ndërroi jetë dhe kjo është diçka e trishtë. Por ka pasur edhe raste të tjera të njerëzve që vdesin në institucionet e dënimit’.
Putin mori urime për fitoren e mandatit të pestë në krye të Rusisë nga disa prej liderëve në botë. Lideri koreano—veriorë, Kim Jong-Un dërgoi urimet e tij Putinit.
Ndërkohë ka qenë dhe presidenti i Venezuelës, Nicolas Maduro që ka shprehur urimet e tij, duke nënvizuar se procesi zgjedhor në Rusi ishte patëmetë dhe pjesëmarrja ishte shembullore.
Nuk ka munguar as lidershipi i Kubës të dërgojë urime në drejtim të Putinit, duke theksuar se këto zgjedhje dëshmojnë njohjen që populli rusi i jep lidershipit të vet.
Nga ana tjetër, këto zgjedhje kanë pasur kritika të shumta në perëndim, duke shprehur indinjatë pasi Putin ishte i vetëm në garë, ndërsa sekretari britanik i mbrojtjes i quajti këto zgjedhje ‘të vjedhura’.
Mbrëmjen e 18 marsit, ndërtesa ku ndodhet selia e presidentit të entitetit të Republikës Sërpska në Bosnje e Hercegovinë u ndriçua me ngjyrat e flamurit rus.
Kjo u bë për “nder të fitores së Vladimir Putinit” në zgjedhjet presidenciale në Rusi dhe në shenjë të miqësisë mes Republikës Sërpska dhe Rusisë, tha presidenti i këtij entiteti, Millorad Dodik, përmes një postimi në X, që më herët njihej si Twitter.
Lideri pro-rus i serbëve në Bosnje e Hercegovinë, që është nën sanksione të Shteteve të Bashkuara dhe Britanisë për shkak të aktiviteteve të tij kundër Marrëveshjes së Paqes të Dejtonit, paraprakisht uroi Putinin për fitoren e tij.
Presidenti turk Rexhep Tajip Erdogan ka uruar presidentin rus Vladimir Putin për fitoren e tij në zgjedhje gjatë një telefonate të nisur nga Turqia, njoftoi shërbimi për shtyp i Kremlinit.
“Udhëheqësi turk e uroi ngrohtësisht Vladimir Putinin për fitoren e tij bindëse në zgjedhjet e Presidentit të Federatës Ruse dhe i uroi atij suksese të reja në shërbimin publik për të mirën e popullit rus”, thuhet në deklaratë.
"Të dy palët shprehën vendosmërinë e tyre për të vazhduar bashkëveprimin e ngushtë në interes të zhvillimit të marrëdhënieve të gjera ruso-turke. Ata diskutuan forcimin e stabilitetit dhe sigurisë ndërkombëtare, duke përfshirë çështjet rajonale të Detit të Zi."
Nga ana e tij, Putin ka uruar Erdoganin dhe të gjithë myslimanët turq për muajin e shenjtë të Ramazanit. Dy liderët ranë dakord për vazhdimin e dialogut në forma të ndryshme.
Edhe Kina, India dhe Irani kanë uruar Putin për rizgjedhjen e tij.
Presidenti rus, Vladimir Putin, fitoi mandatin e pestë në pushtet, në një proces zgjedhor tejet të kontrolluar.
Putin ka marrë 87.32% të votave ndërsa në zgjedhje sipas Kremlinit kanë marrë pjesë mbi 70% e popullsisë. Putin me këtë mandat do të arrijë Stalinin në pushtet në krye të Kremlinit.
Ky i fundit ishte në krye të Bashkimit Sovjetik për 31 vite, prej 1922-shit deri në momentin kur ndërroi jetë në vitin 1953. Ndërsa Putin u zgjodh fillimisht kryeministër në vitin 1999 deri në vitin 2000. Më pas nga viti 2000 shërbeu si president deri në vitin 2008, vit të cilin mori sërish postin si kryeministër deri në 2012-ën.
Nga 2012 udhëheq sërish si president i Rusisë dhe në vitin 2030 do të shkojë në vitin e tij të 31-të të pushtetit në krye të Kremlinit. Me mbarimin e mandatit të pestë ai do të barazohet me ish-diktatorin Josif Visarionoviç Stalin.
Presidenti rus, Vladimir Putin, e ka fituar një mandat të pestë në pushtet, në një proces zgjedhor tejet të kontrolluar.
Putin ka marrë 87.32% të votave ndërsa në zgjedhje sipas Kremlinit kanë marrë pjesë mbi 70% e popullsisë. Putin me këtë mandat do të arrijë Stalinin në pushtet në krye të Kremlinit.
Ky i fundit ishte në krye të Bashkimit Sovjetik për 31 vite, prej 1922-shit deri në momentin kur ndërroi jetë në vitin 1953. Ndërsa Putin u zgjodh fillimisht kryeministër në vitin 1999 deri në vitin 2000. Më pas nga viti 2000 shërbeu si president deri në vitin 2008, vit të cilin mori sërish postin si kryeministër deri në 2012-ën.
Nga 2012 udhëheq sërish si president i Rusisë dhe në vitin 2030 do të shkojë në vitin e tij të 31-të të pushtetit në krye të Kremlinit. Me mbarimin e mandatit të pestë ai do të barazohet me ish-diktatorin Josif Visarionoviç Stalin.
Lajme të tjera
-
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Pasi u rrëzua nga pushteti në Siri, Assadit i ndodh e papritura! Gruaja i kërkon divorcin
23 Dhjetor, 09:38 -
Lufta në Ukrainë/ Më shumë se 1000 ushtarë të Koresë Veriut kanë rënë në front për Rusinë
23 Dhjetor, 08:18 -
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Kryeministri sllovak Fico takon Putinin, në një vizitë të rrallë nga një udhëheqës i BE-së në Moskë
22 Dhjetor, 21:25
