Putin sot në Beograd, flamujt rusë dhe mbishkrimet 'Ne jemi vëllezër' 'pushtojnë' veriun e Mitrovicës

Putin sot në Beograd, flamujt rusë dhe mbishkrimet 'Ne jemi vëllezër' 'pushtojnë' veriun e Mitrovicës

Poste në veri të Mitrovicës, ku shfaqet Putini me Aleksandër Vuçiç

Veriut i Mitrovicës është “pushtuar” nga flamuj të Rusisë, fotografi të presidentit Vladimir Putin me presidentin serb Aleksandër Vuçiç dhe billborde me mbishkrime në gjuhën ruse, teksa pritet vizita e Carit të Rusisë në Beograd.

"Kosova Press" bën me dije se fotografitë, flamujt dhe mbishkrimet “Ne jemi vëllezër, Zoti është me ne” janë vendosur mbrëmë gjatë natës nga njerëzit e Millan Radojiçiqit, emri i  të cilit është lidhur me shumë ngjarje në veri, përfshirë këtu edhe vrasjen e politikanit serb Oliver Ivanoviq.

Pikërisht në ditën e vizitës së Putinit në Serbi, qytetarët serbë të veriut duket se po dërgojnë mesazhe për raporte vëllazëore me Rusinë.

Nga ana tjetër, kryeministri i Kosovës Ramush Haradinaj ka reaguar ditën e djeshme ndaj presidentit rus Vladimir Putin, pasi ky i fundit u shpreh para vizitës në Serbi se politikat e SHBA-së dhe aleatëve perëndimorë janë faktorë destabilizues në Ballkan. Kreu i ekzekutivit theksoi se më shumë Amerikë dhe NATO në Ballkan nënkupton më shumë paqe. (Lexo këtu)

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit