Presidenti rus Vladimir Putin dhe udhëheqësi i Koresë së Veriut Kim Jong-un u takuan në qendrën hapësinore në Vostochny në rajonin Amur. Lajmi është bërë i ditur nga agjencia ruse Tass.
Presidenti rus Putin tha se "të gjitha temat" do të diskutohen gjatë bisedimeve me liderin e Koresë së Veriut Kim Jong-un në qendrën hapësinore në Vostochny, duke përfshirë bashkëpunimin në fushën ushtarake.
Koreja e Veriut lëshoi të paktën një raketë balistike të paspecifikuar drejt Detit Lindor (Deti i Japonisë), tha ushtria e Koresë së Jugut, cituar nga Yonhap. Shefat e Përbashkët të Shtabit njoftuan nisjen, por nuk dhanë detaje të mëtejshme, në pritje të hetimeve. Kërcënimi i fundit i Phenianit erdhi ndërsa udhëheqësi i tij Kim Jong-un ndodhet në Rusi për të takuar presidentin rus Vladimir Putin.
Koreja e Veriut lëshoi për herë të fundit dy raketa balistike me rreze të shkurtër veprimi më 30 gusht.
Në takimin mes Liderit të Koresë së Veriut, Kim Jong-un, dhe Presidentit rus, Vladimir Putin, tha se Rusia u ‘ngrit në këmbë’ për të mbrojtur sovranitetin dhe sigurinë e saj duke kundërshtuar forcat hegjemoniste.
“Rusia u ngrit në këmbë për të mbrojtur sovranitetin dhe sigurinë e saj duke kundërshtuar forcat hegjemoniste", tha Kim Jong-un.
Pas përfundimit të takimit të parë të hapur për delegacionet mes presidentit rus Vladimir Putin dhe liderit të Koresë së Veriut Kim Jong-un, zëdhënësi i Kremlinit, Dmitry Peskov, tha se bashkëpunimi ndërmjet Rusisë dhe Koresë së Veriut do të vazhdojë në fushën e sigurisë dhe atë ushtarake dhe kjo nuk duhet të shqetësojë vendet e tjera.
Udhëheqësi i Koresë së Veriut Kim Jong-un ngriti dolli për "fitoret e reja për Rusinë" dhe miqësinë midis Moskës dhe Phenianit në një darkë zyrtare pas bisedimeve të tij me presidentin rus Vladimir Putin. Lajmi është bërë i ditur nga agjencia Ria Novosti.
Sekretari i Përgjithshëm i NATO-s Jens Stoltenberg do të presë nesër në selinë e Aleancës Atlantike në Bruksel zëvendëskryeministren e Ukrainës, Olha Stefanishyna.
Këtë e ka bërë të ditur NATO përmes një shkrimi në rrjetet e tij sociale.
Apeli drejtuar Koresë së Veriut për ndihmë ushtarake tregon "probleme serioze" në forcat e armatosura të Federatës Ruse në luftën kundër Ukrainës, tha Andriy Yusov, përfaqësues i Drejtorisë kryesore të Inteligjencës së Kievit.
"Nëse diktatori rus detyrohet t'i kërkojë Koresë së Veriut predha artilerie dhe ndihmë të tjera ushtarake, atëherë do të thotë se ai ka probleme të mëdha”, tha ai.
Duke iu përgjigjur pyetjes se si çdo marrëveshje armësh midis Federatës Ruse dhe Koresë së Veriut mund të ndikojë në luftën në Ukrainë, Yusov tha se çdo furnizim me armë për Rusinë është një lajm i keq për vijën e frontit.
"Sigurisht që çdo furnizim me armë për vendin agresor është një lajm i keq për vijën e frontit”, tha Yusov.
Pas bisedimeve Putin-Kim Jong Un, Ministri i Jashtëm rus, Sergei Lavrov, tha se Rusia dhe Koreja e Veriut do të kishin një bashkëpunim reciprokisht të dobishëm të cilët nuk do ju nënshtroheshin presionit të paligjshëm nga Perëndimi.
“Ne dhe Koreja e Veriut do të zhvillojmë, siç ranë dakord dhe konfirmuan sot liderët tanë, bashkëpunim reciprokisht të dobishëm që nuk do t'i nënshtrohet presionit të paligjshëm nga Perëndimi”, tha Lavrov.
Kështu deklaroi ministri i Jashtëm rus drejtpërdrejt në kanalin televiziv Rossiya 1, pas bisedimeve mes presidentit rus Vladimir Putin dhe liderit të Koresë së Veriut Kim Jong-un.
Pas përfundimit të takimit mes Putin dhe Kim Jong-Un, ka reaguar edhe zëdhënësi i Kremlinit, Dmitry Peskov, i cili tha se bisedimet mes dy liderëve ishin shumë të rëndësishme dhe udhëzuese.
“Bisedimet mes presidentit rus Vladimir Putin dhe liderit të Koresë së Veriut Kim Jong-un në kozmodronin Vostochny ishin shumë të rëndësishme, shumë udhëzuese”, tha Peskov në një intervistë për Channel One.
Gjithashtu Peskov tha se edhe ardhja e liderit së Koresë Veriut në Rusi ishte një ngjarje e rëndësishme nga pikëpamja e marrëdhënieve dypalëshe.
“Edhe vetë fakti që Kim Jong-un erdhi këtu është një ngjarje shumë e rëndësishme nga pikëpamja e marrëdhënieve dypalëshe”, tha Peskov.
Presidenti rus, Vladimir Putin, tha se Rusia dhe Koreja e Veriut po punojnë për mirëqenien dhe paqen në vend.
Putin gjithashtu citoi një proverb koreano-verior ku thuhet se “rrobat e reja janë të bukura, por miqtë duhet të jenë të vjetër dhe për ne një mik i vjetër është më i mirë se një i ri’.
"Dëshiroj të propozoj një dolli për forcimin e bashkëpunimit dhe miqësisë mes vendeve tona. Gëzuar zoti President dhe të gjithë anëtarët e delegacionit. Ne punojmë për mirëqenien dhe paqen e vendeve tona. Rrobat e reja janë të bukura, por miqtë duhet të jenë të vjetër dhe për ne një mik i vjetër është më i mirë se një i ri", tha Putin.
Udhëheqësi i Koresë së Veriut Kim Jong-un ngriti dolli për "fitoret e reja për Rusinë" dhe miqësinë midis Moskës dhe Phenianit në një darkë zyrtare pas bisedimeve të tij me presidentin rus Vladimir Putin. Lajmi është bërë i ditur nga agjencia Ria Novosti.
Presidentja e Komisionit Evropian, Ursula von der Leyen, në fjalimin e saj për Gjendjen e Bashkimit në Dhomën Evropiane, tha se ata kishin propozuar për Ukrainën 50 milionë euro të tjera gjatë 4 viteve për investime dhe reforma.
Von der Leyen tha se kjo do të ndihmonte në ndërtimin e së ardhmes së Ukrainës për të rindërtuar një vend modern dhe të begatë.
Ajo gjithashtu tha se e ardhmja e Ukrainës dhe e Ballkanit Perëndimor është në BE.
“Për Ukrainën ne kemi propozuar 50 miliardë euro të tjera gjatë katër viteve për investime dhe reforma. Kjo do të ndihmojë në ndërtimin e së ardhmes së Ukrainës për të rindërtuar një vend modern dhe të begatë. Dhe kjo e ardhme është e qartë për t'u parë. Ky Parlament e ka thënë me zë të lartë: E ardhmja e Ukrainës është në Bashkimin tonë. E ardhmja e Ballkanit Perëndimor është në Bashkimin tonë. E ardhmja e Moldavisë është në Bashkimin tonë. Dhe unë e di mirë se sa e rëndësishme është perspektiva e BE-së për shumë banorë të Gjeorgjisë", tha Von der Leyen.
Udhëheqësi i Koresë së Veriut, Kim Jong-un, i premtoi Vladimir Putinit, se do ta ndihmonte atë në luftën e Rusisë kundër Ukrainës gjatë takimit të tij me presidentin rus në Kozmodromin Vostochny në Siberi.
“Rusia u ngrit për të mbrojtur sovranitetin dhe sigurinë e saj. Ne kemi mbështetur gjithmonë dhe do të vazhdojmë të mbështesim të gjitha vendimet e Putinit dhe ato të qeverisë ruse. Unë shpresoj se do të jemi gjithmonë së bashku në luftën kundër imperializmit dhe në ndërtimin e një shteti sovran", tha Kim, sipas agjencisë së lajmeve Interfax.
Takimi mes Putinit dhe Kim ishte vizita e parë e liderit të Koresë së Veriut në Rusi në katër vjet. Përveç çështjeve që lidhen me teknologjinë e raketave, sipas vëzhguesve,
Bashkëpunimi ndërmjet Rusisë dhe Koresë së Veriut do të vazhdojë në fushën e sigurisë dhe atë ushtarake dhe kjo nuk duhet të shqetësojë vendet e tjera, tha zëdhënësi i Kremlinit, Dmitry Peskov.
Ai këtë gjë e bëri të ditur në fund të takimit të parë të hapur për delegacionet mes presidentit rus Vladimir Putin dhe liderit të Koresë së Veriut Kim Jong-un.
"Në çdo rast, gama e plotë e marrëdhënieve përfshin dialog dhe ndërveprim në fusha të ndjeshme, si ndërveprimi ushtarak dhe shkëmbimi i pikëpamjeve për çështjet më urgjente në fushën e sigurisë. Kjo gjithashtu do të çohet përpara", tha Peskov.
Ai gjithashtu shtoi: “Të gjitha çështjet kanë të bëjnë vetëm me dy vendet tona sovrane, dhe ato nuk duhet të jenë shkak shqetësimi për asnjë vend të tretë”.
Udhëheqësi i Koresë së Veriut, Kim Jong-un, i tha presidentit rus, Vladimir Putin, se vendi i tij ofron "mbështetjen e plotë dhe të pakushtëzuar" për "luftën e shenjtë" të Rusisë.
Ai tha se kjo gjë ishte për të mbrojtur interesat e saj të sigurisë, duke iu referuar në dukje luftës në Ukrainë, dhe deklaroi se Pheniani gjithmonë do të krah Moskës në frontin "anti-imperialist".
Kim gjithashtu i quajti marrëdhëniet e Koresë së Veriut me Rusinë "prioriteti kryesor". Putin e mirëpriti Kim në Rusi në fjalimin e tij të hapjes dhe tha se ishte i lumtur që e pa atë.
Ndër pikat e rendit të ditës së bisedimeve, Putin përfshiu bashkëpunimin ekonomik, çështjet humanitare dhe "situatën në rajon". Të dy udhëheqësit u takuan në Kozmodromin Vostochny të Rusisë, një strukturë e largët e lëshimit të raketave siberiane.
Udhëheqësi i Koresë së Veriut, Kim Jong-un, tha se është i bindur se takimi i sotëm me presidentin rus, Vladimir Putin do të ndihmojë në "ngritjen e marrëdhënieve midis dy vendeve në një nivel të ri".
Këtë deklaratë Kim e tha në në Vostochny, Rusi, ku po mbahet takimi i dy liderëve.
Presidenti rus Vladimir Putin dhe udhëheqësi i Koresë së Veriut, Kim Jong-un, inspektuan objektin e lëshimit të raketës hapësinore Soyuz-2 në Kozmodromin Vostochny.
Agjencia e lajmeve ruse Ria Novosti, e cila shpjegon se objekti ku do lëshohen raketat Soyuz është krijuar për të marrë automjete të tipit Soyuz-2, për të kryer përgatitjen, nisjen dhe operacionet përfundimtare pas nisjes.
Ndërtesa mund t'i rezistojë ndikimit të fazave të komponentit të mjetit lëshues në rënie dhe muret me trashësi gati një metër mund të mbrojnë personelin nga një aksident. Rezervuarët e mjeteve lëshuese furnizohen me karburant nga njësitë fikse të oksigjenit, azotit dhe vajgurit.
Në takimin e mbajtur në Vostochny, Rusi, ku do zhvillohet takimi mes liderit së Koresë veriut, Kim Jong-Un dhe Presidentit të Rusisë, Vladimir Putin, është edhe motra e liderit së Koresë.
Motra e liderit së Koresë veriut, Kim Yo Jong, u shfaq në videot e shpërndara në rrjetet sociale, e cila shihet duke zbritur nga treni me të cilin Kim Jong-Un shkoi në Rusi.
Lideri i Koresë së Veriut, Kim Jong-un, tha se Rusia u ‘ngrit në këmbë’ për të mbrojtur sovranitetin dhe sigurinë e saj duke kundërshtuar forcat hegjemoniste.
“Rusia u ngrit në këmbë për të mbrojtur sovranitetin dhe sigurinë e saj duke kundërshtuar forcat hegjemoniste", tha Kim Jong-un.
Fjalimi i tij u citua nga agjencia ruse Ria Novosti, në takimin e tij me presidentin rus Vladimir Putin.
Njëzet e katër persona u plagosën gjatë sulmit me raketa ukrainase në Sevastopol, Krime, sipas Tass. Katër prej tyre, shkruan agjencia, duke cituar guvernatorin pro-rus, thuhet se janë në gjendje "mjaft të rënda". Ekipet e shpëtimit janë në punë në kantierin ku pas sulmit ka rënë zjarr, shtojnë të njëjtat burime.
Guvernatori pro-rus, në Telegram shkroi se "mbrojtja ajrore është aktivizuar". Sulmi raketor shkaktoi një zjarr, "sipas informacioneve paraprake", në "një objekt jo-civil" në zonën Kilen-Balka të Sevastopolit. Mediat ukrainase, veçanërisht kanali Telegram 'Public', raportuan gjithashtu shpërthime në Sumy dhe Odessa.
Komente
Lajme të tjera
-
Orban paralajmëron: Nëse Trump fiton zgjedhjet në Amerikë, Evropa duhet të rimendojë ndihmën për Ukrainën
3 Nëntor, 16:01 -
Kievi: 7 mijë ushtarë të Koresë së Veriut po vijnë drejt territorit tonë
2 Nëntor, 16:12 -
Lufta në Ukrainë/ Kievi: 7 mijë ushtarë të Koresë së Veriut po vijnë drejt territorit tonë
2 Nëntor, 08:11 -
Sllovakia, e gatshme t’i bashkohet planit të Kinës dhe Brazilit për luftën në Ukrainë
1 Nëntor, 19:49 -
Lufta në Ukrainë/ Koreja e Veriut: Do të qëndrojmë pranë Moskës deri në fitoren kundër Kievit
1 Nëntor, 17:55 -
Ministrja e Jashtme koreanoveriore: Koreja e Veriut do të mbështesë Rusinë derisa të triumfojë në Ukrainë
1 Nëntor, 12:44 -
Rusi/ 10 mijë ushtarë koreano-veriorë gati kundër Ukrainës
1 Nëntor, 10:06 -
Trupat e Koresë së Veriut në Rusi, Blinken: Putin i dëshpëruar
1 Nëntor, 09:20 -
Kryediplomati hungarez kritikon sanksionet e BE-së gjatë vizitës në Minsk: Neve s'na pëlqen politika e sanksioneve
31 Tetor, 20:57 -
Lufta në Ukrainë/ Korea e Jugut nuk përjashton mundësinë e dërgimit të raketave Hawk në Kiev! Zelensky - Perëndimit: Na lejoni sulmet thellë brenda Rusisë
31 Tetor, 17:36 -
SHBA sanksionon firmat serbe dhe malazeze për shkak të mbështetjes të luftës së Rusisë
31 Tetor, 15:50 -
Vazhdojnë shqetësimet rreth marrëdhënies Musk-Putin
31 Tetor, 08:35
Si kater prej ketyre qe humben jeten jane ne gjendje shume te rende?!Se kuptoj kete.Ndoshta e ke fjalen qe trupat e tyre jane bere copa copa!
Përgjigju