Putin takon ushtarët rusë në rajonin Kherson të Ukrainës

 

Vladimir Putin ka vizituar ushtarët në rajonet jugore të Kherson dhe Luhanskun lindor, të cilat mbahen pjesërisht nga Rusia.

Kherson, qyteti port i Ukrainës, i vendosur buzë Detit të Zi është shtëpia e një industrie të madhe të ndërtimit të anijeve dhe një qendër ekonomike rajonale e rëndësishme, e cila u aneksua ilegalisht në shtator, së bashku me tre rajone të tjera të Ukrainës.

Udhëheqësi rus mori pjesë në një takim të komandës ushtarake në rajonin Kherson për të dëgjuar raporte nga komandantët dhe për të folur me oficerët e tjerë të lartë mbi situatën në rajonet Kherson dhe Zaporizhzhia, të cilat Moska i ka shpallur pjesë të Rusisë.

Ai vizitoi gjithashtu selinë e Gardës Kombëtare në rajonin e Luhanskut, një pjesë tjetër e Ukrainës të cilën Moska e aneksoi vitin e kaluar.Kremlini nuk njoftoi se kur Putin mori pjesë në takime apo çfarë komentesh bëri.

Kujtojmë se nëntorin e kaluar, trupat ruse u urdhëruan të tërhiqeshin nga qyteti Kherson dhe zonat përreth në jug të Ukrainës.Njoftimi shënoi një nga tërheqjet më të rëndësishme të Rusisë dhe një tjetër pengesë poshtëruese për Putin.

Rajoni i Khersonit u aneksua ilegalisht në shtator, së bashku me  Luhansk, Donetsk dhe Zaporizhzhia. Komuniteti ndërkombëtar nuk i ka njohur aneksimet.

Lajmi kryesor:

Lufta/ Për herë të parë, Putin viziton rajonet e pushtuara të Khersonit dhe Donbassit! SHBA akuza Brazilit për pritjen e ministrit të Jashtëm rus

K.T./Shqiptarja.com

TAG:
• Brazil
• Rusi
• lufta ne ukraine