POP 5

Lajmet më të lexuara të 5 minutave të fundit

Bota

Putin vizitë të paparalajmëruar në Siri: Është bërë shumë për rivendosjen e sovranitetit dhe integritetit

Rusia është aleati kryesor i presidentit sirian Bashar al –Asad, forcat ushtarake të të cilit po luftojnë kundër rebelëve që kundërshtojnë regjimin e tij.

Putin vizitë të paparalajmëruar në Siri: Është bërë shumë për rivendosjen e sovranitetit dhe integritetit

Zëdhënësi i Kremlinit Dmitry Peskov konfirmoi se Vladimir Putin mbërriti në Damask për të vizituar trupat ruse të vendosura në Siri me rastin e Krishtëlindjes Ortodokse dhe u takua me Presidentin Sirian Bashar Al Asad.

"Gjatë takimit me Asadin, Putin tha se padyshim që ishte bërë shumë përparim në rivendosjen e sovranitetit dhe integritetit territorial të Sirisë," tha zëdhënësi i Kremlinit.

Sipas raportimeve nga faqja e lajmeve ruse, Asad falënderoi Putinin - i cili nesër do të jetë në Stamboll për një takim me Presidentin turk Rexhep Tajip Erdogan - dhe vlerësoi ndihmën e dhënë nga Rusia në luftën kundër terrorizmit në Siri.

Rusia është aleati kryesor i presidentit sirian Bashar al –Asad, forcat ushtarake të të cilit po luftojnë kundër rebelëve që kundërshtojnë regjimin e tij.

Rajoni i fundit i madh i mbajtur nga rebelët që kundërshtojnë presidentin Bashar al-Asad, është Idlibi në veri-perëndim të Sirisë. Kjo zonë është bombarduar nga qeveria siriane që nga fundi i nëntorit.

Prej asaj kohe më shumë se 235.000 njerëz kanë ikur nga shtëpitë e tyre në këtë provincë ndërsa eksodi më i madh ndodhi midis 12 dhe 25 dhjetorit.

Nga ana tjetër, Presidenti amerikan, Donald Trump, ka paralajmëruar Rusinë, Sirinë dhe Iranin kundër vrasjeve të civilëve në provincën Idlib të Sirisë.

“Rusia, Siria dhe Irani janë duke vrarë ose janë në drejtim të vrasjes së mijëra civilëve të pafajshëm në provincën Idlib. Mos e bëni këtë!”, ka thënë Trump në një postim në rrjetin social, Twitter, më 26 dhjetor.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça