Përgjimet për prostitucion të Zogut të Tiranës, gazetari Elton Qyno: Do vijojme shkrime të tjera, ka njerëz të njohur

TIRANË - Shqiptarja.com do të vijojë me publikimin e shkrimeve të tjera nga dosja hetimore për prostitucionin ku i arrestuar është Hermes Nikaj, i njohur si Zogu i Tiranës. Gazetari i Shqiptarja.com, Elton Qyno, i ftuar sot në Report Tv, tha se me publikimin e përgjimeve, nuk është cënuar privatësia e askujt, por se kanë qenë disa portale të tjera që kanë nxjerrë emrat e të përfshirëve në këtë dosje.

"Do të vijoj edhe në disa numra të tjerë, kam të tjera materiale, ka edhe njerëz të njohur, etikën e kam ruajtur, pavarësisht se ndonjë portal ka nxjerrë emrat e vajzave. Por unë si gazetar dhe si njeriu që ka burimin kryesor të këtij lajmi, jam munduar të ruaj etikën. Kam marrë mesazhe, 'pse e publikove', por kërcënime nuk kam marrë. Nëse do të hidhem në gjyq do të nxjerr provat e mia, por nuk më ka rezultuar që të ketë".

I pyetur për reagimin e babait të Hermes Nikaj që në Report Tv ai tha se djali i tij nuk ka lidhje dhe e kanë përdorur "mish për top", gazetari Elton Qyno thotë: Ka momente që Hermes Nikaj ka qenë i përdorur nga Anjeza Bena dhe F.S, këto dy gra tutore i kërkonin vajza për marrëdhënie seksuale, dhe Nikaj ka qenë ndërlidhës. Janë muaj hetime dhe vëzhgime.

Në përgjime del edhe një bisedë mes Zogut të Tiranës dhe prezantueses së një emisioni në një televizion në Shqipëri, Dajana Shabani ku i kërkon të votojë në këmbim të pagesës 20 mijë lekë. Kjo e fundit pretendoi se bëhej fjalë për një batutë dhe se gazetarin do e hidhte në gjyq.

Gazetari Qyno përgjigjet: Për blerjen e votave një bisedë kam nxjerrë, ka të tjerë, por të shikojmë prokurorinë si do të vijojë, në të kundërt do të vijojmë të publikojmë.

Përgjimet e para

Pjesa e dytë e përgjimeve

Pjesa e tretë e përgjimeve

Pjesa e katert e pergjimeve

G.M./Shqiptarja.com

TAG:
• elton qyno
• prostitucion
• zogu i tiranes