POP 5

Lajmet më të lexuara të 5 minutave të fundit

Kosova & Rajoni

Përmbytjet në Kosovë, Asociacioni i komunave kërkon fond emergjent nga dëmet e shkaktuara

Kryeministri i Kosovës i shoqëruar nga dy ministra vizitoi të dielën Skënderajn një ndër komunat më të prekura nga përmbytjet e këtyre ditëve. Ndërkohë  bordi i Asociacionit të Komunave i kërkon Qeverisë t’u mundësojë atyre një fond emergjent

Asociacioni i Komunave të Kosovës (AKK) kërkoi të dielën nga Qeveria e Kosovës që të mundësojë një fond emergjent pasi përmbytjet nuk janë problemi i vetëm, por gjatë vitit ata ballafaqohen edhe me fatkeqësi tjera natyrore. Kërkesë vjen pas përmbytjeve të këtyre ditëve që shkaktuan dëme në ekonomitë familjare, bizneset, infrastrukturë rrugore e të tjera.

Nga vërshimet më të prekura janë komunat: Skenderaj, Mitrovicë e Jugut, Istog dhe Klinë.

“Vërshimet nuk janë problemi i vetëm, pasi gjatë vitit komunat ballafaqohen edhe me fatkeqësi tjera natyrore. Bordi i AKK-së kërkon që fondin emergjent ta menaxhojnë komunat për t'u ardhur në ndihmë qytetarëve të tyre”, thuhet në një njoftim për media të AKK-së.

Ndërkohë kryeministri i Kosovës, Albin Kurti dhe dy ministrat Armend Mehaj dhe Elbert Krasniqi vizituan sot Skenderajn.

Kryetari i Skenderajt, Fadil Nura përmes një postimi në facebook njoftoi se kishin vizituar Llaushën ku përveç ekonomitë familjare dhe bujqësia, edhe infrastruktura publike është në gjendje të rëndë.

Ai kërkoi përkrahjen nga niveli qendror për riparimin e dëmeve.

Reshjet e shiut me intensitet pritet të vazhdojnë edhe gjatë ditëve në vazhdim deri më 25 janar. Ndërkohë kryeministri Kurti deklaroi të premten se qeveria e Kosovës dhe të gjitha institucionet shtetërore do t’iu ofrojnë ndihmë banorëve të prekur nga vërshimet.

G.MO/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Sarandë/ Sherri masiv në fshatin Gjashtë, arrest me burg për 2 policët, të tjerët ‘detyrim paraqitje’

Sarandë/ Sherri masiv në fshatin Gjashtë, arrest me burg për 2 policët, të tjerët ‘detyrim paraqitje’

5 Janar, 17:27