Pylli i fazanëve atraksioni më interesant në juglindje të vendit, ajri i pastër e peizazhi mahnitës të shoqëron kudo (VIDEO)

KORÇË- Pylli i fazanëve i ndodhur vetëm 10 km larg qytetit të Korçës është një nga atraksionet më interesante në juglindje të vendit. Me një peizazh fantastik në një sipërfaqe prej 50 ha ky pyll gëzon statusin e monumentit natyror, ndërsa fazanët janë simboli i monumentit të natyrës.

Rreth viteve 60 dora e njeriut e ktheu nga kënetë në një nga zonat më të gjelbëruara dhe të dashura për vendasit, por jo vetëm. Sot ky pyll është streha e fazanëve, sorkadheve, lepujve të egër, dhelprave, është pylli i plepave, shelgut, blirit, pishës dhe bredhit.

Vitet e fundit, ky pyll, po frekuentohet gjithnjë e më tepër. Të organizuar me shoqërinë apo familjen, vizitorët zgjedhin të kalojnë një fundjavë relaksuese nën qetësinë,ngjyrat dhe tingujt e bukur të kësaj natyre.

"Na pëlqen shumë ambienti, pastërtia është mrekulli të jesh këtu, kemi marrë disa gjëra me shoqërinë

"Ka sorkadhe,vend shumë i mirë për të kaluar fundjavën"

"Vijmë me shoqërinë çdo fundja,ve ngaqë ka muzikë kafshë të bukura"

"Na tërheq ajri i pastër", shprehet disa nga qytetarët.

Pylli që mban emrin e tyre dhe i rijetëzuar nga dora e njeriut, është kthyer në një nga destinacionet më të frekuentuara nga turistët. Ajri i pastër, peizazhi mahnitës, gjelbërimi që të shoqëron kudo ,flora dhe fauna e larmishme janë disa nga arsyet përse të gjithë e zgjedhin këtë mrekulli natyrore.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ylli: 14/06/2020 23:01

    LARGOHUNI NGA pylli o debile ,,,mos i shqetesoni kafshet,,e pyllit...

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Interi beson te Inzaghi, rinovon deri në vitin 2027

Interi beson te Inzaghi, rinovon deri në vitin 2027