TIRANE- Giorgo Riformato nga data 8 deri në 10 maj ka qëndruar në hotelin “Kapital” në rrugën “Qemal Stafa” në Tiranë. Ka qëndruar në dhomën 106 të këtij hoteli, ndërsa Prokuroria e Krimeve të Rënda ka kërkuar sekuestrimin e pamjeve filmike të kamerave të sigurisë së hotelit për të parë nëse Riformato është takuar me persona të tjerë gjatë 2 ditëve të qëndrimit në hotel. Ky hotel ndodhet në krah të Prokurorisë së Përgjithshme dhe vetëm pak metra larg fasadës së saj lindore. Prokuroria ka marrë në pyetje menaxherin dhe personelin e hotelit nëse Riformato gjatë qëndrimit i ka pyetur ata për ndonjë adresë të veçantë.
 
Gazeta ka tentuar të kontaktojë me recepsionisten, menaxherin dhe një punonjës të sigurisë për qëndrimin e Riformatos, por ka qenë e pamundur të mund të mësoje diçka prej tyre. "Unë e di se përse interesoheni, por jam e re këtu dhe nuk di çfarë të them", përgjigjet recepsionistja kur e mëson se jemi gazetar.
 
"Kanë ardhur prokurorët këtu dhe janë interesuar", vijon recepsionistja.
 
Ndërsa për menaxherin "është porosia e prokurorëve që të mos u përgjigjeshin mediave dhe të bënin publike detajet e qëndrimit të shtetasit italian në hotelin e tyre

Redaksia online
(e.s/shqiptarja.com)