POP 5

Lajmet më të lexuara të 5 minutave të fundit

Kronikë

Qafë-Kashar, dhunohet çifti, 2
të armatosur i grabisin makinën

Qafe Kashar/  Dy persona të armatosur kanë dhunuar dhe më pas kanë grabitur një çift si dhe automjetin me të cilin këta të fundit po lëviznin. Ngjarja ka ndodhur mbrëmë rreth orës 23:00 në zonën e Qafë-Kasharit në Tiranë. Të armatosurit pasi kanë goditur drejtuesin e mjetit dhe të dashurën e tij, u kanë vjedhur makinën. Policia: Nga pamjet filmike të sekuestruara, automjeti dyshohet të jetë i fshehur tek Ura e Gjolës  VIDEO
TIRANE - Një çift ka rënë pre e grabitjes me dhunë të dy personave të armatosur të cilët përmes kërcënimeve u kanë vjedhur auromjetin me të cilin ata lëviznin. Ngjarja ka ndodhur mbrëmjen e djeshme rreth orës 23:00 në zonën e Qafë-Kasharit në Tiranë, ku dy persona të armatosur i kanë ndërprerë rrugën një automjeti që ishte në lëvizje dhe kanë vjedhur me dhunë drejtuesin e mjetit dhe të dashurën e tij.

Burime nga Policia bëjnë me dije për A1 Report se pasi i kanë goditur, grabitësit iu kanë marrë automjetin tip Benz me targa AA 224 FT me të cilin po lëvizte çifti.

Mësohet se autorët janë larguar në drejtim të Fushë-Krujës, ndërsa nuk ka ende informacion në lidhje me vendodhjen e saktë të grabitësve. Nga hetimet e para të policisë, në orët e para të mëngjesit, përmes kërkimit valor të kompanive celulare është bërë e mundur gjetja e telefonave të të dëmtuarve, të cilët autorët i kishin hedhur anës rrugës, pranë aeroportit të Rinasit.

qafe kashar me logo
(Në foto: Autostrada Tiranë - Rinas, aty ky ndodhi grabitja)

Ndërkaq, në kuadër të punës hetimore policia, ka sekuestruar pamjet filmike të rrugës si dhe të karburanteve të këtij aksi. Sipas policisë, pamjet filmike janë shkëputur në zonën e Urës së Gjolës, ku edhe dyshohet se është fshehur automjeti. 

Ende nuk dihet identiteti i grabitësve, ndërsa policia vijon punën hetimore për arrestimin e tyre si dhe zbardhjen e plotë të rrethanave. 

Redaksia Online
(e.c/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Procesi/ Presidenti dhe kriminel i dënuar, vendimi historik ndaj Trump për rastin e yllit porno

Procesi/ Presidenti dhe kriminel i dënuar, vendimi historik ndaj Trump për rastin e yllit porno

11 Janar, 08:26 nga Massimo Basile