Qarkullonin me armë dhe lëndë narkotike, vihen në pranga tre të rinj në Durrës

DURRËS- Policia ka vënë në pranga tre persona, ku një prej tyre ishte dënuar më parë për veprën penale të vjedhjes.

Gjatë kontrollit të ushtruar në mjetin tip "BMW, të 28 vjeçarit Bardhok Marku, në sediljen e pasagjerit, në një çantë dore, është gjetur një armë zjarri me silenciator dhe në bagazhin e mjetit një jelek antiblumb si i Policisë. Në makinë ishte edhe 32 vjeçari Edison Kumria, i cili u arrestua nga policia. Bardhok Marku është shpallur në kërkim 3 herë për vjedhje banesash dhe lokalesh.

Nga hetimet dhe informacionet e marra, rezulton se armën e zjarrit dhe antiplumbin do t'i shisnin kundrejt vlerës 3000 euro.

Ndërsa gjatë kontrollit fizik dhe në banesën e 24 vjeçarit Veli Zymeri, u gjetën 10 doza me lëndë narkotike të dyshuar Cannabis Sativa. Zymeri është proceduar në vitet 2011 dhe në vitin 2014, për vjedhje të pasurisë.

Në bashkëpunim me Prokurorinë, vijon operacioni për identifikimin dhe kapjen e  personave që do të blinin sendet e kundërligjshme.

Materialet i kaluan Prokurorisë së Rrethit Durrës për veprat penale "Armëmbajtja pa leje" dhe "Prodhimi dhe shitja e narkotikëve".

TAG:
• Durres
• policia
• durres droge