POP 5

Lajmet më të lexuara të 5 minutave të fundit

Kronikë

Kukës/ Lëvizte me 2.4 kg ekploziv, sa pa policinë braktisi 'Benz-in' dhe ia mbathi me vrap! Shpallet në kërkim, arrestohet pasagjeri

Një 30-vjeçar po lëvizte me makinën e tij në Kukës me 2.4 kg gramë lëndë eksplozive, por për këtë ka pasur informacion policia për këtë arsye ka ndërmarrë një operacion për kapjen e tij.

Kukës/ Lëvizte me 2.4 kg ekploziv, sa pa policinë braktisi 'Benz-in' dhe ia mbathi me vrap! Shpallet në kërkim, arrestohet pasagjeri

Makina dhe ekplozivi

KUKËS- Një 30-vjeçar po lëvizte me makinën e tij në Kukës me 2.4 kg lëndë eksplozive, por për këtë ka pasur informacion policia për këtë arsye ka ndërmarrë një operacion për kapjen e tij.

I riu me inicialet Sh. R., sapo ka parë uniformat blu, ka ikur me vrap dhe ia ka dalë që t'i shpëtonte efektivëve, e ndërsa në pranga ka rënë pasagjeri në automjetin ku u gjet lënda eksplozive, i identifikuar me inicialet K. N., 31 vjeç, banues në fshatin Qinamak. 

Ato u ndalën në afërsi të fshatit Myç-Mamëz, mjetin tip "Benz”, e ndërsa nga tyre rëndon akuza për veprën penale “Prodhimi dhe mbajtja pa leje e armëve, municioneve luftarake apo lëndëve plasëse", kryer në bashkëpunim".

"Kukës. Qarkullonte me lëndë eksplozive me vete, shpallet në kërkim 30-vjeçari. 

Vihet në pranga bashkëpunëtori i tij. Sekuestrohen 2 kg e 400 gramë lëndë plasëse e dyshuar eksploziv.  Shërbimet e Komisariatit të Policisë Kukës, në vijim të punës për evidentimin dhe goditjen e paligjshmërisë në fushën e armëmbajtjes pa leje dhe lëndëve plasëse, bazuar në informacione të siguruara në rrugë operative se në një mjet kishte lëndë plasëse eksploziv, kanë organizuar punën për lokalizimin dhe ndalimin e mjetit.  Shërbimet e Policisë kanë lokalizuar në afërsi të fshatit Myç-Mamëz, mjetin tip "Benz” me të cilin udhëtonin shtetasit K. N. dhe Sh. R. 

Drejtuesi i mjetit shtetasi, Sh. R., sapo ka parë shërbimet e Policisë, ka braktisur automjetin dhe ka mundur të  largohet Gjatë kontrollit të ushtruar në automjet u gjetën dhe u sekuestruan në cilësinë e provës materiale 2 kg e 400 gramë lëndë plasëse e dyshuar eksploziv. Në vijim të veprimeve u bë arrestimi i shtetasit K. N., 31 vjeç, banues në fshatin Qinamak, i cili ishte pasagjer në automjetin ku u gjet lënda eksplozive.  Gjithashtu u bë shpallja në kërkim e shtetasit Sh. R., 30 vjeç, banues në fshatin Qinamak dhe vijon puna intensive për kapjen e tij.  Materialet hetimore u referuan në Prokurorinë e Rrethit Gjyqësor Kukës, për veprën penale “Prodhimi dhe mbajtja pa leje e armëve, municioneve luftarake apo lëndëve plasëse", kryer në bashkëpunim", njofton Policia.

B.K./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?

Lajme të tjera



×

Lajmi i fundit

Kroaci/ Hyn në shtëpinë e të moshurave dhe qëllon me armë zjarri, humbin jetën 5 persona! Në pranga autori

Kroaci/ Hyn në shtëpinë e të moshurave dhe qëllon me armë zjarri, humbin jetën 5 persona! Në pranga autori

22 Korrik, 13:11