TIRANE- Aplikimi për fondin e kompensimit financiar të pronarëve do të mbyllet më 5 shkurt, për t’ju nënshtruar më pas procesit të hetimit administrativ nga institucionet përkatëse. Në një intervistë për “Shqiptarja.com”, Sonila Qato, Drejtoresha e Agjencisë së Kthimit të Pronave, sqaron procedurat 3 mujore që do ndiqen për përzgjedhjen e përfituesve të këtij fondi.

Sipas saj AKKP po merr masat që kjo lloj procedura kompensimi të jetë e fundit, për t’i hapur udhë një strategjie të re më të përshtatshme si për pronarët, ashtu edhe për qeverinë. Duke u zgjatur mbi çështjet e pronës Qato shpjegon rolin e AKKP në procesin e legalizimit të ndërtimeve pa leje si dhe zgjidhjeve që po studiohen për t’i dhënë udhë procesit të mirëfilltë të kthim-kompensimit.