POP 5

Lajmet më të lexuara të 5 minutave të fundit

Periferi

Që pushimet të mos bëhen “fatkeqësia” e vitit

Duket sikur nisja e pushimeve për shqiptarët, tani që na afrojnë edhe më shumë rrjetet sociale, është fatkeqësia e vitit: Nuk u pëlqen plazhi ku shkojnë, nuk durojnë trafikun, nuk durojnë të rinjtë, nuk durojnë vonesat, nuk durojnë zhurmat.
Që pushimet të mos bëhen “fatkeqësia” e vitit

Rrezet e para të diellit prekin varkat në molin e Vlorës

Të jesh mirë me vetveten qënka një gjë e madhe. Të shijosh gjërat e vogla e të thjeshta, qënka një gjë akoma më e madhe. Duket sikur nisja e pushimeve për shqiptarët, tani që na afrojnë edhe më shumë rrjetet sociale, është fatkeqësia e vitit: Nuk u pëlqen plazhi ku shkojnë, nuk durojnë trafikun, nuk durojnë të rinjtë, nuk durojnë vonesat, nuk durojnë zhurmat, nuk durojnë ndryshimet, nuk durojnë më asgjë...

Njëra e do gjithë plazhin e Jugut për vete. Mban mend në rininë e saj se shkonte atje me çadër në qiell të hapur e tani bërtet se ka infrastrukturë, ka lokale, ka muzikë e ka njerëz në det. Jala, është e ngjashme si plazh me zonën e Amalfit, edhe Dhërmiu si Positano. Eshtë sikur një italian 50 apo 60 vjeçar të ankohet për këto plazhe që gëlojnë nga të rinjtë e të gjitha moshave. Në plazhe me gurë, shkëmbinj nuk shkojnë familje dhe mosha që kërkojnë qetësinë. Dorëzohuni. Janë plazhe që janë pushtuar nga të rinj e lokale nate, pikërisht për natyrën e tyre më të vështirë.Me kalimin e viteve zgjidhen plazhe më komode e më pak të frekuentuara, të përshtatshme me moshën.

Tjetri nuk duron trafikun, edhe pse nuk e ka vrarë fare mendjen e nuk ka bërë një strategji oraresh dhe lëvizjesh për vete dhe familjen. Në gjithë zonat bregdetare ( e këtë e kemi parë nga të huajt fillimisht) ka orare me kulme trafiku. Atëherë, ndrysho oraret e vajtjes dhe të kthimit e kështu mund të tregosh publikisht se je edhe më i/e zgjuar për të kapërcuer vështirësitë e fundjavës dhe individualisht ndihmon në uljen e trafikut.

Të tjerë ankohen për restorantin, vonesat, shijet, freskia, buzëqeshja, dashuria etj. etj. I dimë problemet tona dhe shërbimi, është një veprim reciprok në shoqëri: Nëse një mjek, infermiere, mësues, gazetar, politikan, nëpunës poste, etj. sillet keq me kamarierin, kuzhinierin, policin, banakierin kur ata kërkojnë një shërbim, e dimë, që çdo veprim i yni, ka të njëjtën përgjigje në hapsirë dhe në kohë: Të tjerët do të sillen me ne me të njëjtin përkushtim që ne kemi pasur me ta.

Vetë këtë fundjavë isha në Vlorë: Hëngra shumë shijshëm, fjeta në një hotel të mirë e të lirë, përshëndeta e më përshëndetën, pas orës 23 kisha për vete dhe familjen në dispozicion tërë qetësinë e bregdetit më të bukur, bisedova me pensionistë që peshkonin me durim e më treguan “të rejat” e fundit nga qyteti. U largova nga Vlora me dëshirën e madhe për t’u rikthyer. Me durim përballova trafikun e rënduar nga rruga e vjetër e Ndroqit, por nuk u mërzita. Biseda në makinë, muzikë. U lodha, po, por nuk u mërzita. Trafiku nuk ma hoqi shijen e mirë të gjërave të bukura që pashë e përjetova në Vlorë.

Atëherë. Nëse bashkë kërkojmë të përmirësojmë vendin ku jetojmë, të përpiqemi së pari të ndryshojmë e përmirësojmë veten: A buzëqeshim ne që pretendojmë buzëqeshje? A jemi të sjellshëm ne që pretendojmë mirësjellje? A jemi korrektë në punën tonë ne që pretendojmë korrektësi tek të tjerët? Nëse të gjithë i bëjmë mirë gjërat që i kemi për detyrë t’i bëjmë, atëherë, si me magji, do të na duan e respektojnë edhe të tjerët.

Shqiptarët kanë nisur në masë pushimet e verës: Dikush në qershor, dikush në korrik, të tjerë në gusht e shtator. Le të marrim më të mirën, nektarin e vendit dhe të njerëzve ku shkojmë. Vetëm kështu, si me magji, gjërat do të ndryshojnë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46