Qefalia për Report Tv: Rivalët politikë të vonuar dhe të paaftë, kanë humbur besimin e njerëzve

Për Xhemal Qefalinë, drejtuesi politik i mazhorancës për zonën e Dajtit,  kundërshtarët i tij politik, mes tyre Aldo Bumçin, i quan të vonuar dhe të pa aftë për të zgjidhur problemet në periferi të metropolit. Gjatë një interviste për Report Tv, Qefalia tha se PD nuk jep as zgjidhje dhe nuk e ka më besimin e qytetarëve.

“Më vjen mirë qe kandidatët e partive të tjera kanë filluar të identifikohen. Ata i braktisën qytetarët, vijnë vetëm një herë në muaj  dhe as zgjidhje nuk i japin. Qytetarët do i ndëshkojnë më votë pasi e kanë humbur besimin”, tha Qefalia.

Ndërsa programi i PS është një vazhdim për realizimin e investimeve, programi i PD sipas Qefalisë, është i parealizueshëm/

“Partia demokratike sapo është zgjuar nga gjumi dhe krijon programe të parealizueshme. Lideri  i ka premtime të pabaza”, tha ai.

Me reformat e fundit territoriale administrative, zonat periferike iu bashkua Tiranës. Për deputetin Qefalia, kjo reformë ka rezultuar pozitive në fushën e investimeve

“Ne e pranojmë që nuk ka shkëlqyer gjithçka, por shumë gjëra janë në kahun pozitiv, pasi në Krrabë dhe Zallbastar janë bërë ndërhyrje, dhe kjo  na ka rezultuar pozitive.”

I pyetur për vështirësinë e të bërit fushatë në kushte pandemia, ku kohët e fundit Kryeministri Rama e ka cilësuar si të pa justifikueshme shkeljen e masave anti covid nga subjektet politike, Qefalia tha se “Për sa i përket masave ne duhet ta pranojmë që ka raste ku e kapërcejmë numrin e personave të lejuar në takime, por po përpiqemi të kemi kujdes, pasi për ne  jetë e qytetarëve është më e rëndësishme se fushata elektorale”

Për herë të parë më 25 prill, do të përdoret identifikimi biometrik për votuesit. Lidhur më këtë, Qefalia e quajti proces të barabartë për të gjithë, ku nuk duhen përjashtuar as zonat periferike.

TAG:
• PS
• PD
• xhemal qefalia
• zgjedhjet parlamentare 2021