Kremlini: Përdorimi i armëve bërthamore, vetëm nëse rrezikohet ekzistenca e Rusisë! SHBA: Të enjten sanksione të reja! Zelensky flet në parlamentin italian: Mariupoli, si të imagjinoni Xhenovën të shkatërruar

Presidenti ukrainas Zelensky do të flasë nesër në video-lidhje me Parlamentin japonez në orën 18:00 me orën lokale (10:00 në Itali). Këtë e ka bërë të ditur ministri Taro Kono me një postim në Twitter.

Gjatë ditëve të fundit, Zelensky i është ka mbajtur fjalim online në parlament entet dhe institucioneve ligjvënëse të shumë shteteve përfshirë të Shteteve të Bashkuara, Britanisë, Kanadasë, Gjermanisë, Izraelit dhe Italisë. Ai po ashtu pritet të mbajë fjalim para Asamblesë Kombëtare të Francës.

Presidenti ukrainas, Volodymyr Zelensky, do të mbajë një fjalim më 24 mars në samitit e liderëve të NATO-s që do të mbahet në Bruksel. Kjo është bërë me dije nga zëdhënësi i Zelenskyt, Serhiy Nykyforov, i cili ka thënë se do marrë pjesë në samit virtualisht.

Nykyforov tha se Zelensky do të flas për nevojën e ndaljes së krimeve të luftës së Rusisë kundër civilëve ukrainas dhe infrastrukturës joushtarake.

“Kjo mund të bëhet në disa mënyra, duke mbyllur qiellin, duke i ofruar Ukrainës mbrojtje të fuqishme ajrore dhe aviacion...”, tha ai.

Gjatë ditëve të fundit, Zelensky i është adresuar përmes video-lidhjes parlamenteve dhe institucioneve ligjvënëse të shumë shteteve përfshirë të Shteteve të Bashkuara, Kanadasë, Gjermanisë, Izraelit dhe Italisë. Ai po ashtu pritet të mbajë fjalim para Asamblesë Kombëtare të Francës.

Këshilltari për Siguri Kombëtare i Shteteve të Bashkuara, Jake Sullivan, tha do të ketë “ditë të vështira” me të cilat do të përballet Ukraina në vijim.

Sullivan foli me gazetarët në Shtëpinë e Bardhë, para se presidenti amerikan, Joe Biden, të niset për në Bruksel të mërkurën.

SHBA-ja dhe aleatët do të prezantojnë paketa të reja të sanksioneve kundër Rusisë të enjten, kur presidenti të mbajë bisedime, tha Sullivan.

Sullivan tha po ashtu se SHBA-ja nuk ka parë asnjë dëshmi se Kina po i ofron armë Rusisë.

Nga Brukseli, Biden do të udhëtojë në Varshavë të Polonisë, që gjendet në kufi me Ukrainën.

Forcat ruse në Ukrainë kanë probleme logjistike dhe po u mbarojnë ushqimet tha zëdhënësi i Pentagonit, John Kirby në një konferencë për shtyp.

"Të gjithë kemi parë ushtarë rusë duke plaçkitur supermarkete. Trupat e Moskës vazhdojnë të kenë probleme në terren. Rusia nuk ka arritur asnjë nga objektivat strategjikë që i kishte vendosur vetes. Forcat ukrainase po rifitojnë terren në jug të vendit, afër Khersonit. Ata po mbrojnë veten në një mënyrë shumë inteligjente", tha ai.

Të enjten SHBA do të shpallë sanksione të reja kundër Rusisë për sulmin e saj ndaj Ukrainës. Po ashtu të enjten është planifikuar takimi i liderëve të NATO-s dhe G7 në Bruksel, si dhe ato të Këshillit të BE-së.

Franca ka nisur një plan kombëtar për të përgatitur strehim për të paktën 100,000 refugjatë ukrainas.

"Gjithnjë e më shumë ukrainas po gjejnë strehë në Francë ose po kalojnë tranzit nëpër territorin tonë," tha kryeministri francez Jean Castex.

Më shumë se 26,000 refugjatë ukrainas kanë mbërritur në Francë që nga fillimi i luftës, sipas Castex. Midis tyre, 10.500 kanë përfituar qëndrim të përkohshëm të parashikuar nga politika e mbrojtjes së përkohshme të BE-së, e aktivizuar më 3 mars. 

Kryeministri francez u zotua gjithashtu të ndihmojë refugjatët ukrainas të integrohen më mirë në tregun e punës të Francës. 

"Ne po hyjmë në një krizë që do të zgjasë. Është nderi i vendit tonë të ofrojmë pritjen më të ngrohtë të mundshme për miqtë tanë ukrainas”, tha Castex.

Mbrojtja ukrainase rrëzoi një avion rus në Mariupol tha këshilli i qytetit, siç raportohet nga agjencia e lajmeve UNIAN .

Gazeta e pavarur ruse “Novaya Gazeta” , do të nxjerrë në ankand medaljen e Çmimit Nobel për Paqen të fituar nga kryeredaktori i saj Dmitry Muratov në ndihmë të refugjatëve ukrainas. 

Në një deklaratë të botuar në faqen e internetit të gazetës të martën, Muratov tha se shumë fëmijës të plagosur dhe të sëmurë që kërkonin trajtim urgjent e detyruan atë të ofronte medaljen prestigjioze. 

Të ardhurat që do të  fitohe nga shitja e medaljes do të shkojnë për Fondacionin e Ndihmës për Refugjatët ukrainas, një organizatë joqeveritare që përpiqet të "sigurojë mbështetje morale dhe materiale për refugjatët nga Ukraina".

Muratov, bashkëthemeluesi i Novaya Gazeta, fitoi Cmimin Nobel Për Paqe tetorin e kaluar për mbrojtjen e tij të palodhshme të lirisë së fjalës në Rusi. Në deklaratën e tij kryeredaktori theksoi nevojën urgjente për një armëpushim, shkëmbim të të burgosurve dhe sigurimin e korridoreve humanitare. 

Muratov e përfundoi deklaratën e tij duke thënë se ai po aplikonte në shtëpitë e ankandeve për një ‘përgjigje që do të ofrojë këtë çmim të njohur për të gjithë botën’ .

Të paktën një person ka mbetur i vrarë nga sulmi rus me dron në institutin shkencor në Kiev. Instituti është pjesë e Akademisë Kombëtare të Shkencave të Ukrainës, ndërsa sipas Ministrisë së Mbrojtjes Ukrainase, droni Orlan hodhi një bombë duke bërë që ndërtesa të shpërthente në flakë.  

Anonymous ka hakuar bazën e të dhënave të kompanisë më të madhe ushqimore në botë, Nestlé, për shkak se refuzoi të largohej nga tregu rus. 

Duke folur për kanalin RaiNews24, deputetja ukrainase Maria Mezentseva  ka bërë thirrje që të gjitha dëshmitë e dhunës në Ukrainë duhet të mblidhen që të jenë gati për gjykim, dhe kur lufta të mbarojë e Ukraina të jetë fituese,çdo person që është në luftë  do mbaj përgjegjësi. Ajo ka folur rreth të gjitha grave pre e dhunës dhe llojeve të tjera abuzimesh.

“Fakti që disa gra janë përdhunuar disa herë është diçka për të cilën është e vështirë të flitet, disa grave i është privuar jeta, disa janë varur. Ne po mbledhim prova dhe u jemi mirënjohës OJQ-ve ndërkombëtare dhe stafit të Gjykatës Evropiane për të Drejtat e Njeriut”, tha Mezentseva gjatë intervistës.

Polonia i kërkoi Shteteve të Bashkuara të përjashtonin Rusinë nga G20. Këtë e ka bërë të ditur ministri polak i zhvillimit Piotr Noëak në një deklaratë në të cilën ka shpjeguar se çështja do të diskutohet në takimet e planifikuara në Uashington javën e ardhshme.

SHBA dhe NATO besojnë se Bjellorusia “së shpejti”mund  t'i bashkohet Rusisë në luftën e saj kundër Ukrainës. "Bjellorusia ka gjithnjë e më shumë gjasa për të hyrë në konflikt" tha një zyrtar i NATO-s, duke theksuar se "Putini ka nevojë për mbështetje" dhe se "çdo gjë do të ndihmonte".

Clement Beaune, nënsekretar për Çështjet Evropiane i Francës tha se samiti i BE-së të enjten dhe të premten do të shërbejë gjithashtu për të përgatitur samitin e 23 BE-Kinë, i cili do të jetë një mundësi për të përballuar luftën në Ukrainë dhe për t'i kërkuar Kinës një angazhim të fortë për të maksimizuar shanset për rivendosjen e paqes.

Ministria e Punëve të Jashtme të Ukrainës, Oleg Nikolenko ka thënë se 300 mijë qytetarët e Khersonit përballen me një katastrofë humanitare për shkak të bllokadës së ushtrisë ruse dhe furnizimet ushqimore dhe mjekësore pothuajse kanë mbaruar për qytetin jugor të Ukrainës.

Nikolenko tha se Rusia po refuzon të hapë korridoret e evakuimit për civilët që të dalin jashtë. Ai bëri thirrje që “taktikat barbare të Rusisë të ndalohen para se të jetë tepër vonë".

Mbretëria e Bashkuar u ka ofruar forcave ukrainase më shumë se 4,000 sisteme raketore antitank për të ndihmuar në "rezistencën e tyre kundër agresionit rus".

Ministria e Mbrojtjes së Britanisë, përmes një postimi në Twitter, thotë se pajisjet e dërguara Armë të Lehta Anti-Tanke.

Në Twitter, Ministria e Mbrojtjes thotë se Mbretëria e Bashkuar ka "sisteme të mjaftueshme armësh për të mbrojtur sigurinë kombëtare të Mbretërisë së Bashkuar dhe për të mbajtur angazhimet tona ndaj NATO-s".

Depoja e fabrikës farmaceutike Farmak pranë Makarov, në rajonin e Kievit, u shkatërrua nga bombardimet ruse. Këtë e ka bërë të ditur një anëtar i bordit mbikëqyrës të kompanisë farmaceutike Petro Chernyshov në Facebook, cituar nga Ukrinform.

 “Me sa dimë, në këtë zonë ka pasur një betejë tankesh. Dhe magazina jonë është djegur plotësisht: kompania ka pësuar humbje të mëdha”, tha ai. Tani, sipas Chernyshov, Farmak po punon për një rikuperim, por "është e vështirë, sepse të gjitha lëndët e para dhe ambalazhet ishin në magazinë," shtoi ai.

Rusët bombarduan spitalin e fëmijëve në Severdonetsk, në rajonin e Luhanskut. Kjo u njoftua nga Kiev Independent, duke cituar Shërbimin Shtetëror të Emergjencave të Ukrainës. Çatia e spitalit ka marrë flakë, sqaron shërbimi i urgjencës, duke shtuar se 7 fëmijë dhe 15 të rritur janë evakuuar.

Sekretari i Përgjithshëm i Kombeve të Bashkuara, António Guterres ka bërë thirrje për t'i dhënë fund luftës absurde të shkaktuar nga pushtimi rus i Ukrainës, i cili po shkakton vuajtje të tmerrshme njerëzore.

Guterres e quajti luftën ‘të pafitueshme’ dhe bëri thirrje për negociata serioze gjatë një konference nga një podium në selinë e OKB-së në qytetin e Nju Jorkut këtë të martë.

"Sa ukrainas dhe rusë do të vriten para se të gjithë të kuptojnë se kjo luftë nuk ka fitues ,vetëm humbës?" pyeti ai.

Guterres tha se miliona ukrainas janë detyruar të largohen nga shtëpitë e tyre dhe se lufta nuk po shkon askund shpejt dhe se populli ukrainas po duron një ferr të gjallë.

Ai ka bërë thirrje për ndërprerjen e luftës dhe fillimin e negociatave.

Ministria e Financave të Holandës ka thënë në parlament se ka ngrirë rreth 392 milionë euro asete ruse, ndërsa priten të ngrijnë asete të tjera të Rusisë.

Edukatorët dhe mësuesit po përdorin fëmijët në mbështetje të “operacionit special” të Rusisë në Ukrainë.

Fëmijë që mbajnë shkronjën “Z” (simbolin mbi tanket ruse) në duart e tyre, janë pamjet të cilat kanë qarkulluar orë e fundit në internet.

'Presidenti i Rusisë, Vladimir Putin, ka "frikë nga e vërteta", tha të martën kritiku kryesor i tij në vend, Alexei Navalny. "Putin ka frikë nga e vërteta, këtë e kam thënë gjithmonë. Luftimi i censurës, përcjellja e së vërtetës te populli i Rusisë kanë qenë gjithmonë prioritet i joni", tha udhëheqësi i opozitës në një postim në rrjetet sociale, Ai i bëri komentet pasi një gjykatë ruse e shpalli fajtor për "përvetësim" dhe "përbuzje të gjykatës" dhe e dënoi me nëntë vjet burg. Navalny është në burg për më shumë se një vit, nën akuza të ndryshme, të cilat ai i cilëson si të motivuara politikisht.

Deputeti më i ri i Ukrainës ka folur për situatën e vështirë që po kalon, pasi e dashura e tij “bukuroshja e Kievit”, siç njihet ajo u vra nga ushtria ruse.

Sviatoslav Yurash, 26 vjeç, i pikëlluar, thotë se Alexandra Kuvshynova, 25 vjeç, me të cilën kanë qenë së bashku për më shumë se 10 vjet, u vra teksa po ndihmonte gazetarët të dokumentonin pjesë nga lufta në Ukrainë, gjatë ditës së hënë.

Producentja ukrainase Alexandra dhe kameramani i Fox News, Pierre Zakrzeësk thuhet se u vranë nga bombardimet ruse në periferi të kryeqytetit ukrainas, Kiev.

 “Ajo ishte plot jetë dhe ëndrra. I pëlqente të organizonte festivale muzikore dhe të shkruante poezi.”, tha ai.

Sviatoslav e takoi Aleksandrën në një kamp të gjuhës angleze kur ajo ishte 14 vjeç dhe ai 15.

Një super jaht i lidhur me oligarkun rus të sanksionuar tashmë, Roman Abramovich , është pritur nga protesta teksa tentoi të ankorohej në Turqi.

'My Solaris', jahti i cili kushtoi rreth 600 milion dollarë  për t'u ndërtuar,u prit në portin e Bodrumit nga protestues të rinj ukrainas në një gomone të vogël që valëvitnin flamujt ukrainas. Ata ishin pjesë e një ekipi të rinjsh me vela, i cili ishte në Turqi për të konkurruar në një garë vjetore, pasi ishte larguar nga Ukraina përpara pushtimit rus.

Abramovich, pronari i Chelsea FC, aktualisht është nën sanksionet e Mbretërisë së Bashkuar dhe të BE-së si pjesë e një goditjeje ndaj oligarkëve rusë. Të dhënat e gjurmimit tregojnë se My Solaris arriti në Turqi , ku nuk ka sanksione kundër miliarderëve ruse,  pa hyrë në ujërat territoriale të Greqisë anëtare të BE-së. Një tjetër jaht i lidhur me zotin Abramovich, Eclipse ,ka bërë gjithashtu rrugën për në Turqi.

Sipas pamjeve satelitore të paraqitura në këtë fotografi, forca ruse janë vendosur edhe në Bjellorusi, vetëm 30 kilometra nga kufiri me Ukrainën.

Ishte gazetari amerikan Jack Detch, ai i cili publikoi imazhin satelitor që tregon ngritjen e tendave dhe pajisjet e reja.

Karvani ushtarak u pa në fshatin bjellorus të Dublinit, 30 km nga kufiri i Chernihiv. Sipas Shtabit të Përgjithshëm të Forcave të Armatosura të Ukrainës, të iniciuar nga Ukrinform, kërcënimi për një sulm nga trupat e Republikës së Bjellorusisë në drejtim të Volyn është i lartë.

Një superjaht në pronësi të një miliarderi rus të sanksionuar është konfiskuar nga autoritetet e Gjibraltarit, thotë Sekretari i Transportit i Mbretërisë së Bashkuar, Grant Shapps. Jahti i përket oligarkut Dmitry Pumpyansky, kompania e prodhimit të tubave të çelikut, që furnizon gjigantin rus të gazit Gazprom.

Mbretëria e Bashkuar njoftoi sanksione ndaj Pumpyansky javën e kaluar, duke vlerësuar pasurinë e tij neto në 1.84 miliardë paund (2.44 miliardë dollarë). Sanksionet zbatohen gjithashtu në territoret jashtë shtetit të Mbretërisë së Bashkuar, duke përfshirë Gjibraltarin.

“Si sekretar transporti, unë po bëj gjithçka që mundem për të gjymtuar industrinë e aviacionit dhe transportit të Rusisë, dhe mesazhi im për Putinin dhe miqtë e tij është i qartë – nuk ka ku të fshihen”, tha Shapps.

Ambasada e SHBA-së në Kiev ka ripublikuar një lajm nga Ministria e Jashtme e Ukrainës sipas të cilit forcat e armatosura ruse kanë çuar ilegalisht 2389 fëmijë ukrainas në Rusi nga provincat Donetsk dhe Luhansk.

“Nuk është asistencë, është rrëmbim”, shkruajnë autoritetet amerikane.

Provincat Donetsk dhe Luhansk, në Donbass, janë selitë e dy republikave separatiste pro-ruse, të cilat nuk njihen nga komuniteti ndërkombëtar.

"Ne po shohim kundërsulme nga forcat ukrainase kundër Moskës." Këtë e tha zëdhënësi i Pentagonit, John Kirby në një intervistë për CNN, duke theksuar se ka “shenja” të këtyre kundërsulmeve nga Kievi. "Rusët janë në telashe," përsëriti zëdhënësi i mbrojtjes.

Rusia nuk ka ndërmend të bëjë publike përmbledhjen e pozicionit të saj në negociatat me Ukrainën. Kështu deklaroi zëdhënësi i Kremlinit, Dmitry Peskov, i cituar nga Interfax.

Publikimi i detajeve të bisedimeve mund të dëmtojë procesin e negociatave, i cili po ecën më ngadalë se sa do të ishte e dëshirueshme, tha Peskov.

Pesë persona u vranë dhe njëzet u plagosën në sulmet ajrore ruse në Ukrainën lindore.

"Në rajonin e Donetskut, Avdiivka u shënjestrua nga predha artilerie. Qyteti u rrafshua me tokë. Pesë civilë u vranë dhe 19 u plagosën," tha avokatja e popullit ukrainas Lyudmyla Denisova.

Serhiy Orlov, nënkryetar i bashkisë së Mariupolit, duke folur në një videokonferencë tha se Mariupoli është Hiroshima e dytë, vetëm se po shkatërrohet goditje pas goditje, cdo ditë.

«Gjysma e bombave që ranë në Ukrainë iu drejtuan Mariupolit. 90% e qytetit, shtëpitë e tij dhe dy infrastruktura janë dëmtuar ose shkatërruar. Është një Hiroshima e dytë. Në ndryshimin nga Hiroshima, e cila u shkatërrua në një ditë të vetme, Mariupoli po ‘shuhet’ ngadalë. Numri i qytetarëve që kanë humbur jetën deri tani është mbi 3 mijë, por statistikat tona nuk janë të sakta. Qyteti ynë çdo ditë vihet në shënjestër nga katër anije luftarake. Ajo që ne vuajmë është gjenocidi. Vladimir Putin dhe ushtria e tij po kryejnë krime kundër njerëzimit”, tha ai.

Pushtuesit rusë kanë vënë flamurin e tyre në dritaren e ndërtesës së shkatërruar nga bombardimet në Kherson.

Nga dritarja e shkatërruar e ndërtesës, e cila ngjan të jetë një institucion i qytetit duke edhe flamuri rus.

Zjarre të shumta janë shfaqur pranë termocentralit bërthamor të Çernobilit, sipas parlamentit ukrainas.

Ukraina thotë se ato ka të ngjarë të jenë shkaktuar nga granatimet e artilerisë ose zjarrvëniet në një zonë të kontrolluar nga forcat ruse.

Kjo po ngre shqetësime se tymi i rrezatimit mund të përhapet. Kështu deklaroi Shërbimi Shtetëror i Komunikimeve Speciale të Ukrainës.

Çernobili ka qenë në duart e Rusisë që nga ditët e para të pushtimit të Ukrainës, me raporte nga stafi ukrainas në termocentralit.

“Mbroni edhe paqen dhe lirinë tonë”. Kështu i tha Zelenskyt kryeministri italian, Mario Draghi. Ai kujtoi "rezistencën heroike" të popullit ukrainas që "mbron jo vetëm veten, por paqen tonë, sigurinë tonë, rendin shumëpalësh të bazuar në ligj".

“Italia ju është thellësisht mirënjohëse”, thotë kryeministri dhe shton: “Italianët kanë hapur dyert e shtëpive të tyre”.

Rusia ka humbur 15,300 personel ushtarak që kur trupat ruse pushtuan Ukrainën më 24 shkurt, pretendojnë forcat e armatosura të Ukrainës. Forcat e armatosura thanë gjithashtu se ushtria ruse ka humbur 506 tanke dhe 1,556 automjete të blinduara.

Ushtria ruse ka sulmuar spitalin psikiatrik në Mykolaiv, në Ukrainën jugore. Foto më poshtë tregojnë pasojat e granatimeve të rënda. Qyteti ka qenë objektiv i sulmeve të pamëshirshme ajrore ruse. Është e paqartë nëse ka pasur viktima në bombardimet e fundit.

Të gjithë në këmbë parlamentarët italianë në nder të Presidentit ukrainas Zelensky, i cili po mban një fjalë përshëndetëse.

"Pushtimi rus po shkatërron familje, lufta vazhdon të shkatërrojë qytetet ukrainase, disa janë shkatërruar plotësisht si Mariupoli, që kishte gjysmë milioni banorë, është si Genova, imagjinoni Genova të djegur plotësisht ": kështu tha presidenti ukrainas në lidhje me Dhomën e Deputetët.

Papa Françesku ka zhvilluar ditën e sotme një bisedë telefonike me presidentin ukrainas Volodymyr Zelensky.

"Vetëm pak minuta më parë Ati i Shenjtë telefonoi Presidentin Zelensky dhe pati një takim shumë premtues. Papa tha se po lutet dhe po bën gjithçka që është e mundur që lufta të përfundojë. Zelensky përsëriti se Shenjtëria e Tij është mysafiri më i pritur në Ukrainë", thuhet në njoftimin zyrtar.

Në Severodonetsk, në rajonin e Luganskut, rusët qëlluan mbi njerëzit të cilët po prisnin në radhë, duke vrarë disa prej tyre.

Këtë e ka denoncuar në Facebook, siç raporton Ukrainform, shefi i administratës ushtarake rajonale Serhiy Haidai.

“Përsëriteni rastin në supermarketin e Kharkiv. Kemi të vdekur dhe të plagosur, megjithëse ende nuk kemi një numër konkret. Rusët në mënyrën më cinike u marrin jetën ukrainasve! Njerëzit po prisnin të merrnin ushqime”, ka shkruar ai.

Kjo nuk është hera e parë që ushtria ruse qëllon mbi qytetarë të pafajshëm në radhët e ushqimoreve.

Presidenti Ukrainas, Volodymyr Zelensky ka firmosur një dekret të ri, ku ka vendosur që çdo ditë në orën 09:00 të mëngjesit do të mbahet 1 minutë heshtje në nderim të viktimave të luftës.

Rusët qëlluan portin në Mykolaiv, ndërsa mësohet se infrastruktura është dëmtuar rëndë. Kjo është bërë e ditur nga administrata e porteve detare të Ukrainës në Facebook, siç raporton Ukrinform.

“Infrastruktura portuale është dëmtuar rëndë. Sipas informacioneve fillestare, nuk ka viktima”, thuhet në deklaratë.

Dje Mykolaiv pësoi sulme të forta ajrore nga pushtuesit rusë. Hoteli, spitali, disa shtëpi dhe një pikë karburanti u dëmtuan, tre persona vdiqën dhe një u plagos.

Më shumë se 80 bombardime artilerie u regjistruan në Kharkiv gjatë natës. Kjo u raportua nga kreu i administratës ushtarake rajonale Oleg Sinegubov i cituar nga UNIAN.

"Ne regjistruam 84 bombardime. Në lagjet Saltivka, Danylivka, Kholodna Hora, rrethi Htz”, tha Sinegubov.

Në total, sipas kreut të Ova-s, më shumë se 600 shtëpi në Kharkiv u shkatërruan nga bombardimet. Një dron rus zbulues është rrëzuar mëngjesin e sotëm në drejtim të Chuguiv.

Amellia Anisovych, është vajza e vogël 7-vjeçare e cila performoi interpretim emocionues të hitit "Frozen" "Let It Go" për bashkëqytetarët e saj në një strehë, teksa bombat binin mbi Kiev.

Tani e vogla është e sigurt dhe zëri i saj “i lirë” tashmë dhe në paqe është dëgjuar në një skenë të madhe të Polonisë, aty ku është evakuuar për shkak të luftës.

Vajza nderoi Ukrainën me një version acappella të himnit të saj kombëtar ukrainas.

Videoja e vogëlushes është tepër emocionuese.

Në rajonin e Kharkiv, një tank rus goditi një makinë në të cilën po udhëtonte një familje. Tre persona kanë humbur jetën, mes tyre edhe një vajzë 9-vjeçare.

Lajmin e bën të ditur Prokuroria e Përgjithshme në Facebook, transmeton Ukrinform.

“Në rajonin e Kharkiv, një tank rus shtypi një makinë me një familje me dy fëmijë. Familja bërtiste se ishin civilë, duke valëvitur flamurin e bardhë, por më kot. Prindërit dhe një vajzë nëntëvjeçare kanë humbur jetën dhe një djalë 17 vjeç ka mbetur i plagosur”, thotë prokurori.

Gjatë 24 orëve të fundit, ushtaret rusë kanë shkatërruar 137 baza ushtarake dhe 14 dronë, duke përfshirë një Bayraktar TB2, nga sulmet ajrore.

Këtë e ka bërë të ditur zëdhënësi i Ministrisë së Mbrojtjes së Rusisë, Igor Konashenkov.

Që nga fillimi i pushtimit, përfundoi ai, forcat ukrainase kanë humbur 1,528 automjete të blinduara dhe 230 dronë.

Akuzat e presidentit amerikan Joe Biden se Rusia mund të përdorë armë kimike dhe biologjike, sipas Rusisë janë të gabuara.

"Deklarata të tilla janë "insinuata të gabuara". Ne nuk kemi armë të tilla”, është shprehur zëvendësministrit rus të Jashtëm, Sergei Ryabkov.

Kritiku i burgosur i Kremlinit Alexei Navalny është shpallur fajtor për mashtrim nga një gjykatë ruse. Prokurorët rusë po kërkojnë që Navalny-n të dënohet me 13 vite burg, me akuzat për mashtrim dhe përbuzje të gjykatës. Navalny, 45 vjeç, u arrestua në janar 2021 pasi u kthye në Rusi nga Gjermania ku po shërohej nga helmimi me agjent nervor - diçka që ai fajëson Kremlinin dhe që autoritetet ruse e mohojnë.

Ai është një kritik i hapur i Presidentit Putin dhe po vuan një dënim prej tre vitesh e gjysmë për akuzat se vodhi 3.5 milion £ donacione për organizatat e tij politike, të cilat ai i mohon. Navalny doli përsëri në gjyq i akuzuar për akuza të reja mashtrimi muajin e kaluar, brenda burgut të sigurisë maksimale në lindje të Moskës, ku ai është i ndaluar.

"Të paktën 82,525 kilometra katrorë të sipërfaqes së Ukrainës dyshohet se përmbajnë mjete shpërthyese"! Kështu ka deklaruar Shoqata e Inxhinierëve Ushtarakë të vendit, teksa nuk specifikuan se sa sipërfaqe tokë ka qenë 'e minuar' para pushtimit rus.

Forcat ruse duket se kanë “ngecur në vend” për shkak të avancimit të kufizuar, ka thënë Ministria britanike e Mbrojtjes në përditësimin e fundit.

Mirëpo në një postim në Twitter, është thënë se forcat ukrainase kanë vazhduar që të “zmbrapsin” tentimet ruse për të marrë kontrollin e Mariupolit – një nga qytetet ku është luftuar më së shumti prej shpërthimit të luftës.

Nëpër bunker të improvizuar po fshihen njerëzit e frikësuar nga lufta në rajonin lindor të Ukrainës Luhansk.

Në fotot e mëposhtme shihen njerëzit brenda strehimoreve, teksa bombat shpërthejnë jashtë.

Njerëzit duke gatuar 

Gazeta pro Kremlinit, Komsomolskaya Pravda (KP), ka publikuar një artikull në të cilin e ka cituar Ministrinë ruse të Mbrojtjes që ka thënë se 9,861 ushtarë rusë kanë vdekur gjatë luftës në Ukrainë. Ndërkaq, numri i të plagosurve u tha se ishte 16,153. Disa minuta më vonë, ky artikull është fshirë nga ueb-faqja e kësaj media. Ndërkaq, redaktori i Komsomolskaya Pravda, i tha BBC-së se ky informacion i postuar në ueb-faqen e këtij mediumi, ishte rezultat i një hakimi dhe tha se gazeta do të publikonte një shpjegim më vonë.

"Çdo ndryshim në Kushtetutë për garancitë e sigurisë për Ukrainën do të hidhet në referendum", kështu është shprehur presidenti ukrainas Volodymyr Zelensky në një intervistë për mediat. Sipas tij, ky është një vendi me rëndësi historike, e për pasojë, vendimi duhet të merret nga të gjithë bashkë.

"Ky është një proces i gjatë që do të vendoset nga Parlamenti dhe populli ukrainas . U shpjegova negociatorëve tanë në bisedime se kur bëhet fjalë për ndryshime dhe këto mund të jenë me rëndësi historike, nuk ka rrugë tjetër veçse të mbaj një referendum”, tha Zelensky.

Një nga kushtet që kërkon Moska është ndryshimi i Kushtetutës duke përcaktuar se Ukraina nuk do të bëhet pjesë e asnjë blloku perëndimor si NATO apo Bashkimi Evropian.

Presidenti ukrainas Volodymyr Zelensky i ka bërë sërish propozim homologun të tij rus Vladimir Putin për një takim, në çdo format, duke thënë se ai është i gatshëm të diskutojë statusin e republikave rusishtfolëse të Ukrainës dhe Krimesë.

Ai theksoi se pa këtë takim është e pamundur të kuptohet realisht se çfarë rusët janë të gatshëm të bëjnë për të ndaluar luftën.

"Çështja e Krimesë dhe e Donbasit është një histori shumë e vështirë për të gjithë. Duhen garanci sigurie dhe të përfundoi armiqësia. Pasi të hiqet kjo bllokadë, le të flasim për të. Duhet të bëjmë gjithçka që Donbasi dhe Krimea të kthehen tek ne. Çështje kohe? Po, por të ndalosh luftën tani, ky është problemi.", tha ai.

Kujtojmë se vetëm disa ditë më parë Putin lajmëroi se nuk do të ketë një takim “tani për tani” me Zelenksyn. Ai i vuri theksin faktit se për të zhvilluar një takim, duket patjetër të këtë një marrëveshje të nënshkruar mes dy palëve.

Rusia dyshon se Shtetet e Bashkuara do të jenë në gjendje të ndikojnë në Kiev për ta bindur atë të marrë një pozicion më konstruktiv. Kështu deklaroi zëvendësministri i Jashtëm Serghei Ryabkov, duke i bërë thirrje Uashingtonit që të ndalojë së kërcënuari Rusinë.

Ushtria ruse është akuzuar shpesh këto 27 ditë të luftës për përdorimin e armëve dhe municioneve të ndaluara, megjithëse Putin dhe përfaqësuesit e tij e kanë mohuar.

Oleksiy Biloshitskiy, një qytetar i Kramatorsk që i mbijetoi sulmit në qytetin e tij, përmes një videoje të cilën e publikoi në rrjetet sociale na tregoi municionet e ndaluara të forsforit që përdorin rusët në këtë luftë.

Në raportin e saj të fundit operacional të lëshuar këtë mëngjes, ushtria e Kievit thekson se "sipas informacioneve të disponueshme, forcat pushtuese ruse që veprojnë në Ukrainë kanë furnizime me municion dhe ushqim për jo më shumë se tre ditë".

Rreth 900 refugjatë ukrainas që ikin nga pushtimi rus kanë hyrë në Brazil që nga 17 marsi, sipas Policisë Federale të Brazilit. 

Nga ata 894 refugjatë, 28 persona kanë aplikuar deri më tani për të qëndruar në Brazil, tha policia.

Presidenti brazilian Jair Bolsonaro nënshkroi një urdhër ekzekutiv më 3 mars që lejon qytetarët ukrainas të qëndrojnë në Brazil deri në 90 ditë pa vizë dhe vendosin viza humanitare 180-ditore për ukrainasit.

Më pas, ukrainasit mund të aplikojnë për viza afatgjata braziliane.
 

Ministria e Mbrojtjes e Moskës thotë se ushtria ruse ka dërguar 20 tonë ndihma humanitare në qytetin e Melitopol, shkruan La Repubblica. Sipas ministrisë, ngarkesa e dorëzuar përfshinte artikuj thelbësorë, ushqim për fëmijë, drithëra, mish dhe peshk të konservuar dhe perime.

Sirenat e sulmeve ajrore janë aktivizuar në qytetet e Sumy, Mykolaiv, Ternopil, Poltava, Kirovohrad, Kharkiv, Zaporizhzhia, Lviv, Ivano-Frankivsk, Zakarpattya, Chernivtsi, Dnipropetrovsk, Rivne, Volyn, Cherkasy, Khmelnytsky, dhe Odeskians, shkruan The Kyiev Independente.

Ambasada ruse në SHBA i është përgjigjur raporteve për të ashtuquajturat "kampe filtrimi" të krijuara nga forcat ruse në Mariupol.

Ai pason pretendimet e kryetarit të bashkisë së Mariupolit, Vadim Boychenko, se mijëra banorë ishin dërguar në kampe, ku forcat ruse sekuestruan telefonat dhe dokumentet e tyre, përpara se t'i deportonin me forcë në Rusi.

Por ambasada thotë se Rusia po operon vetëm pika kontrolli "për të shmangur operaciont e devijimit" nga ushtria ukrainase dhe për të lejuar forcat ruse të "inspektojnë me kujdes mjetet motorike që shkojnë në rajone të sigurta".

“Ushtria ruse nuk krijon asnjë pengesë për popullatën paqësore, por i ndihmon ata të qëndrojnë gjallë, duke siguruar ushqim dhe ilaçe”, shtohet në deklaratë.
 

Japonia kritikoi të martën vendimin e Rusisë për t'u tërhequr nga bisedimet dypalëshe të traktatit të paqes dhe për të pezulluar projektet e përbashkëta ekonomike në lidhje me ishujt e diskutueshëm.

Rusia dhe Japonia ende nuk i kanë përfunduar zyrtarisht armiqësitë e Luftës së Dytë Botërore për shkak të përplasjes mbi ishujt që ndodhen pranë ishullit më verior të Japonisë, Hokkaido. Ata njihen në Rusi si Kurilët dhe në Japoni si Territoret Veriore.

Vendimi i Moskës për t'u tërhequr nga bisedimet vjen si hakmarrje ndaj sanksioneve të vendosura nga Tokio për pushtimin rus të Ukrainës.

Ishujt u pushtuan nga Bashkimi Sovjetik në fund të Luftës së Dytë Botërore dhe Rusia pretendon se blerja ishte po aq e drejtë sa çdo ndryshim ndërkombëtar i kufijve pas luftës. Japonia e ka kundërshtuar këtë.

“E gjithë kjo situatë është krijuar nga pushtimi i Ukrainës nga Rusia dhe përgjigja e Rusisë për ta shtyrë këtë në marrëdhëniet Japoni-Rusi është jashtëzakonisht e padrejtë dhe krejtësisht e papranueshme”, tha kryeministri japonez Fumio Kishida.

Japonia ka vendosur këste sanksionesh ndaj 76 individëve rusë, shtatë bankave dhe 12 organeve të tjera, duke përfshirë zyrtarë të mbrojtjes dhe eksportuesin shtetëror të armëve, Rosoboronexport.

Sipas komandës ushtarake të forcave ukrainase, cituar nga Kyiv Independent, trupat e Kievit kanë çliruar qytetin e Makariv, i cili ndodhet 60 kilometra në perëndim të kryeqytetit.

Forcat ruse arritën të zmbrapseshin dhe flamuri ukrainas do të valëvitej sërish në qytet.
 

Përdorimi i supozuar i raketës së saj hipersonike nga Rusia ka të ngjarë të synojë "të zvogëlojë mungesën e avancimit" në fushatën e saj tokësore, ka thënë Ministria e Mbrojtjes e Mbretërisë së Bashkuar.

Gjatë disa ditëve të fundit, Rusia ka pretenduar se ka gjuajtur raketa hipersonike, për herë të parë ndonjëherë në luftime, në objektiva në Ukrainën Perëndimore.

Zyrtarët rusë pretendojnë se raketa, e njohur si Kinzhal, mund të godasë objektivat deri në 2,000 km (1,240 milje) larg me shpejtësi mbi 6,000 km/h.

Ministria e Mbrojtjes e Mbretërisë së Bashkuar, megjithatë, vlerëson se raketat nuk kanë gjasa të "ndikojnë materialisht në rezultatin" e fushatës së Rusisë në Ukrainë.

Këtu janë zhvillimet më të fundit nga lufta në Ukrainë:

-Presidenti i SHBA Joe Biden beson se "Vladimir Putin është me shpinë pas murit", duke rritur potencialisht shanset që Rusia të përdorë armë kimike ose biologjike

-Shtëpia e Bardhë ka paralajmëruar se Rusia gjithashtu mund të përdorë sulme kibernetike për t'iu përgjigjur sanksioneve gjithnjë e më të dëmshme.

-Presidenti ukrainas Volodymyr Zelensky thotë se forcat e vendit të tij kanë "frenuar" avancimin e armikut, me analistët ushtarakë që thonë se fushata ruse ka ngecur mes humbjeve të mëdha dhe çështjeve logjistike.

-Qeveria amerikane tha se po mbledh në mënyrë aktive prova të krimeve të luftës në Ukrainë
 

Sipas raportit të fundit operacional të ushtrisë ukrainase të sapo publikuar, forcat ruse po ruajnë korridorin tokësor me Krimenë dhe po bllokojnë hyrjen në Detin Azov. Qyteti i Sumy është gjithashtu pjesërisht i bllokuar, ndërsa bombardimet me artileri vazhdojnë në qytetin e Kharkiv. 

Raporti, i cituar nga Guardian, gjithashtu pretendon se Rusia po kryen "fushatë propagandistike agresive" që synojnë ushtrinë bjelloruse për t'iu bashkuar pushtimit ushtarak të Ukrainës. 

Forcat ruse vazhdojnë të përdorin rrjetin e aeroporteve të Republikës së Bjellorusisë dhe po përpiqen të rindërtojnë seksionin hekurudhor nga Valuyki në Kupyansk në mënyrë që të përmirësojnë logjistikën e grupit, shtoi Ministria e Mbrojtjes e Ukrainës. 

Forcat ukrainase thonë se dje kanë penguar 13 sulme të armikut dhe kanë shkatërruar 14 tanke, tetë automjete luftarake të këmbësorisë, dy automjete të blinduara të lehta për shumë qëllime, tre sisteme artilerie dhe katër automjete të përgjithshme, ndërsa njësitë e mbrojtjes ajrore goditën dy objektiva të armikut. Rusët thuhet se humbën rreth 300 anëtarë të stafit, shkruan Corriere.

Presidenti ukrainas Volodymyr Zelensky thotë se forcat e vendit të tij kanë arritur të mbajnë larg Rusinë.

Zelensky tha se ndërsa rusët janë përpjekur të avancojnë "ngadalë", por përpjekjet e tyre deri më tani janë zmbrapsur dhe forcat e tyre janë "përmbajtur". shkruan BBC.

Zelensky gjithashtu pretendoi se një tjetër aeroplan rus ishte rrëzuar nga forcat ukrainase në rajonin e Kharkiv.

Në një video të postuar në Telegram herët të martën, presidenti ukrainas Volodymyr Zelensky i quajti pilotët ushtarakë rusë jo njerëzorë duke thënë: "Ata patjetër kanë zbrazëti në vend të zemrës. Në vend të shpirtit. Në vend të gjithçkaje që e bën njeriun, njerëzimin." 

Pa ofruar prova, Zelensky gjithashtu pretendoi se trupat ruse goditën rajonin Zhytomyr me raketa të martën dhe se një avion rus u rrëzua në rajonin e Kharkiv pranë Chuhuiv.

"Ushtria jonë tashmë ka rrëzuar aq shumë avionë dhe helikopterë rusë, saqë mund të pyesim veten se çfarë kanë pilotët e tyre në vend të mendjes? A është edhe zbrazëti?" tha ai.

Zelensky tha gjithashtu, në Kherson, "pushtuesit qëlluan mbi njerëzit që dolën paqësisht në rrugë pa armë në një tubim për lirinë e tyre. Për lirinë tonë.

"Ushtarët rusë as nuk e dinë se si është të jesh i lirë. Ata u çuan këtu, të them të drejtën, si të dënuar. I dënuar me vdekje, i dënuar me turp”.

Zelensky shtoi se civilët u sulmuan gjithashtu në rajonin e Zaporizhzhia. "Katër fëmijë u shtruan në spital. Dy janë në gjendje të rëndë," tha ai. 

Presidenti falënderoi të gjithë ata që punuan për të ndihmuar korridoret e evakuimit, duke thënë se më shumë se 8,000 njerëz u shpëtuan të hënën. "Faleminderit për të gjithë ata që e bënë këtë, që punuan për njerëzit. Ne gjithashtu arritëm të dërgojmë 200 tonë ndihma humanitare," tha ai.
 

925 civilë janë vrarë në Ukrainë që nga fillimi i pushtimit rus, sipas një përditësimi nga zyra e OKB-së (OHCHR).

Midis të vdekurve janë 11 vajza, 25 djem dhe 39 fëmijë të tjerë, gjinia e të cilëve nuk dihet, tha OHCHR. Sipas agjencisë, të paktën 1,496 civilë janë lënduar.

"Shumica e viktimave civile të regjistruara u shkaktuan nga përdorimi i armëve shpërthyese me një zonë të gjerë ndikimi, duke përfshirë bombardimet nga artileria e rëndë dhe sistemet e raketave me shumë lëshime, si dhe sulmet ajrore," tha OHCHR.

Zyra paralajmëroi se shifrat aktuale ka të ngjarë të jenë "dukshëm më të larta" veçanërisht ditët e fundit "pasi marrja e informacionit nga disa vende ku kanë ndodhur luftime intensive është vonuar dhe shumë raporte janë ende në pritje të vërtetimit".
 

Rusia është tërhequr nga bisedimet e traktatit të paqes me Japoninë dhe ka ngrirë projektet e përbashkëta ekonomike në lidhje me ishujt e diskutueshëm Kuril për shkak të sanksioneve të vendosura nga Tokio mbi situatën me Ukrainën. 

Rusia dhe Japonia ende nuk i kanë përfunduar zyrtarisht armiqësitë e Luftës së Dytë Botërore për shkak të përplasjes mbi ishujt pranë ishullit më verior të Japonisë, Hokkaido, i njohur në Rusi si Kurils dhe në Japoni si Territoret Veriore. 

Ishujt u pushtuan nga sovjetikët në fund të Luftës së Dytë Botërore. 

"Në kushtet aktuale Rusia nuk ka ndërmend të vazhdojë negociatat me Japoninë për një traktat paqeje," tha Ministria e Jashtme ruse në një deklaratë, duke përmendur "pozicionet e hapura jomiqësore të Japonisë dhe përpjekjet për të dëmtuar interesat e vendit tonë". 

Kryeministri japonez Fumio Kishida tha se ai kundërshtoi me forcë vendimin e Rusisë, duke e cilësuar atë "të padrejtë" dhe "plotësisht të papranueshëm". 

Javën e kaluar, Japonia njoftoi planet për të hequr statusin tregtar të Rusisë, për të zgjeruar fushën e ngrirjes së aseteve kundër elitave ruse dhe për të ndaluar importet e produkteve të caktuara. 

Operacionet ruse në Ukrainë vazhdojnë të jenë kryesisht të bllokuara dhe të rrënuara nga çështje logjistike, sipas një vlerësimi nga Instituti për Studimin e Luftës me qendër në SHBA.

Në përmbledhjen e përditshme të fushatës, instituti vuri në dukje se forcat ruse nuk kryen asnjë operacion sulmues pranë Kievit të hënën, dhe në vend të kësaj përforcuan pozicionet e tyre mbrojtëse.

Në mënyrë të ngjashme, forcat ruse në Ukrainën verilindore mbetën të ndenjura dhe nuk kanë qenë në gjendje të zgjidhin çështjet e logjistikës, tha instituti.

Në Mariupol, nga ana tjetër, instituti beson se forcat ruse kanë bërë "përparim të ngadalshëm por të qëndrueshëm" dhe kanë granatuar infrastrukturën civile. Instituti beson se qyteti do të bjerë diku në javët e ardhshme.

Përveç kësaj, instituti tha se Rusia është detyruar të vendosë rezerva "të cilësisë së ulët", duke përfshirë "njësi të gatishmërisë së ulët" nga Lindja e Largët e Rusisë, për të zëvendësuar humbjet në njësitë luftarake të vijës së parë.

"Ne nuk kemi parë asnjë tregues që bjellorusët po përgatiten të hyjnë në Ukrainë ose se ata kanë marrë masa për këtë", tha një zyrtar i lartë i Pentagonit gjatë një konference, shkruan Corriere.
 

Hungaria është shprehur kundër krijimit të një zone të ndaluar fluturimi mbi Ukrainë dhe vendosjes së paqeruajtësve atje. Autoritetet e vendit gjithashtu nuk e mbështesin vendosjen e një embargoje ndaj energjisë ruse. Kështu deklaroi ministri i Jashtëm Peter Sijarto, raporton Hirado.

Sipas tij, vendosja e zonës së ndalim-fluturimit mbi Ukrainë do të nënkuptojë një luftë ajrore. Ministri sheh gjithashtu rrezik në dërgimin e misioneve paqeruajtëse në Ukrainë.

"Ne duhet ta shmangim këtë. Interesi i Hungarisë është i qartë: Hungaria dëshiron të qëndrojë larg kësaj lufte, ne do t'i përmbahemi qëndrimit të përbashkët të NATO-s dhe do të refuzojmë propozimet që rrezikojnë të çojnë ose në luftë ajrore ose në luftë të zgjatur në terren," tha Siarto.

Ai tha se vendi i tij nuk do të bllokojë furnizimin me armë për Ukrainën nga anëtarët e tjerë të BE-së, por nuk do ta bëjë këtë vetë.

Përveç kësaj, ministri foli kundër sanksioneve të BE-së kundër furnizimit me energji ruse, pasi kjo "kërcënon sigurinë e furnizimit me energji të Hungarisë".
 

Shtëpia e Bardhë ka lëshuar një paralajmërim të ri për bizneset amerikane për sulme të mundshme kibernetike nga Rusia.

Në një deklaratë, Presidenti Biden tha se administrata e tij po përsëriste paralajmërimet e mëparshme "bazuar në inteligjencën në zhvillim se qeveria ruse po eksploron opsione për sulme të mundshme kibernetike".

Shtëpia e Bardhë tha se ishte një moment "kritik" për të rritur mbrojtjen.

Në veçanti, ka pasur shqetësime se Rusia mund të hakmerret për sanksionet duke u kundërpërgjigjur ekonomive amerikane dhe perëndimore përmes sulmeve kibernetike, shkruan BBC.

Por deri më tani këto sulme nuk janë realizuar.

Por ky paralajmërim i fundit sugjeron se inteligjenca amerikane ka parë disa indikacione të aktivitetit rus në rrjetet kompjuterike që mund të jenë si përgatitje për një lloj sulmi, megjithatë, ata pranojnë se kjo nuk do të thotë se një sulm i tillë do të ndodhë patjetër.
 

Më shumë se një milion doza ilaçesh janë ndër artikujt më të fundit mjekësorë që do të dërgohen në Ukrainë për të ndihmuar njerëzit e lënduar në pushtimin rus.

Një fluturim i 11-të për në vendin e shkatërruar nga lufta u nis nga Mbretëria e Bashkuar të hënën, duke mbajtur më shumë se 100,000 pako me ilaçe, duke përfshirë qetësues të fortë kundër dhimbjeve. 

Dërgesa e fundit po përmban rreth 120,000 pako, që barazohen me më shumë se 1.5 milion doza, ilaçe që u kërkuan urgjentisht nga Ukraina, shkruan Sky News.

Qeveria e Mbretërisë së Bashkuar tha se 3.7 milionë artikuj mjekësorë tani i janë dhuruar vendit, si pjesë e përgjigjes së saj humanitare ndaj pushtimit.
 

Presidenti i Ukrainës, Volodymyr Zelenskyy i ka bërë thirrje publikut që të “largojnë pushtuesit nga vendi”.

Duke folur në një video të postuar në llogarinë në Tëitter të Shërbimit Shtetëror të Komunikimeve Speciale dhe Mbrojtjes së Informacionit të Ukrainës (SSCIP), lideri lavdëroi njerëzit në qytetet të cilët ndodhen nën sulmin e forcave ruse.

Më herët sot, trupat ruse u akuzuan se përdorën granata trullosëse dhe gjuajtje me armë për të shpërndarë një tubim të protestuesve pro-ukrainas në Kherson. 

Qyteti port-jugor u pushtua herët në luftën gati njëmujore, dhe Moska pretendon se kontrollon rajonin Kherson.

Duke komentuar incidentin në video, Zelenskyy tha: "Në Kherson, sot pamë skllevër që qëllonin mbi njerëzit e lirë.

Ai shtoi më tej: “Këta skllevër me armë në duar të dërguar nga Rusia, nuk kanë parë kurrë kaq shumë njerëz të lirë në sheshe dhe rrugë. Ata nuk kanë parë kurrë mijëra njerëz që nuk kanë frikë prej tyre”. 
 

Presidenti amerikan Joe Biden konfirmoi të hënën se Rusia ka përdorur raketa hipersonike në pushtimin e saj të Ukrainës fqinje.

"Dhe nëse do ta vini re, Rusia ka lëshuar raketën hipersonike, sepse është e vetmja gjë që ata mund të kalojnë pa siguri absolute," tha Biden.

Biden, duke folur para një grupi të mbledhur në Takimin Tremujor të CEO-s së Tryezës së Rrumbullakët të Biznesit, tha: “Presidenti rus Vladimir Putin e ka shpinën pas murit, ai nuk e parashikoi shtrirjen apo forcën e unitetit tonë dhe aq më shumë që shpina e tij është pas murit, aq më e madhe është ashpërsia e taktikave që ai mund të përdorë,” shkruan CNN.

Biden përshkroi një seri burimesh që SHBA-ja ka vendosur në Ukrainë dhe aleatët e NATO-s në rajon, duke detajuar 2 miliardë dollarë financime vetëm për NATO-n dhe burime të rëndësishme ushtarake për Ukrainën, të cilat ai tha se "po i bëjnë kërdinë ushtrisë ruse, pavarësisht nëse janë tanket e tyre, helikopterët ose avionët e tyre.” 

“Ideja që ata nuk kanë mjaftueshëm pajisje të sofistikuara është thjesht jo e saktë dhe nuk do të gjej kohë për të hyrë në të gjitha detajet këtu, por çështja është se ata kanë çdo pajisje, e çdo pjesë të pajisjeve, "u tha Biden CEO-ve.

Presidenti përsëriti paralajmërimet se Rusia ka të ngjarë të kryejë "operacione me flamur të rremë", duke përfshirë mundësinë e një sulmi me armë kimike në Ukrainë.

“Sa herë që ai fillon të flasë për diçka që mendon se NATO, Ukraina ose Shtetet e Bashkuara do të bëjnë, kjo do të thotë se ai po përgatitet për ta bërë atë. Nuk është një shaka, "tha Biden.
 

"Pushtuesit rusë hapën zjarr në një spital për fëmijë në Severodonetsk: pacientët dhe stafi u evakuuan menjëherë". 

Këtë e ka bërë të ditur kreu i administratës ushtarake rajonale të Luhanskut në Telegram, transmeton Ukrinform. 

"Sot, 'paqja ruse' trokiti në derën e fëmijëve: monstrat rusë hapën zjarr në një spital për fëmijë në Severodonetsk. Si rezultat, çatia mori flakë. Për fat të mirë, të gjithë pacientët e rinj, nënat dhe stafi i tyre u evakuuan menjëherë".
 

Nëse sapo po na bashkoheni në mesnatë, këtu janë më të fundit nga lufta në Ukrainë:

-Të paktën tetë persona janë vrarë nga bombardimet ruse në rrethin Podil të Kievit, sipas prokurorit të përgjithshëm të Ukrainës; 

-Deputeti ukrainas thotë se forcat ruse "po qëllojnë civilët pa pikë" në Kiev ndërsa kryeqyteti është nën shtetrrethim; 

-Civilët u qëlluan nga forcat ruse në Kherson të pushtuar ndërsa protestonin; 

-Mariupol refuzon thirrjet ruse për t'u dorëzuar në këmbim të kalimit të sigurt nga qyteti;

-Udhëheqësi i rajonit separatist pro-rus të Donetskut thotë se ai "nuk është optimist" se trupat ruse mund të marrin Mariupolin në ditët në vijim;

-Ministria e Punëve të Jashtme e Ukrainës pretendon se Rusia deri tani ka humbur tani 15,000 personel ushtarak që nga fillimi i pushtimit;

-Marrëdhëniet Rusi-SHBA "në prag të kolapsit" pas deklaratave të presidentit amerikan Joe Biden për Vladimir Putin;

-Pothuajse 6.5 milionë njerëz janë zhvendosur në Ukrainë, thotë OKB;

-Tabloidi rus pretendon se ishte hakuar pasi raportoi se 9,861 trupa janë vrarë në Ukrainë. 
 

Presidenti i Ukrainës Volodymyr Zelenskyi tha se me fillimin e luftës, i gjithë rrethi dhe partnerët e tij e këshilluan atë të largohej nga territori i Ukrainës.

"Të gjithë thanë se duhej të largohesha urgjentisht. Të gjithë. Unë kisha një telefonatë, një mesazh ose një telefonatë çdo 10-20 minuta për tre ditë që duhej të largohesha urgjentisht. Dhe ka njerëz që erdhën për mua. Nuk mund t'ju tregoj as të gjitha takimet e mia," tha Zelensky.

Më herët është raportuar se presidenti ukrainas, Volodymyr Zelensky, u kishte mbijetuar tashmë më shumë se dhjetë tentativave për vrasjen e tij. 
 

Mariupoli, qyteti më i bombarduar në luftën e Ukrainës me Rusinë është çelësi i fushatës ushtarake të Moskës. Por përse?

Sigurimi i një korridori tokësor midis Krimesë dhe Donbasit: Mariupol qëndron në rrugën e forcave ruse që kanë kryer shpërthime nga gadishulli i Krimesë. Ata po shtyjnë veri-lindjen në përpjekje për t'u lidhur me aleatët e tyre separatistë në rajonin Donbas të Ukrainës lindore.

Mbytja e ekonomisë së Ukrainës: Në kohë normale, Mariupol është një qendër kryesore e eksportit për çelikun, qymyrin dhe misrin e Ukrainës që shkojnë për blerësit në Lindjen e Mesme dhe më gjerë. Humbja e Mariupolit do të ishte një goditje e madhe për atë që ka mbetur nga ekonomia e Ukrainës.

Mundësi propagande: Mariupol është shtëpia e një njësie të ukrainase të quajtur Brigada Azov, e cila përmban ekstremistë të ekstremit të djathtë, përfshirë neo-nazistët. Edhe pse ata përbëjnë vetëm pjesën më të vogël të forcave luftarake të Ukrainës, kjo i ka dhënë Moskës një pretekst për t'i thënë popullatës ruse se të rinjtë që ajo ka dërguar për të luftuar në Ukrainë janë atje për të pastruar fqinjin e tyre nga neo-nazistët.

Rritje e madhe morale: Një fitore ruse në Mariupol do t'i mundësonte Kremlinit t'i tregonte popullatës së tij, përmes mediave të kontrolluara nga shteti, se Rusia po i arrinte qëllimet e saj dhe po bënte përparim. Por për ukrainasit, humbja e Mariupolit do të ishte një goditje e madhe.

Vladimir Putin u krahasua me Adolf Hitlerin pas raportimeve se trupat e tij pushtuese po deportonin me forcë ukrainasit në kampet e këqija dhe të largëta të punës në Rusi.

Deri në 5,000 banorë u larguan nga qyteti i rrethuar i Mariupolit, me shumë prej tyre u dërguan në Taganrog në Rusinë jugperëndimore për të mbështetur pretendimin e çmendur të Putinit se ai po "çlironte" Ukrainën, shkruan The Sun.

Kryebashkiaku i Mariupolit Vadym Boychenko i krahasoi veprimet e Moskës me "ngjarjet e tmerrshme të Luftës së Dytë Botërore, kur nazistët kapnin me forcë njerëzit".

Pavlo Kyrylenko, kreu i administratës rajonale të Donetskut, tha: "Okupatorët po i dërgojnë banorët e Mariupolit në kampet e filtrimit, duke kontrolluar telefonat e tyre dhe duke sekuestruar dokumentet e tyre ukrainase".

Deputetja ukrainase Inna Sovsun tha dje për Times Radio se njerëzit po dërgoheshin në "pjesë shumë të largëta të Rusisë" dhe "detyruan të nënshkruanin dokumente duke thënë se ata do të qëndrojnë në atë zonë për dy ose tre vjet dhe do të punojnë falas në ato zona".

E pyetur nëse kjo ishte punë e skllevërve, ajo tha: “Po është."

Duke dënuar "sulmin e egër dhe barbar të Kremlinit ndaj civilëve të pafajshëm", Boris Johnson bëri gjithashtu një krahasim të drejtpërdrejtë me veprimet e nazistëve nën udhëheqjen e Adolf Hitlerit në vitet 1940.

Forcat e Putinit kanë detyruar dhjetë milionë ukrainas të largohen nga shtëpitë e tyre, shkruan më tej The Sun.

Presidenti i Ukrainës, Volodymyr Zelensky, tha në një fjalim të hënën se qyteti port ukrainas i Mariupolit po “shndërrohet në hi” nga agresioni ushtarak i Rusisë, por shtoi se qyteti do të “mbijetojë”.

Mariupoli, qyteti i cili para luftës ishte shtëpia e rreth 450,000 njerëzve, ka qenë pothuajse nën sulm të vazhdueshëm nga forcat ruse që nga fillimi i marsit me imazhet satelitore që tregojnë shkatërrime të konsiderueshme në zonat e banuara. 

Shefi i politikës së jashtme të Bashkimit Evropian, Josep Borrell, tha të hënën se "ajo që po ndodh në Mariupol është një krim masiv lufte".

Zelensky në fjalimin e tij vazhdoi të nxiste përsëri ukrainasit që "të bëjnë gjithçka që munden për të mbrojtur vendin tonë, për të shpëtuar popullin tonë". 

Që kur pushtimi rus i Ukrainës filloi në fund të shkurtit, “ne po shohim gjithnjë e më shumë heronj ukrainas. Dikur ukrainas të zakonshëm dhe tani luftëtarë të vërtetë”, tha ai. 

"Luftoni, vazhdoni të luftoni dhe ndihmoni," u kërkoi ai ukrainasve.  

Departamenti Amerikan i Mbrojtjes ka akuzuar Rusinë për kryerjen e krimeve të luftës në Ukrainë, duke thënë se ka "prova të qarta" që po ndodhin vepra të tilla. 

Gjatë një konference për shtyp, Pentagoni tha se do të ndihmonte në mbledhjen e provave të mizorive. 

"Ne sigurisht shohim prova të qarta se forcat ruse po kryejnë krime lufte dhe ne po ndihmojmë në mbledhjen e provave për këtë," tha zëdhënësi i Pentagonit, John Kirby. 

Ai tha se SHBA do të kontribuojë në procesin hetimor, por shtoi: "Për sa i përket asaj që do të dalë nga kjo, ky nuk është një vendim që do të merrte udhëheqja e Pentagonit."

Në fillim të këtij muaji, Mbretëria e Bashkuar dhe 37 vende të tjera referuan Rusinë te prokurori i Gjykatës Penale Ndërkombëtare (ICC) për të hetuar " krimet e luftës në Ukrainë" në referimin më të madh në historinë e GJPN-së.