Qëlloi në ajër, arrestohet efektivi i policisë në Tiranë, i gjenden në banesë dy armë pa leje dhe municion

Qëlloi në ajër, arrestohet efektivi i policisë në Tiranë, i gjenden në banesë dy armë pa leje dhe municion

Foto ilustruese

TIRANË- Një efektiv policie ka rënë në pranga pasi ka qëlluar në ajër me armë zjarri pa leje.

Operacioni është kryer nga Agjencia e Mbikëqyrjes Policore (ish-SHÇBA). Mësohet se efektivit i janë gjetur në shtëpi dy armë pa leje dhe municion luftarak.

Report Tv mëson se efektivi i policisë shërbente në komisariatin nr.1 në Tiranë dhe quhet Taulant Balla.

 “Në vijim të hetimeve të procedimit penal të vitit 2022, regjistruar nga Prokuroria pranë Gjykatës së Shkallës Parë Tiranë për veprën penale “Mbajtje pa leje dhe prodhimi i armëve shpërthyese dhe municioneve” si edhe “Prishja e qetësisë publike”, në ngarkim të 47-vjeçarit T.B., punonjës policie me detyrë Patrullë e Përgjithshme, pranë Komisariatit të Policisë Nr. 1, Tiranë, u krye ekzekutimi i vendimit të Gjykatës për kontrollin e banesës së tij. Nga kontrolli u gjetën dhe sekuestruan në cilësinë e provës materiale 2 armë zjarri automatike dhe një sasi fishekësh.

Efektivi dyshohet se qëllonte me armët e zjarrit në ajër, në kohë të ndryshme. Për të provuar këto dyshime, AMP zhvilloi disa javë hetime. Nën drejtimin e Prokurorisë, Agjencia e Mbikëqyrjes Policore arrestoi në flagrancë punonjësin e policisë, për dy vepra penale. AMP shpreh vendosmërinë për të luftuar pa kompromis e goditur paligjshmërinë, në përpjekjen e pandalshme për të ndërtuar një trupë policore profesionale e me integritet të lartë”, ka Agjencia e Mbikëqyrjes Policore.

SI.E./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xhixhi: 20/04/2022 07:21

    Policet tane. Rrugecer.

    Përgjigju
  • Sondazhi i ditës:

    Si i vlerësoni mesazhet që dha Rama në takimin me diasporën në Athinë?



×

Lajmi i fundit

Ja një Femër që Nënë nuk u bë kurrë

Ja një Femër që Nënë nuk u bë kurrë