POP 5

Lajmet më të lexuara të 5 minutave të fundit

Sociale

Qendra shëndetësore Paskuqan 2, me lagështi, suva të rënë e dysheme të dëmtuar! Qytetarët: Kushte të rënda! 60 objekte në rikonstruksion

60 qendrat shëndetësore në Shqipëri do t’i nënshtrohen rikonstrusionit të plotë, pasi nuk kanë as kushtet minimale për të funksionuar normalisht. Report Tv ishte në njërën prej tyre që ndodhen në Paskuqan për të parë më gjendjen e saj.

Qendrat shëndetësore në vend nuk ofrojnë gjithmonë kushtet dhe standardet e duhura për qytetarët. Sot ndodhemi në qendrën shëndetësore Paskuqan 2 për të treguar kushtet. Që në ambientet e jashtme, duket qartë prezenca e lagështirës në fasadë. Situata në brendësi të kësaj qendre shëndetësore është edhe më e keqe. Suvatë janë të dëmtuara, e po ashtu edhe dyshemeja.

Në godinën dykatëshe janë 2 tualete, njëra prej të cilave ka nevojë për zëvendësim total të pajisjeve hidrosanitare dhe aksesorëve përkatës. Nga ana tjetër, në disa ambiente të qendrës shëndetësore “Paskuqan 2” mungon edhe sistemi i ngrohjes dhe kondicionimit. Qytetarët tregojnë se me stafet mjekësore që shërbejnë në këtë qendër janë të kënaqur, por jo me kushtet e saj.

“S’jam e kënaqur për kushtet jashtë fare. As brenda nuk ka rregull, por megjithatë infermierët dhe mjekët janë shumë të mirë. Kushtet shumë keq, jo mirë. Zgjidhja është ta rregullojnë, të jetë e pastër. Të kesh lezet kur të futesh brenda.”

“Jo, nuk jemi të kënaqur.”

“ Probleme të zgjidhshme, por përsa i përket stafit dhe personave të cilët shërbejnë jemi shumë të kënaqur , sinqerisht ka ndryshuar 100% , ndërsa kushtet janë gjëra që qeveria duhet t ‘i rregulloj.”

Qendra shëndetësore Paskuqan 2 është vetëm një nga 60 qendrat shëndetësore në disa qarqe të vendit që do t’i nënshtrohen rikonstruksionit. Fondi me vlerën 282 milionë lekë do të ndahet në 4 lote për qarqet Tiranë e Durrës, Berat, Korçë dhe Elbasan, Shkodër, Kukës, Lezhë, Dibër, Gjirokastër, Vlorë dhe Fier. Loti i parë i këtij tenderi përfshin qarqet Tiranë dhe Durrës në të cilin do të rikonstruktohen 17 objekte, 6 qendrave në Tiranë, 3 në Kavajë, 4 në qytetin e Durrësit dhe po aq edhe në Krujë.

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • dashi: 23/04/2023 20:35

    Firma qe beri punimet shkel e shko mori leket dhe nuk i hyri nje gjemb ne kembe prandaj deri sa nuk penalizohen keto rezultate do kemi.

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59