Qendrat e masazheve kthehen në vatra prostitucioni, 9 të arrestuar në 3 muaj në Tiranë! Cakrani: Vajzat marrin deri në 150 euro për një shërbim seksual

Shumë prej vajzave që punojnë në qendrat e masazheve vijnë nga zonat e thella të Shqipërisë. Naive dhe të padjallëzuara, ato i drejtohen kryeqytetit me dëshirën e vetme për të shpëtuar nga varfëria. Vajzat shkojnë në qendrat e masazheve për të punuar si masazhatore, por me kalimin e kohës gjërat ndryshojnë dhe në shantazh nga administratorët, detyrohen të japin shërbime ekstra.

Vitet e fundit ka një numër në rritje të shtimit të qendrave të masazheve me tendencë për vatër prostitucioni. Në 3 muajt e parë të këtij viti 9 persona u arrestuan në 3 qendra të ndryshme, pjesa më e madhe e të cilave punonjëse. Në vitin që lamë pas u kapën 11 persona, në 7 qendra masazhesh. Administratorët në të shumtën e rasteve kanë arritur të largohen.

Harta e shpërndarjes së qendrave që kanë rezultuar vatra prostitucioni është në të gjithë Tiranën, pranë gjimnazit “Petro Nini Luarasi”, në Astir, Rrugën e Kavajës, “21 Dhjetori”, Pazari i Ri e më gjerë.

Avokati Kujtim Cakrani tha në Report Tv se pakesët për shërbime seksuale brenda këtyre qendrave shkojnë deri në 150 euro.

“Në qendrat e masazheve çmimet shkojnë deri në 150 euro për 1 orë apo 1 orë e gjysmë, ndërsa çmime marramendëse paguhen eskortat nëpër hotele që shkojnë më shumë se 1 mijë euro”, tha ai.

Sociologia Entela Binjaku dhe aktivistja Suela Koçibelli konsiderojnë si shkaqe kryesore të këtij fenomeni, varfërinë dhe edukimin e pamjaftueshëm të marrë nga familjet nga vijnë.

Burime nga policia bëjnë me dije se gjatë operacioneve të ndryshme për goditjen e rasteve të prostitucionit në qendra masazhesh janë hasur edhe raste të rikthimit të vajzave në punë të tilla, kur në një kohë të caktuar ishin tërhequr.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mark marku: 24/03/2023 19:03

    Po leni t***en cpune kam une leni ore tbajn punen e vet se ka shku cmimi ma shum se ndubai...

    Përgjigju
    • Cxxxxxx: 24/03/2023 20:24

      O sazan …haha

  • Or tej: 24/03/2023 18:01

    Ulni cmimet or teeeejjjjj

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum