Prania e qenëve të shumtë endacakë në qytetin e Lezhës, përbën një shqetësim serioz për qytetaret. Vetëm gjatë muajit të fundit, 4 persona kanë marrë mjekim në spitalin rajonal të Lezhës, pasi janë kafshuar nga qentë endacakë.

Bashkia e Lezhës është në dijeni të situatës, por mungesa e një qendre për tajtimin e kafshëve endacakë nga specilaistët , ua vështirëson shumë punën për elemininim e ketij problemi, çfarë bën që rreziku nga qentë vijon të mbetet. Por drejtori i Shërbimeve Publike, Ndue Lushi shprehet se me miratimin e buxhetit do të merren masa për eleminimin e rriskut nga qentë.

Ndue LUSHI:"Ne nuk kemi një qendër trajtimi, të këtyre qenve endacakë realisht edhe për mungesën e fondeve për të akorduar për këtë problem. Gjithsesi, me metoda duke i larguar, duke angazhuar puntorë t’i largojmë nga qyteti dhe nga vendet ku grumbulloohen shumë fëmijë. Ky është një problem që kërkon fonde, të cilat aktualisht bashkia nuk i dispononon. Me miratimin e buzhetit të bashkisë edhe këtë problem mund ta trajtojmë, tamam sipas kushteve ligjore që kërkon shërbimi veteriner për mbrojtjen e njerëzve nga këto kafshë dhe qen endacakë", u shpreh  Ndue LUSHI.

Për sa kohë qentë endacakë vijonë të lëvizin lirshëm nëpër rrugët e qytetit, përbën një problem seriozë, sidoms për fëmijët e vegjël.

Redaksia Online
(m.ç/Shqiptarja.com)