POP 5

Lajmet më të lexuara të 5 minutave të fundit

Qershitë e Dibrës mbeten pa vjelë, fermerët: S'ka treg, dalim në Peshkopi dhe kthehemi mbrapsht, nuk e shesim dot gjithë mallin

Dibra, që njihet për kultivimin e qershive, me një prodhim vjetor prej 2700 ton përballet me mungesën e tregut dhe të fuqisë punëtore. Për pasojë prodhimi po shkon dëm dhe fermerët nuk arrijnë ta shesin as me çmimin minimal 30 lek/kg.

Prodhimi i qershive këtë vit është i mbarë në Dibër, por fermerët përballen me mungesën e tregut dhe fuqisë punëtore. Plantacionet me qershi kanë mbetur pa vjelë dhe po kalben pasi fruti kalon në tej pjekje. Fermerët ankohen se tregtarët nga Tirana e Durrësi e blejnë qershinë në Dibër me 30 lek për kg, ndërsa në tregjet e pakicës e shesin me 180 lek/kg.

"Sivjet kam shitur 6 kuintal dhe 20 kuintal janë në pemë. Çmimi tani është me 30 lek për km, dalim në Peshkopi dhe kthejmë mbrapsht se nuk e shesim dot gjithë mallin. Shteti nuk është kurrkund këtu, me investime në tregje apo me fabrika se po shkon dëm. Ne pemët e qershisë i kemi kot se nuk shitet ka mbetur ti fusim motosharrën", thanë fermerët.

Mungesa e pikave të mëdha të grumbullimit, e eksporteve dhe fabrikave të përpunimit ka bërë që tonelata me qershi të mbeten pa shitur.

"Kam tre ditë që dal këtu në treg, plus që janë me dhjetëra ton ende pa vjelë. Kam 8 dynym po i shes me 30 lek/kg por s’po i merr kush! Ka mbetur veç me i pre se s'kemi leverdi", tha një tjetër fermer.

Në bashkinë e Dibrës janë të regjistruara 371 hektarë me qershi dhe mbi 2700 tonë prodhim vjetor, me një rritje prodhimi prej 15% për këtë sezon. 

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Durresi: 11/06/2022 13:52

    Keto me duken me shume si probleme pertacie... Nderkohe qe edhe vendet me te zhvilluara nuk hedhin as bishtat e qepes,keta hedhin fruta e perime ne lume se nuk ua blejne... Po perpunoji more ,se u rrit vleren dhe shiti jasht vendit

    Përgjigju
  • Bim: 09/06/2022 22:45

    Ne Itali kushtojn 10 euro/kg, duhet te bashkoheni se gjeni treg sa te doni

    Përgjigju
    • Tallavaja: 09/06/2022 23:10

      Per tu merzitur eshte vella, se eshte djerse. Por eshte edhe fruti me i mire, me i kerkuar. Ne Amerike eshte $6 dollare poundi, shumezuar me 2.2 i bie 13.2 dollare kilogrami. Nuk them te sillet ne Amerike, por sikurse thote Bim, me shume perpjekje ose qe me perpara, te synohet te gjindet treg ne Europe. Amerika vete i merr nga Kili qe eshte me larg se Shqiperia, se nuk e mbush vetem Kalifornia dhe Oregon tregun. Eshte e sigurte qe e perthithin. Pastaj pjesa me pak estetike, te perpunohet komposto e recelra. Le qe i dini vete me mire. Por edhe ndihme nga Qeveria me shume mund te kete.

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Lushnjë/ Nusja dhunon vjehrrin për pronën, vihet në hetim

Lushnjë/ Nusja dhunon vjehrrin për pronën, vihet në hetim

25 Prill, 10:20