Qershitë ngelen stok në Berat, banorët: Shkak, rruga e amortizuar

Mungesa e rrugës po i penalizon banorët e fshatit Drobonik në Berat. Ata thonë se kanë prodhim mjaft të madh të qershive, por për shkak të mungesës së rrugës prodhimet po i prishen. Banorët shprehen se disa herë kanë bërë kërkesa, por asnjëherë nuk ka gjetur zgjidhje.

Rrugës së Drobonikut i hidhet një dorë çakull vetëm në kohë zgjedhjesh, por sapo mbaron fushata, gjithçka kthehet si më parë, e produktet e tyre mbetën pa u shitur, duke i shkaktuar dëme mjaft të mëdha në ekonomi.

Është stina e qershive, madje është edhe zona me prodhimtari më të madhe në qarkun e e Beratit. Fshati Drobonik në njësinë administrative të Velabishtit, prej vitesh po humbet prodhimet e këtij fruti, pasi rruga që të çon për në qytet është tërësisht e amortizuar. Banorët e zonës thonë se kanë investuar në pemtari, por për shkak të mungesës së rrugës prodhimet po u ngelin stok, e për pasojë edhe po kalben.

LEXO EDHE:
Reportazh për Beratin/ Pret 700 mijë turistë në vit, por qyteti i ‘një mbi një dritareve’ s’ka tabela orientuese! Udhërrëfyesi: Turistët humbasin rrugën

Prej shumë vitesh banorët e zonës thonë se në rrugën e tyre nuk është vënë dorë. Pushtetarët e kandidat për deputet nga anët e tyre shihen vetëm në kohë zgjedhjesh.

Të pyetur për këtë problem, zyrtar të bashkisë së Beratit jashtë kamerës justifikohen se rruga e fshatit Drobonik është pjesë e rrugës nacionale Berat-Përmet, e kjo është nën juridiksionin e Autoritetit Rrugor shqiptar.

Ata thonë se kanë kërkuar që rruga t’u kalojë atyre në mënyrë që të gjenden donacione për financim, por deri tani nuk është kthyer asnjë përgjigje nga ministria e linjës. Janë rreth 9 km rrugë, të cilat tashmë janë të pakalueshme dhe që çdo ditë e më shumë, po u humbasin miliona lekë banorëve të zonë së Velabishtit.

TAG:
• Berat
• rruga e amortizuar
• Qershite

Sondazhi i ditës:

A duhet prokurorëve të SPAK-ut t'u jepet e drejta e rikandidimit?

• Po

  63.8%

• Jo

  28.6%

• Nuk e di

  7.6%

Vota total: 1970

• Sondazhi i ditës:

  A duhet prokurorëve të SPAK-ut t'u jepet e drejta e rikandidimit?

  Po Jo Nuk e di