POP 5

Lajmet më të lexuara të 5 minutave të fundit

Arkiva

Qeveria 109 milion lekë
për komunitetet fetare

Qeveria për këtë vit ka vënë në dispozicion të komuniteteve fetare shumën prej 109 milionë lekësh e cila është parashikuar për këtë qëllim në buxhetin e shtetit.
TIRANE- Qeveria për këtë vit ka vënë në dispozicion të komuniteteve fetare shumën prej 109 milionë lekësh e cila është parashikuar për këtë qëllim në buxhetin e shtetit. Gjatë mbledhjes së djeshme Këshilli i Ministrave ka përcaktuar edhe shumën përkatëse për secilin prej komuniteteve, si dhe qëllimin e përdorimit të fondeve prej tyre. Sipas vendimit, një pjesë e fondeve shkon për financimin me gjysmën e pagës minimale të punonjësve të administratës së komuniteteve si dhe të punonjësve të tyre të arsimit. “Krahasuar me një vit më parë, fondi i akorduar nga buxheti i shtetit për komunitetet fetare në Shqipëri është rritur dhe gjithsej kap shumën rreth 109 milion lekë, të cilat shkojnë për të siguruar mbarëvajtjen e funksionimit të bashkësive fetare” thuhet në njoftimin zyrtar të Ministrisë së Mirëqenies Sociale.

Komuniteti Mysliman
Vendimi përveç miratimit të fondit ka mirëpërcaktuar edhe zërat se ku do të shpenzohen këto fonde. Kështu, Komuniteti Mysliman i Shqipërisë përfiton shumën 31 416 000 lekë, të ndarë përkatësisht: 11 748 000 lekë, për financimin me gjysmën e pagës minimale buxhetore për 89 punonjës të administratës dhe 19 668 000 lekë, për financimin me gjysmën e pagës minimale buxhetore për 149 punonjës të institucioneve të arsimit parashkollor, parauniversitar dhe universitar.

Kisha Ortodokse
Kisha Ortodokse Autoqefale e Shqipërisë përfiton shumën 25 872 000 lekë, të ndarë përkatësisht: 20 592 000 lekë, për financimin me gjysmën e pagës minimale buxhetore për 156 punonjës të administratës dhe 5 280 000 lekë, për financimin me gjysmën e pagës minimale buxhetore për 40 punonjës të institucioneve të arsimit parashkollor, parauniversitar dhe universitar.

Kisha Katolike
Sipas vendimit të marrë nga Këshilli i Ministrave, Kisha Katolike në Shqipëri përfiton shumën 25 872 000 lekë, të ndarë: 5 676 000 lekë, për financimin me gjysmën e pagës minimale buxhetore për 43 punonjës të administratës dhe 20 196 000 (njëzet milionë e njëqind e nëntëdhjetë e gjashtë mijë) lekë, për financimin me gjysmën e pagës minimale buxhetore për 153 punonjës të institucioneve të arsimit parashkollor, parauniversitar dhe universitar.

Kryegjyshata Botërore Bektashiane
Kryegjyshata Botërore Bektashiane përfiton shumën 25 740 000 lekë, të ndarë: 3 696 000 lekë, për financimin deri në gjysmën e pagës minimale buxhetore për 28 punonjës të administratës; 15 044 lekë, për ndërtimin e Selisë së Shenjtë të Kryegjyshatës Botërore Bektashiane (Odeonit); 7 000 000 lekë, për shkak të pozitës së veçantë, si Kryegjyshatë Botërore me qendër në Tiranë dhe të shtrirjes së veprimtarisë së saj jashtë vendit, që do të përdoret për të mbuluar plotësisht ose pjesërisht kërkesëpreventivat e paraqitur prej saj në kërkesën e vitit 2014, sipas dokumentacionit financiar të paraqitur për kryerjen e veprimtarive të parashtruara.
Pikë tjetër e vendimit është se kalimi i fondeve do të kryhet brenda muajit prill dhe do të jenë Ministria e Mirëqenies Sociale dhe Rinisë, Ministria e Financave dhe Komiteti Shtetëror për Kultet për zbatimin e këtij vendimi.

Shkrimi u publikua sot (2.04.2014) në gazetën Shqiptarja.com (print)

Redaksia Online
(d.a/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Afera Partizani/ Iu refuzua shfuqizimi i masës së sigurisë, Kushtetuesja zbardh vendimin për Jamarbër Malltezin

Afera Partizani/ Iu refuzua shfuqizimi i masës së sigurisë, Kushtetuesja zbardh vendimin për Jamarbër Malltezin

15 Janar, 18:50